ខេត្តរតនគិរី ៖ បុរសម្នាក់បានបា.ញ់សម្លា.ប់ខ្លួនឯងនឹងកាំភ្លើងអាកា៤៧ ខណៈពេលកំពុងដេកជាមួយប្រពន្ធ នៅលើផ្ទះចាំចំការស្ថិតក្នុងភូមិកាំបាក់ ឃុំតឺន ស្រុកកូនមុំ កាលពីវេលា ម៉ោង១១យប់ ថ្ងៃទី២១ ឧសភា ។ ប្រភពព័ត៌មានឱ្យដឹងថា បុរសដែលបា.ញ់សម្លា.ប់ខ្លួនឯងនេះ ឈ្មោះប៊ុន នី អាយុ៣៥ឆ្នាំ មានស្រុកកំណើតនៅខេត្តក្រចេះ
ខេត្តរតនគិរី ៖ បុរសម្នាក់បានបាញ់សម្លាប់ខ្លួនឯងនឹងកាំភ្លើងអាកា៤៧ ខណៈពេលកំពុងដេកជាមួយប្រពន្ធ នៅលើផ្ទះចាំចំការស្ថិតក្នុងភូមិកាំបាក់ ឃុំតឺន ស្រុកកូនមុំ កាលពីវេលា ម៉ោង១១យប់ ថ្ងៃទី២១ ឧសភា ។
ប្រភពព័ត៌មានឱ្យដឹងថា បុរសដែលបាញ់សម្លាប់ខ្លួនឯងនេះ ឈ្មោះប៊ុន នី អាយុ៣៥ឆ្នាំ មានស្រុកកំណើតនៅខេត្តក្រចេះ មកស្នាក់នៅធ្វើចំការក្នុងភូមិកាំបាក់ ជាមួយឪពុកធម៌ បន្ទាប់ពីបានសែនព្រេនប្រពន្ធកាលពី៤ខែមុន។ នាងជាប្រពន្ធឈ្មោះម៉ៅ ស្រីឡា អាយុ២២ឆ្នាំ មានស្រុកកំណើតនៅភូមិរោងចក្រស្ករ ឃុំត្រមូង ស្រុកមេមត់ ខេត្តកំពង់ចាម ហើយបច្ចុប្បន្នមានផ្ទៃពោះ២ខែផង ។ បើតាមការពិនិត្យធ្វើកោសល្យវិច័យរបស់ប៉ូលិស គឺជាការបាញ់ពីក្បាលពោះធ្លាយទៅត្រគាកខាងឆ្វេងមួយគ្រាប់។ ចំពោះកាំភ្លើងអាកា៤៧ ដែលយកមកបាញ់សម្លាប់ខ្លួននេះ មានស្នាមឈូសលេខ ហើយទំនងកប់ដី និងទើបតែយកមកប្រើ ។ នៅកន្លែងកើតហេតុមានសំបកគ្រាប់មួយ និងគ្រាប់ពីរទៀតមិនទាន់ប្រើនៅក្នុងជង្រុកស្រូវក្បែរនោះ ។
តាមស្ត្រីជាប្រពន្ធបានឱ្យដឹងថា ប្តីរបស់នាងបានសម្លាប់ខ្លួន ខណៈពេលដេកជាមួយនាង តែមុនពេលចូលដេកគឺប្តីនាងបានទៅផឹកស្រានៅផ្ទះអ្នកជិតខាងពីរបីពែង។ ពេលនាងកំពុងដេកលក់ស្រាប់តែឮសូរគ្រាប់ផ្ទុះ លុះភ្ញាក់ឡើងស្រាប់តែឃើញប្តីត្រូវគ្រាប់កាំភ្លើងស្លាប់បាត់ទៅហើយ ។ នាងជាប្រពន្ធ បន្តទៀតថា ទាក់ទិននឹងកាំភ្លើងនេះ គឺមុនពេលចូលដេកប្តីនាងបានទៅខ្ចីកាំភ្លើងគេទុកដើរឆ្លុះសត្វ គឺបាញ់ឈ្លូសពេលយប់ ។ កន្លងមកប្តីនាងមិនដែលដើរឆ្លុះសត្វទេ ហើយក៏មិនដែលមានទំនាស់ជាមួយនាង ឬអ្នកដទៃដែរ ប៉ុន្តែមិនដឹងហេតុដូចម្តេច ស្រាប់តែមានរឿងបែបនេះកើតឡើង។
ចំណែកម្ចាស់ផ្ទះចំការដែលត្រូវជាឪពុកធម៌ប្តីប្រពន្ធនេះបានប្រាប់ប៉ូលិសថា គាត់បានទៅផឹកស្រាជាមួយកូនធម៌នៅផ្ទះ អ្នកជិតខាងកាលពីព្រលប់ហើយក៏មកផ្ទះសម្រាកមុនទៅដោយមិនដឹងថា កូនធម៌នេះទៅឆ្លុះសត្វ ហើយមកផ្ទះវិញថ្មើរណាទេ ស្រាប់តែឮសូរគ្រាប់ផ្ទុះផ្អើលទាំងយប់ ។ សូមបញ្ជាក់ថា កន្លែងដែលបុរសធ្វើអត្តឃាតនិងប្រពន្ធដេកនោះនៅក្បែរកន្លែងឪពុកធម៌សម្រាកដែរ គ្រាន់តែបាំងវាំងននប៉ុណ្ណោះ នៅលើផ្ទះខ្ពស់ពីដី។
អ្នកស្រុកនិយាយថា ម្ចាស់ផ្ទះដែលជាឪពុកធម៌ជាព្រានប្រមាញ់ជើងចាស់ម្នាក់ប្រចាំភូមិ មានដីចំការច្រើន ធ្លាប់ដើរឆ្លុះសត្វជាមួយកូនធម៌រូបនេះ ចុះហេតុអ្វីនៅយប់កើតហេតុគាត់ប្រាប់ប៉ូលិសថា កូនធម៌ទៅឆ្លុះសត្វតែម្នាក់ឯង ខុសប្រក្រតី? ចំពោះការធ្វើអត្តឃាតនេះ សមត្ថកិច្ចកំពុងធ្វើការស្រាវជ្រាវបន្ត។ ឯសពត្រូវបានបញ្ជូនទៅបូជានៅវត្តភូមិថ្មី (វត្តរស្មីសាមគ្គី) នាល្ងាចថ្ងៃទី២២ ឧសភា ៕
ចែករំលែកព័តមាននេះ