លោក លឹម សុគន្ធារ៉ា ចៅក្រមជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោស លើសំណុំរឿងប្តីបា.ញ់សម្លា.ប់ប្រពន្ធ ព្រោះតែភ្លើងប្រចណ្ឌ ដោយដាក់ពន្ធពន្ធនាគារកំណត់៣០ឆ្នាំ ពីបទ
រាជធានីភ្នំពេញ ៖ កាលពីរសៀលថ្ងៃទី១៣ ខែធ្នូ ឆ្នាំ២០២៣កន្លងទៅ លោក លឹម សុគន្ធារ៉ា ចៅក្រមជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោស លើសំណុំរឿងប្តីបា.ញ់សម្លា.ប់ប្រពន្ធ ព្រោះតែភ្លើងប្រចណ្ឌ ដោយដាក់ពន្ធពន្ធនាគារកំណត់៣០ឆ្នាំ ពីបទឃា.តក.ម្មគិតទុកជាមុន ដែលប្រព្រឹត្តនៅខណ្ឌមានជ័យ រាជធានីភ្នំពេញ ។
ជនជាប់ចោទខាងលើនេះមានឈ្មោះ ជា អូន ភេទប្រុស អាយុ២៥ឆ្នាំ ទីលំនៅផ្ទះលេខ៤១៧ ផ្លូវលំ ស្ថិតក្នុងភូមិរោងចក្រ សង្កាត់ភ្នំពេញថ្មី ខណ្ឌសែនសុខ ។ ចំណែកជនរងគ្រោះឈ្មោះ នូ សុខនីតា ហៅ ស៊ីវ អេង ភេទស្រី អាយុ២២ឆ្នាំ ទីលំនៅផ្ទះលេខ១៤០៣A ផ្លូវជាតិលេខ២ ភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
សូមរំឭកថា កាលពីព្រឹកថ្ងៃទី២៩ ខែមីនា ឆ្នាំ២០២៣កន្លងទៅ សាលាដំបូងរាជធានីភ្នំពេញ បានលើកយកសំណុំរឿង «ឃា.តក.ម្ម» អតីតប្តីបា.ញ់សម្លា.ប់ប្រពន្ធដោយសារភ្លើងប្រចណ្ឌ មកបើកសវនាការជំនុំជម្រះទោស ។ ប៉ុន្តែសវនាការនោះ ក្រោយពីសាកសួរដេញដោលជនត្រូវចោទរួច ប្រធានក្រុមប្រឹក្សាជំនុំជម្រះបានលើកពេលទៅថ្ងៃទី២៧ ខែមេសា ខាងមុខទៀត ។
នៅក្នុងរង្វង់ក្រចកសេះ ចំពោះមុខសវនាការ ជនត្រូវចោទបានឆ្លើយសារភាពទាំងអួលដើម.ក និងទឹកភ្នែករលីងរលោងថា «ខ្លួនសូមទទួលស្គាល់កំហុសដែលបានប្រព្រឹត្តអំពើមិនគប្បី លើកដៃបា.ញ់អតីតប្រពន្ធ ព្រោះតែភ្លើងប្រចណ្ឌដោយគ្មានជម្រើស តែសំណូមពរសុំឲ្យតុលាការបន្ធូរបន្ថយទោស ដើម្បីកែប្រែខ្លួនរស់ក្នុងសង្គមដ៏ស្អាតស្អំតទៅទៀត» ។
សូមរំឭកទៀតថា លោកស្រី អ៊ុក រ៉េតគន្ធា អនុប្រធានសាលាដំបូងរាជធានីភ្នំពេញ ជាចៅក្រមស៊ើបសួរលើសំណុំរឿងមួយនេះ បានសម្រេចចេញដីកាឃុំខ្លួនជនសង្ស័យដាក់ពន្ធនាគារជាបណ្តោះអាសន្ន កាលពីព្រឹកថ្ងៃទី១៣ ខែមិថុនា ឆ្នាំ២០២២ ក្រោមការចោទប្រកាន់ពីបទ «ឃា.តក.ម្មគិតទុកជាមុន និងប្រើប្រាស់អាវុ.ធដោយគ្មានច្បាប់អនុញ្ញាត »។
បទល្មើសគិតទុកជាមុននេះ យោងតាមមាត្រា២០០ នៃក្រមព្រហ្មទណ្ឌ គឺជាអំពើសម្លា.ប់មនុស្សដោយគិតទុកជាមុន ឬដោយការពួនស្ទាក់ ។ ការគិតទុកជាមុន គឺជាគម្រោងដែលបង្កើតឡើងមុនអំពើបៀ.តបៀ.នទៅលើរូបបុគ្គលនៃជនរងគ្រោះ ។ ការពួនស្ទាក់ ឬជាអំពើឃ្លាំចាំបុគ្គលណាម្នាក់ ក្នុងរយៈពេលមួយ ដើម្បីប្រព្រឹត្តអំពើបៀ.តបៀ.នទៅលើរូបបុគ្គលនៃជនរងគ្រោះ ដែលបទល្មើសនេះអាច
ជាប់ពន្ធនាគារអស់មួយជីវិ.ត ។
