លោកពូទីន មានទំនុកចិត្តលើជ័យជម្នះនៃសង្គ្រាមនៅអ៊ុយក្រែន
សង្គ្រាមអ៊ុយក្រែន ៖ ក្នុងសន្និសីទសារព័ត៌មានមួយកាលពីថ្ងៃទី១៤ ធ្នូ នៅវិមានក្រឹមឡាំង ប្រធានា
សង្គ្រាមអ៊ុយក្រែន ៖ ក្នុងសន្និសីទសារព័ត៌មានមួយកាលពីថ្ងៃទី១៤ ធ្នូ នៅវិមានក្រឹមឡាំង ប្រធានា
សង្គ្រាមអ៊ុយក្រែន ៖ ក្នុងសន្និសីទសារព័ត៌មានមួយកាលពីថ្ងៃទី១៤ ធ្នូ នៅវិមានក្រឹមឡាំង ប្រធានាធិបតីរុស្ស៊ី លោកវ្ល៉ាឌីមៀរ ពូទីន បានសម្ដែងទំនុកចិត្តលើជ័យជម្នះនៃសង្ក្រាមនៅអ៊ុយក្រែន ដោយលោកអះអាងថា រុស្ស៊ីនឹងបោះជំហានទៅមុខពេលដែលអ៊ុយក្រែនកំពុងជួបការលំបាក។
លោកពោលបែបនេះ១សប្ដាហ៍ក្រោយពីប្រកាសថា លោកមានបំណងស្ថិតក្នុងវិមានក្រឹមឡាំងបន្តទៀត។
ពេលឆ្លើយតមសំនួរបណ្ដាអ្នកកាសែតនិងពលរដ្ឋលោកពូទីនលើកឡើងថា ឆ្នាំ២០២៤យើងមានទំនុកចិត្តដោយលោកបន្តថា រឿងកងទ័ពលោកជួបការលំបាកកាលពីឆ្នាំ២០២២វាជារឿងអតីតកាល។ សន្និសីទសារព័ត៌មានរបស់លោកនោះតែងធ្វើជាទម្លាប់លើកលែងតែកាលពីឆ្នាំទៅមិញ។ ពេលសួរលោកពីការវាយប្រហាររបស់រុស្ស៊ិតាំងពីចប់ការវាយបករបស់អ៊ុយក្រែនដែលមិនសម្រេចបានផលមក លោកសម្ដែងក្ដីពេញចិត្ត។ លោកថាពិតណាស់តាមគ្រប់រណសិរ្ស កងទ័ពយើងបានកែលម្អបណ្ដាទីតាំងឈរជើងរបស់ខ្លួន។ កងទាហានរុស្ស៊ីកំពុងវាយរុលទៅមុខ ចាប់តាំងពីច្រើនសប្ដាហ៍មកហើយ។
លោកថាជ័យជម្នះនឹងនៅខាងយើង ដោយលោកសន្យាធ្វើដំណើរក្នុងពេលណាមួយ ទៅកាន់បណ្ដាតំបន់អ៊ុយក្រែនដែលរុស្ស៊ីបញ្ចូលជាឧបសម្ព័ន្ធ។ លោកពូទីនគូសបញ្ជាក់ថា បណ្ដាទិសដៅរបស់លោកមិនមានការផ្លាស់ប្ដូរឡើយនៅអ៊ុយក្រែនបន្ទាប់ពី២ឆ្នាំនៃសង្គ្រាមគឺ កម្ចាត់រដ្ឋអំណាចបច្ចុប្បន្នដែលលោកចាត់ទុកថាជារដ្ឋអំណាចណាហ្ស៊ីចេញ និងបំផ្លាញសមត្ថភាពយោធារបស់អ៊ុយក្រែនស្និទ្ធលោកខាងលិច។
ប្រធានាធិបតីរុស្ស៊ីទើបលាតត្រដាងជាលើកដំបូងពីចំនួនកងទាហានរុស្ស៊ីនៅអ៊ុយក្រែនថាមាន៦១៧.០០០នាក់ក្នុងនោះមានទាហានដែលកេណ្ឌប្រមូល២៤៤.០០០នាក់។ លោកថានោះជាកងទពដ៏ធំដែលកំពុងកាន់កាប់ដែនដីអ៊ុយក្រែនខ្ទង់ពី១៧ទៅ១៨%។ ផ្ទុយទៅវិញលោកមិនបានលើកពីចំនួនទាហានរុស្ស៊ីដែលស្លាប់ឡើយ។ អាមេរិកវាយតម្លៃថាទាហានរុស្ស៊ីដែលស្លាប់និងរបួសនៅអ៊ុយក្រែនមានខ្ទង់៣១៥.០០០នាក់៕
ចែករំលែកព័តមាននេះ