- ភ្នំពេញ
អ្នករកស៊ីមួយចំនួនកំពុងតែប្រព្រឹត្តបាប បំផ្លាញសុខភាព ឬសម្លា.ប់ខ្មែរគ្នាឯងដោយប្រយោល ដោយសារតែពួកគេលក់ចំណីអាហារមានផ្ទុកជាតិគីមីហួសកម្រិត និងត្រូវបានហាមឃាត់
អ្នករកស៊ីមួយចំនួនកំពុងតែប្រព្រឹត្តបាប បំផ្លាញសុខភាព ឬសម្លា.ប់ខ្មែរគ្នាឯងដោយប្រយោល ដោយសារតែពួកគេលក់ចំណីអាហារមានផ្ទុកជាតិគីមីហួសកម្រិត និងត្រូវបានហាមឃាត់
អ្នករកស៊ីមួយចំនួនកំពុងតែប្រព្រឹត្តបាប បំផ្លាញសុខភាព ឬសម្លា.ប់ខ្មែរគ្នាឯងដោយប្រយោល ដោយសារតែពួកគេលក់ចំណីអាហារមានផ្ទុកជាតិគីមីហួសកម្រិត និងត្រូវបានហាមឃាត់។
ចំណីអាហារមានផ្ទុកសារធាតុគីមី ដែលបំផ្លាញសុខភាពមនុស្ស និងសត្វនោះ បានក្លាយជាក្តីបារម្ភទូទៅរបស់ពលរដ្ឋជាច្រើនឆ្នាំមកហើយ។ ចំណីអាហារគ្មានសុវត្ថិភាពនេះ ជាផ្នែកសំខាន់មួយ ដែលអាចនាំឱ្យពលរដ្ឋកើតជំងឺ ឬប្រឈមជំងឺនានាជាច្រើនប្រភេទទាំងជំងឺឆ្លង និងជំងឺមិនឆ្លង។
មហារីក លើសសំពាធឈា.ម ទឹកនោមផ្អែម និងជំងឺជាច្រើនទៀត បានកើតមានលើពលរដ្ឋជាទូទៅ ស្របពេលការសង្ស័យ និងការរកឃើញសារធាតុគីមីលើចំណីអាហារកាន់តែមានច្រើនឡើង និងគ្រប់ប្រភេទចំណីអាហារ ហើយនៅគ្រប់ទីកន្លែងមិនថាទីក្រុង និងជនបទនោះទេ។
សារធាតុគីមី ត្រូវបានគេរកឃើញមាននៅក្នុងត្រីសាច់ បន្លែ មិនថាឆៅ ឬឆ្អិននោះទេ។ ខ្ញី ស្ពៃ ត្រពាំង ត្រសក់ ក្រូចឆ្មា សរសៃគុយទាវ សរសៃមី ប្រហិត ពពុះសណ្តែក ត្រី សាច់ជ្រូក សាច់គោ និយាយជារួមរបស់ហូបចុកមួយចំនួន មានលាយសារធាតុគីមី ដើម្បីទុកបានយូរ ដើម្បីស្រស់ ដើម្បីឱ្យធ្ងន់ ឱ្យធំឆាប់រហ័សជាដើម។
បន្លែ ត្រី និងសាច់ ដែលផ្ទុកសារធាតុពុលអាចបំផ្លាញសុខសភាពមនុស្ស មានទាំងការដាក់ លាយមកពីក្រៅប្រទេស និងដាក់លាយផលិតនៅក្នុងស្រុក ដោយដៃខ្មែរអ្នកស្វែងរកផលចំណេញហួសហេតុនោះ។ ការលក់ត្រី សាច់ដែលផ្ទុកសារធាតុគីមី បំផ្លាញសុខភាពពលរដ្ឋ មានន័យស្នើនឹងបានសម្លា.ប់ពលរដ្ឋដោយប្រយោល។ អាជ្ញាធរបានរកសារធាតុដែលមាននៅក្នុងបន្លែ ត្រី សាច់ ម្ហូបអាហារ សុទ្ធតែបង្កផលប៉ះពាល់ដល់សុខភាព ដូច្នេះហើយបានជាច្បាប់គេហាមមិនឱ្យប្រើនោះឡើយ។
កាលពីពេលថ្មីៗនេះ អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងការបង្ក្រាប ការក្លែងបន្លំ នៃក្រសួងពាណិជ្ជកម្ម បានចុះត្រួតពិនិត្យទីតាំងកែច្នៃ និងចែកចាយខ្ញីហាន់១ ទីតាំងនោះស្ថិតក្នុងខណ្ឌដង្កោ រាជធានីភ្នំពេញ។ ក្រុមមន្ត្រីជំនាញបានរកឃើញ ខ្ញីដុំមិនទាន់ហាន់ចំនួន៩៤០គីឡូក្រាម ខ្ញីហាន់រួចដែលមានលាយសារធាតុ Sodium Hydrosulfite។
