សមាជិកសភាថៃម្នាក់ ត្រូវកាត់ទោសជាប់ពន្ធនាគារ៦ឆ្នាំ ពីបទប្រមា.ថព្រះមហាក្សត្រ
ថៃ ៖ សមាជិកសភាស្ត្រីថៃម្នាក់ ត្រូវបានកាត់ទោសជាប់ពន្ធនាគាររយៈពេល៦ឆ្នាំ ក្រោមច្បាប់ប្រមាថ
ថៃ ៖ សមាជិកសភាស្ត្រីថៃម្នាក់ ត្រូវបានកាត់ទោសជាប់ពន្ធនាគាររយៈពេល៦ឆ្នាំ ក្រោមច្បាប់ប្រមាថ
ថៃ ៖ សមាជិកសភាស្ត្រីថៃម្នាក់ ត្រូវបានកាត់ទោសជាប់ពន្ធនាគាររយៈពេល៦ឆ្នាំ ក្រោមច្បាប់ប្រមាថព្រះមហាក្សត្រ ហើយអាចនឹងបាត់បង់កៅអីផងដែរ។ នេះបើយោងតាមប្រភពពី BBC ចេញផ្សាយនៅថ្ងៃទី១៣ ខែធ្នូ ឆ្នាំ២០២៣។
នាង Rukchanok Srinork ដែលត្រូវបានស្គាល់ឈ្មោះក្រៅថា «Ice» សមាជិកសភាមកពីគណបក្សឆ្ពោះទៅមុខ ត្រូវបានចោទប្រកាន់ថា បង្ហោះសារលើបណ្តាញសង្គម X ដែលពីមុនជា Twitter រិះគន់របបរាជានិយម ហើយនាងថែមទាំងទទួចថា នាងមិនមានកំហុស។ គណបក្សឆ្ពោះទៅមុខ ដែលបានឈ្នះការបោះឆ្នោតឆ្នាំនេះ បានជំរុញឱ្យមានកំណែទម្រង់ច្បាប់ប្រមាថព្រះមហាក្សត្រ ប៉ុន្តែព្រឹទ្ធសភាដែលមិនជាប់ឆ្នោតបានប្រើប្រាស់ហេតុផលចម្បងនេះ ដើម្បីរារាំងការប៉ុនប៉ងរបស់គណបក្សឆ្ពោះទៅមុខក្នុងការបង្កើតរដ្ឋាភិបាល។
ការប្រឆាំងនឹងច្បាប់ប្រមាថព្រះមហាក្សត្រ គឺជាបញ្ហាមួយក្នុងចំណោមបញ្ហាដែលបង្កឱ្យមានការតវ៉ាទ្រង់ទ្រាយធំក្នុងឆ្នាំ ២០២០ ដែលអូសបន្លាយពេលជាច្រើនខែ ហើយយោងតាមមេធាវីថៃដើម្បីសិទ្ធិមនុស្ស ការចោទប្រកាន់ប្រហែល ២៦០ករណី ត្រូវបានដាក់ក្រោមច្បាប់ប្រមាថព្រះមហាក្សត្រចាប់តាំងពីឆ្នាំ ២០២០។ មនុស្សប្រហែល ២ពាន់នាក់ ត្រូវបានកាត់ទោសនៅក្រោមច្បាប់ផ្សេងៗគ្នា សម្រាប់ការចូលរួមក្នុងការតវ៉ានេះ។ ហើយជាក់ស្តែង នៅថ្ងៃទី១៣ ខែធ្នូ ឆ្នាំ២០២៣ Ice ត្រូវបានរកឃើញថាមានពិរុទ្ធពីបទប្រមាថព្រះមហាក្សត្រ ដោយតុលាការទីក្រុងបាងកកសម្រាប់ការបង្ហោះចំនួន២ផ្សេងគ្នា។
សូមជម្រាបជូនថា Ice ទទួលបានជ័យជម្នះដ៏គួរឱ្យភ្ញាក់ផ្អើលបំផុត នៅក្នុងចំណោមបេក្ខភាពវ័យក្មេងរបស់គណបក្សឆ្ពោះទៅមុខ នៅក្នុងការបោះឆ្នោតកាលពីខែឧសភាកន្លងទៅ ដោយនាងបានឈ្នះអាសនៈនៅ Bang Bon ដែលជាមណ្ឌលបោះឆ្នោតនៅជិតទីក្រុងបាងកក ហើយនាងត្រូវបានគេដាក់រហស្សនាមថា «Giant-Killer» ដោយប្រព័ន្ធផ្សព្វផ្សាយថៃ សម្រាប់ការយកបានកៅអីពីទម្ងន់ធ្ងន់ផ្នែកនយោបាយ។
ឥស្សរជនគណបក្សឆ្ពោះទៅមុខមួយចំនួនទៀត ក៏ប្រឈមមុខនឹងការចោទប្រកាន់ពីបទប្រមាថព្រះមហាក្សត្រផងដែរ ដែលភាគច្រើនជាសកម្មជនដែលបានចូលរួមក្នុងការតវ៉ានៅឆ្នាំ ២០២០៕
ចែករំលែកព័តមាននេះ