កម្លាំងសមត្ថកិច្ច បាននិងកំពុងតាមចាប់ខ្លួនបុរសម្នាក់ ដែលគេអះអាងថា ជនរូបនេះ បានប្រើប្រាស់កូនកាំបិ.តចា.ក់សម្លា.ប់ឪពុកចុង រួចរត់គេចខ្លួនបាត់កាលពីវេលាម៉ោង៦និង៤០នាទីព្រលប់ ថ្ងៃទី១៣ ខែធ្នូ ឆ្នាំ២០២៣ នៅនឹងផ្ទះរបស់ជនរងគ្រោះ
ខេត្តបាត់ដំបង ៖ កម្លាំងសមត្ថកិច្ច បាននិងកំពុងតាមចាប់ខ្លួនបុរសម្នាក់ ដែលគេអះអាងថា ជនរូបនេះ បានប្រើប្រាស់កូនកាំបិ.តចា.ក់សម្លា.ប់ឪពុកចុង រួចរត់គេចខ្លួនបាត់កាលពីវេលាម៉ោង៦និង៤០នាទីព្រលប់ ថ្ងៃទី១៣ ខែធ្នូ ឆ្នាំ២០២៣ នៅនឹងផ្ទះរបស់ជនរងគ្រោះ ស្ថិតក្នុងភូមិសាមគ្គី ឃុំពេជ្រចិន្តា ស្រុកភ្នំព្រឹក។
បើរបាយការណ៍សមត្ថកិច្ច បានប្រាប់ឲ្យដឹងថា ជនដៃដល់ដែលសមត្ថកិច្ចកំពុងតែតាមចាប់ខ្លួននោះមានឈ្មោះ វណ្ណាវី វច្ចណៈ ភេទប្រុស អាយុប្រហែល៣០ឆ្នាំ (កូនដើមប្រពន្ធចុង) រីឯជនរងគ្រោះវិញមានឈ្មោះ ហៃ សុភ័ក្រ អាយុ៦៥ឆ្នាំ (ឪពុកចុង) ជាអតីតមន្ត្រីនគរបាល រស់នៅចំណុចកើតហេតុ។
របាយការណ៍បានបញ្ជាក់ថា ជនដៃដល់បានប្រើប្រាស់កូនកាំបិ.តចា.ក់ជាច្រើនកាំបិ.តទៅលើឪពុកចុង បណ្ដាលឲ្យស្លា.ប់ភ្លាមៗនៅនឹងកន្លែងកើតហេតុ។
បើតាមការបំភ្លឺបឋមពីក្រុមគ្រួសារ ដែលសមត្ថកិច្ចប្រមូលបាន បានឱ្យដឹងថា ករណីខាងលើនេះ គឺផ្ដើមចេញពីគំនុំក្នុងគ្រួសារ រវាងជនដៃដល់ និងជនរងគ្រោះ ដែលធ្លាប់មានជម្លោះដ៏រ៉ាំរ៉ៃជាមួយគ្នា។
តាមប្រវត្តិនៃជម្លោះរវាងឪពុកចុង និងកូនប្រុសប្រពន្ធចុងខាងលើនេះ បើតាមប្រភពពីសមត្ថកិច្ច បានប្រាប់ឲ្យដឹងថា ជនរងគ្រោះ និងជនដៃដល់ (ឪពុកចុង និងកូនចុង) ធ្លាប់មានជម្លោះជាមួយគ្នា ដែលកើតឡើងរ៉ាំរ៉ៃជាច្រើនឆ្នាំកន្លងមកហើយ ងំដូចរងើកភ្លើង។
ប្រភពដដែលបានបញ្ជាក់ថា ជម្លោះរវាងភាគីទាំងពីរនេះ ពុំមានអ្នកណាដឹងរឿងច្បាស់លាស់នោះទេ ព្រោះវាជាជម្លោះដែលកើតឡើងនៅក្នុងគ្រួសារ តែអ្នកខ្លះគ្រាន់តែដឹងថា ជនដៃដល់ហាក់ចងគំនុំជាមួយនឹងជនរងគ្រោះយ៉ាងក្ដៅគគុក និងតែងតែបង្កជម្លោះជាមួយជនរងគ្រោះនៅក្នុងផ្ទះជាញឹកញ៉ាប់ទៀតផង លុះនៅយប់កើតហេតុ បន្ទាប់ពីផ្ទុះជម្លោះ ជនដៃដល់ក៏ស្ទុះទៅទាញកូនកាំបិ.តចិតបន្លែចា.ក់ឪពុកចុងតែម្ដង។
លោក លឹម ពុទ្ធីឡា ស្នងការរងទទួលផែនព្រហ្មទណ្ឌនៃស្នងការខេត្ត បានប្រាប់ពីរឿងនេះ តាមទូរស័ព្ទថា ជនដៃដល់ឈ្មោះ វណ្ណាវី វច្ចណៈ បានរត់គេចខ្លួន ក្រោយចា.ក់សម្លា.ប់ឪពុកចុង។ ពេលនេះ កម្លាំងជំនាញបាននិងកំពុងតាមចាប់ខ្លួនជនរូបនេះហើយ។ ព្រោះគេសន្និដ្ឋានថា ជនរូបនេះកំពុងតែពូនសម្ងំលាក់ខ្លួននៅក្នុងភូមិសាស្ត្រស្រុកភ្នំព្រឹកនៅឡើយ។
លោកស្នងការរង បានបញ្ជាក់ថា បើតាមការសាកសួរបឋមលើក្រុមគ្រួសារ ករណីខាងលើនេះ គឺផ្ដើមចេញពីរឿងជម្លោះក្នុងគ្រួសាររវាងកូនប្រុសប្រពន្ធចុង និងឪពុកចុង។ លោកបន្ថែមទៀតថា បើតាមការបំភ្លឺពីក្រុមគ្រួសារ ជនរងគ្រោះ និងជនដៃដល់ធ្លាប់មានជម្លោះជាមួយគ្នាច្រើនឆ្នាំមកហើយ។ ហើយមុនពេលកើតហេតុ ជនដៃដល់បានទៅផ្ទះ រួចហូបបាយជុំគ្នា តែបន្តិចក្រោយមក ក៏ស្រាប់តែផ្ទុះជម្លោះឡើងមួយរំពេច រវាងកូនចុង និងឪពុកចុងខាងលើនេះ រហូតជនដៃដល់ស្ទុះទៅទា.ញកូនកាំបិ.តចា.ក់សឪពុកចុងទាំងកំរោ.ល បណ្ដាលឲ្យស្លា.ប់ភ្លាមៗតែម្ដង។
លោក លឹម ពុទ្ធីឡា បានប្រាប់ថា ជនរងគ្រោះរង មានស្នាមចា.ក់ដោយកូនកាំបិ.តចំនួន៨កន្លែង នៅលើដងខ្លួន និងក្បាល ជាពិសេសនៅត្រង់ផ្នែកខាងក្រោយនៃ.ក។ ប៉ុន្តែទោះបីជាយ៉ាងណា ពេលនេះកម្លាំងសមត្ថកិច្ចបាននិងកំពុងស្វែងរកចាប់ខ្លួនជនដៃដល់ ដែលកំពុងរត់គេចខ្លួនហើយ ដែលមិនទាន់ចេញទៅណាឆ្ងាយនៅឡើយទេ៕
ចែករំលែកព័តមាននេះ