ករណីមួយនេះ បានកើតឡើង ដោយអតីតប្តីបានបា.ញ់សម្លា.ប់អតីតប្រពន្ធឲ្យស្លា.ប់ក្នុងថ្លុ.កឈា.ម កាលពីរសៀលថ្ងៃទី១០ ខែមិថុនា ឆ្នាំ២០២២ នៅក្នុងបន្ទប់ផ្ទះ តាមផ្លូវជាតិលេខ២ ស្ថិតក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ ។ ជនរងគ្រោះឈ្មោះ នូ សុជាតា អាយុ២២ឆ្នាំ បម្រើការនៅណាហ្គាវើលដ៍ ។ អ្នកទាំង២ មានកូនប្រុសម្នាក់ ដែលពេលនោះទើបមានអាយុ១ខួប៩ខែ ប៉ុន្តែពួកគេបានលែងលះគ្នាដាច់ស្រេចអស់រយៈពេល៣ខែមកហើយ ដោយដឹងឮត្រឹមសាលាសង្កាត់ ព្រោះចំណងអាពាហ៍ពិពាហ៍របស់អ្នកទាំង២មិនមានចុះសំបុត្រអាពាហ៍ពិពាហ៍ឡើយ ។
ប្រភពព័ត៌មានឲ្យដឹងថា នៅមុនកើតហេតុ អតីតប្តីបានទៅផ្ទះរបស់ប្រពន្ធ ហើយក៏កើតជាទំនាស់ពាក្យសម្តីឈ្លោះប្រកែកគ្នាយ៉ាងខ្លាំង ដោយសារប្រចណ្ឌអតីតប្រពន្ធថា មានស.ហា.យស្ម.ន់ដែលនាំឱ្យលែងលះ ។ ក្រោយពីមានការប្រកែកពាក្យសម្ដីគ្នាមួយប្រាវ អតីតប្តីក៏នាំអតីតប្រពន្ធចូលបន្ទប់ ដើម្បីនិយាយវែកញែករឿងដដែលនោះ ។
ខណៈពេលនោះ បងប្រុសបង្កើតជនរងគ្រោះ បានចូលទៅក្នុងបន្ទប់ដែរ ដើម្បីជួយសម្របសម្រួល តែត្រូវជនសង្ស័យជាអតីតប្តីដកកាំភ្លើ.ងខ្លីម៉ាកកា៥៩ ភ្ជ.ង់ទៅលើបុរសជាបងថ្លៃ និងគំរា.មឲ្យចេញពីបន្ទប់ កុំឲ្យចេះដឹងរឿងប្តីប្រពន្ធរបស់ពួកគេ ។
ពេលនោះ បុរសជាបងក៏ដើរចេញទៅវិញ ដោយបីកូនប្រុសតូចរបស់ពួកគេចេញពីបន្ទប់ដែរ ។ រំពេចនោះ ជនសង្ស័យក៏បានបា.ញ់អតីតប្រពន្ធចំសៀតថ្កា បណ្តាលឲ្យស្លា.ប់នៅលើគ្រែតែម្តងទៅ ។ ភ្លាមៗ ជនសង្ស័យមិនបានរត់គេចទៅណាឡើយ ហើយសាច់ញាតិជនរងគ្រោះក៏បានរាយការណ៍ប្រាប់សមត្ថកិច្ចមូលដ្ឋាន ដើម្បីទៅអន្តរាគមន៍ ។ បន្ទាប់មក សមត្ថកិច្ចបានឃាត់ខ្លួនជនសង្ស័យបញ្ជូនទៅប៉ុស្តិ៍នគរបាលរដ្ឋបាលចាក់អង្រែក្រោម ដើម្បីសាកសួរ និងបន្តនីតិវិធី ។
សូមបញ្ជាក់ថា យោងតាមគណនីហ្វេសប៊ុកផ្ទាល់ខ្លួនរបស់អតីតប្តីដែលមានឈ្មោះ «ជា អូន សន្តិភាព» បានបង្ហោះនៅលើបណ្តាញសង្គម មុនពេលបា.ញ់អតីតប្រពន្ធ ដោយមានបង្ហោះទាំងការថតវីដេអូប្រពន្ធ និងកូននៅក្នុងបន្ទប់ ភ្ជាប់ជាមួយនឹងខ្លឹមសារសរសេរថា «ខ្ញុំសុំទោសម៉ាក់ប៉ាសងខាង កូនមិនចង់ធ្វើអ៊ីចឹងទេ ព្រោះតែក្តីស្រឡាញ់ ។ ខ្ញុំកាត់ចិត្តមិនបាន ហើយប្រពន្ធខ្ញុំ គេមិនផ្ដល់ឱកាសឱ្យខ្ញុំទេ ខ្ញុំខំព្យាយាមខ្លាំងណាស់កន្លងមក ។ ខ្ញុំប្រាប់ហើយថា កុំឱ្យកុហកខ្ញុំ បំពា.ន ខ្ញុំស្រឡាញ់ប្រពន្ធខ្ញុំណាស់ មិនចង់ឱ្យអ្នកណាបានប្រពន្ធខ្ញុំទេ កូនសុំទោសម៉ាក់ប៉ា ខ្ញុំពិបាកធ្វើចិត្តខ្លាំងណាស់ ។ ខ្ញុំមិនចង់បែកពីប្រពន្ធខ្ញុំទេ សូមម៉ាក់ប៉ាជួយដាក់ខ្ញុំ និងប្រពន្ធរបស់ខ្ញុំជាមួយគ្នាអស់មួយជីវិ.ត ។ កូនសុំទោសម៉ាក់ប៉ា ពូមីង បងប្អូនទាំងអស់ជួយមើលកូនខ្ញុំផង ទ្រព្យដែលខ្ញុំមាននិងប្រពន្ធខ្ញុំ ផ្ដល់ឱ្យនិងថែរក្សាកូនខ្ញុំផង ។ កូនសុំទោសម៉ាក់ប៉ាពូមីងបងប្អូនទាំងអស់ ក្តីស្រឡាញ់ខ្ញុំកាត់ចិត្តមិនបាន»៕
ចែករំលែកព័តមាននេះ