ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា អមដំណើរដោយលោកស្រីមីសែល អូបាម៉ា ជាភរិយា កាលពីយប់ថ្ងៃទី២៣ ឧសភា បានអញ្ជើញទៅកាន់ប្រទេសអង់គ្លេស ដើម្បីបំពេញទស្សនកិច្ចផ្លូវរដ្ឋរយៈពេល៣ថ្ងៃនៅប្រទេសនេះ ។ នេះជាលើកទីមួយហើយដែលលោកអូបាម៉ា បំពេញទស្សនកិច្ចផ្លូវរដ្ឋនៅប្រទេសអង់គ្លេស ចាប់តាំងពីលោកក្លាយជាប្រធានាធិបតីអាមេរិកមក ។
ទោះបីជាបែបណា ទស្សនកិច្ចរបស់លោកអូបាម៉ា នៅប្រទេសអង់គ្លេសនេះ ជាការចាប់ផ្តើមទស្សនកិច្ចរបស់លោកនៅអឺរ៉ុប ដោយលោកត្រូវទៅកាន់ប្រទេសមួយចំនួន ។
លោកប្រធានាធិបតីអូបាម៉ា បានអញ្ជើញទៅកាន់ប្រទេសអង់គ្លេសមុនកាលកំណត់ដែលគ្រោងធ្វើនៅព្រឹកថ្ងៃទី២៤ ឧសភា ដោយសារការព្រួយបារម្ភអំពីការអាក់ខានក្នុងការធ្វើដំណើរដែលអាចបង្កឡើងដោយផេះហុយចេញពីការផ្ទុះភ្នំភ្លើង នៅប្រទេសអៀរឡង់ ។
ខុទ្ទកាល័យផ្នែកព័ត៌មានប្រចាំសេតវិមាននិយាយថា ដំណើរទស្សនកិច្ចរបស់លោកប្រធានាធិបតីអូបាម៉ា នៅប្រទេសអង់គ្លេសនឹងដំណើរការតាមការគ្រោងទុក។
លោកអូបាម៉ា និងលោកស្រីមីសែល អូបា ម៉ា បានអញ្ជើញទៅបំពេញទស្សនកិច្ចនៅចក្រភពអង់គ្លេសដើម្បីឆ្លើយតបតាមការអញ្ជើញរបស់ព្រះមហាក្សត្រីយានីអេលីហ្សា ប៊ែត ទីII ហើយក្នុងអំឡុងពេលនៃទស្សនកិច្ចនេះលោកប្រធានាធិបតីនឹងស្នាក់នៅវិមាន Bucking-
ham ។
តាមការប្រកាសព័ត៌មានដែលចេញដោយខុទ្ទកាល័យក្រសួងការបរទេសអង់គ្លេសថា លោកអូបាម៉ា នឹងបើកកិច្ចប្រជុំជាមួយនាយករដ្ឋមន្ត្រីអង់គ្លេស លោកដេវីដ កាមេរ៉ូន។
កាលពីរសៀលថ្ងៃទី២៣ ឧសភា មុនពេលចេញដំណើររបស់លោកអូបាម៉ា រដ្ឋមន្ត្រីការបរទេសអាេមរិក លោកស្រីហ៊ីល ឡារីន គ្លីនតុន និងសមភាគីអង់គ្លេសលោក William Hague បានជួបប្រជុំគ្នានៅក្នុងទីក្រុងឡុងដ៍ ស្តីអំពីការបះបោរផ្នែកនយោបាយនៅប្រទេសមួយចំនួនដូចជាប្រទេសលីប៊ី ស៊ីរី ស៊ូដង់ និងប្រទេសយេម៉ែន ជាដើម ។
ក្រោយពីបំពេញទស្សនកិច្ចនៅចក្រភពអង់គ្លេស លោកអូបាម៉ា និងលោកស្រីនឹងអញ្ជើញទៅកាន់ប្រទេសបារាំង ដើម្បីចូលរួមកិច្ចប្រជុំកំពូល G-8 ដែលនឹងរៀបចំឡើងនៅក្នុងទីក្រុងប៉ារីស នាថ្ងៃទី២៦ ឧសភា ។
លោកប្រធានាធិបតីអូបាម៉ា បានអញ្ជើញទៅកាន់ចក្រភពអង់គ្លេសក្រោយពីអញ្ជើញទៅបំពេញទស្សនកិច្ចនៅប្រទេសអៀរឡង់ជាស្រុកកំណើតជីដូនជីតាបុព្វការីជនរបស់លោក៕
ចែករំលែកព័តមាននេះ