សារធាតុ Sodium Hydrosulfite គឺជាប្រភេទសារធាតុគីមីហាមឃាត់ និងមិនត្រូវបានអនុញ្ញាតឱ្យប្រើប្រាស់ ជាសារធាតុបន្ថែមក្នុងម្ហូបអាហារទេ ដែលការទទួលទាននូវសារធាតុនេះ អាចបណ្តាលឱ្យពិបាកដកដង្ហើម សម្ពាធឈា.មចុះទាប វិលមុខ ឈឺពោះ ក្អួតចង្អោរ រាករូស ឬគ្រោះថ្នាក់ដល់អាយុជីវិ.តផ្សេងៗទៀតផង។
ជាមួយគ្នានេះ កាលពីពេលថ្មីៗនេះ សមត្ថកិច្ចបានធ្វើការបំផ្លាញចោលសាច់ជ្រូក និងសរីរាង្គ ជ្រូកបង្កក សរុបប្រមាណ១,៧៦០គីឡូក្រាម។
លទ្ធផលសមត្ថកិច្ចបង្ក្រាបបានជាចំនួនមួយច្រើន បង្ហាញថា ស្ទើរគ្រប់មុខទំនិញមានសារធាតុគីមី។ ចុះអ្វីក្រៅពីនេះ ដែលសមត្ថកិច្ចមិនអាចបង្ក្រាបបាន តើអាហារពុល ខូចគុណភាពនោះប៉ុន្មានគីឡូប៉ុន្មានតោនទៅ ដែលត្រូវពលរដ្ឋទទួលទានចូលខ្លួនជាប្រចាំថ្ងៃនេះ? បើយ៉ាងនេះ សុខភាពពលរដ្ឋនឹងទៅជាយ៉ាងណា? សុខភាពគេមិនខុសពីសុខភាពយើងនោះទេ។ អ្នកណាក៏ស្រឡាញ់សុខភាព ចង់បានអាយុវែង គ្មានជំងឺដែរ។
ការអនុវត្តច្បាប់ ការផ្សព្វផ្សាយអប់រំដល់ពលរដ្ឋឱ្យប្រុងប្រយ័ត្ន ជាពិសេសការបណ្តុះបណ្តាលមនសិការជាតិ ការប្រកាន់ខ្ជាប់នូវសីលធម៌នៅក្នុងការរកទទួលទាន ជាអ្វីដែលរដ្ឋ និងពលរដ្ឋរួមគ្នាអនុវត្ត ដើម្បីសុខភាពសង្គមកម្ពុជាទាំងមូល។
សុខភាពពលរដ្ឋ ជាកត្តាសំខាន់របស់សង្គមជាតិ ក៏ដូចជាសង្គមគ្រួសារ។ ពលរដ្ឋមានសុខភាពមិនល្អ ប្រាជ្ញាស្មារតីក៏មិនរឹងមាំ ការវាងវៃក៏គ្មាន ដូច្នេះនឹងមិនសកម្មនៅក្នុងការចូលរួមអភិវឌ្ឍន៍សង្គមជាតិ និងគ្រួសារខ្លួនឡើយ ផ្ទុយទៅវិញនឹងក្លាយជាបន្ទុករបស់សង្គម។ ការរកទទួលទានបានចំណេញតិច មិនបំផ្លាញអ្នកដទៃជាអំពើបុណ្យ និងមិនល្មើសច្បាប់ ថែមទាំងបានជួយសង្គមជាតិផងដែរ។
អ្នកកាន់ព្រះពុទ្ធសាសនាគួរដឹងពីរបរចំនួន៥ប្រភេទ ដែលព្រះសម្មាសម្ពុទ្ធបានហាមមិនឱ្យ ពុទ្ធបរិស័ទប្រព្រឹត្តិឡើយ។ របរទាំង៥នោះ មានការជួញគ្រឿងសាស្ត្រាវុ.ធ ការជួញមនុស្ស ការជួញដូរសាច់ ការជួញទឹកស្រវឹង ឬគ្រឿងស្រវឹង គ្រឿ.ងញៀ.ន និងការជួញថ្នាំពិស ឬថ្នាំពុល ដែលបច្ចុប្បន្ននេះ ជាសារធាតុគីមីនោះឯង។ ព្រះពុទ្ធទូន្មានថា ការចាត់ចែងថ្នាំពិសឲ្យកើតឡើងដោយខ្លួនឯង ឬឲ្យគេផ្សំឲ្យ ឬបានមកដោយហេតុឯណានីមួយ ហើយលក់នូវថ្នាំពិស ថ្នាំពុលនោះ ជាអំពើបាប៕
ចែករំលែកព័តមាននេះ