- សៀមរាប
ភ្ញៀវទេសចរវៀតណាម បច្ចុប្បន្នស្ថិតនៅលេខរៀងទី២ បន្ទាប់ពីថៃ។ ប៉ុន្តែផ្អែកតាមគោលនយោបាយ និងការធ្វើបច្ចុប្បន្នភាពនៃការត.ភ្ជាប់ថ្មីៗនេះ ភ្ញៀវទេសចរវៀតណាម អាចនឹង
ភ្ញៀវទេសចរវៀតណាម បច្ចុប្បន្នស្ថិតនៅលេខរៀងទី២ បន្ទាប់ពីថៃ។ ប៉ុន្តែផ្អែកតាមគោលនយោបាយ និងការធ្វើបច្ចុប្បន្នភាពនៃការត.ភ្ជាប់ថ្មីៗនេះ ភ្ញៀវទេសចរវៀតណាម អាចនឹង
ភ្ញៀវទេសចរវៀតណាម បច្ចុប្បន្នស្ថិតនៅលេខរៀងទី២ បន្ទាប់ពីថៃ។ ប៉ុន្តែផ្អែកតាមគោលនយោបាយ និងការធ្វើបច្ចុប្បន្នភាពនៃការត.ភ្ជាប់ថ្មីៗនេះ ភ្ញៀវទេសចរវៀតណាម អាចនឹងឈានមុខភ្ញៀវទេសចរចិន និងថៃ ជាថ្មីនៅក្នុងបញ្ជីភ្ញៀវទេសចរបរទេសនៅកម្ពុជា ។
ក្រោយពេលដែលសម្ពោធដាក់អោយដំណើរការជាផ្លូវការ កាលពីថ្ងៃទី១៦ ខែវិច្ឆិកា ឆ្នាំ២០២៣ថ្មីៗនេះ អាកាសយានដ្ឋានថ្មីនៅខេត្តសៀមរាប កំពុងតែទទួលជោគជ័យ ហើយយើងសង្ឃឹមថា អាកាសយានដ្ឋាននេះ នឹងកាន់តែជួយទាក់ទាញអ្នកទេសចរបរទេសមកកម្ពុជាបន្ថែមទៀត ជាពិសេសគឺវៀតណាម ។
តាមសេចក្តីថ្លែងការណ៍ដែលបានផ្សាយនៅលើបណ្តាញសង្គមផ្លូវការរបស់សម្តេចនាយករដ្ឋមន្ត្រីកម្ពុជា បានឲ្យដឹងថា ក្រុមហ៊ុនវៀតជេត (VietJet) ដែលជាក្រុមហ៊ុនអាកាសចរណ៍ស៊ីវិលតម្លៃថោកមួយរបស់វៀតណាម នឹងហោះហើរត្រង់ពីហាណូយ មកខេត្តសៀមរាប ចាប់ពីថ្ងៃទី១៥ ខែធ្នូ ឆ្នាំ២០២៣តទៅ ។
ឆ្លើយតបនឹងការបង្ហើបនេះ សម្តេចធិបតី ក៏បានសម្ដែងការស្វាគមន៍នូវផែនការហោះហើរត្រង់នេះ នៅក្នុងពេលដែលសម្តេចបានអនុញ្ញាតទទួលជួបលោក ង្វៀន ថាញ់ហ៊ុង ប្រធានក្រុមប្រឹក្សាភិបាលក្រុមហ៊ុន Sovico Group ដែលជាស្ថាបនិកនៃក្រុមហ៊ុនអាកាសចរណ៍ VietJet ។
សម្តេចធិបតី បានមានប្រសាសន៍នៅក្នុងជំនួបនោះថា ការចាប់ផ្តើមដំណើរការជើងហោះហើរត្រង់រវាងទីក្រុងហាណូយ និងខេត្តសៀមរាប នៅថ្ងៃទី១៥ ខែធ្នូ ២០២៣ ឆាប់ៗខាងមុខ ដែលនេះគឺជាការត.ភ្ជាប់ដ៏សំខាន់រវាងកម្ពុជា-វៀតណាម ដើម្បីជួយទៅដល់ការផ្លាស់ប្តូរអ្នកទេសចរទៅវិញទៅមក រវាងប្រទេសទាំងពីរ ។
ទន្ទឹមគ្នានេះ សម្តេចធិបតី ក៏បានបញ្ជាក់ផងដែរថា រាជរដ្ឋាភិបាលកម្ពុជា នៅតែផ្តល់នូវកិច្ចគាំទ្រ និងសម្របសម្រួលចំពោះដំណើរការអាជីវកម្មរបស់ក្រុមហ៊ុន Vietញet នៅក្នុងប្រទេសកម្ពុជា និងបានលើកទឹកចិត្តឱ្យក្រុមហ៊ុនពិនិត្យលទ្ធភាពពង្រីក គោលដៅនៃការហោះហើរត្រង់ពីទីក្រុងដាណាំង មកកាន់រាជធានីភ្នំពេញ ក៏ដូចជា ការពិភាក្សាអំពីលទ្ធភាពនៃកិច្ចសហការជាមួយបណ្តាក្រសួង-ស្ថាប័នពាក់ព័ន្ធរបស់កម្ពុជា ក្នុងការរៀបចំកញ្ចប់សេវាកម្មទេសចរណ៍ ដើម្បីជំរុញការធ្វើដំណើររបស់អ្នកទេសចរវៀតណាម តាម VietJet Air មកកាន់ប្រទេសកម្ពុជាឱ្យបានកាន់តែច្រើន ។
នៅក្នុងរង្វង់១០ខែដើមឆ្នាំ ពោលគឺពីខែមករា មកដល់ខែតុលា ឆ្នាំ២០២៣ កម្ពុជាបានទាក់ ទាញភ្ញៀវទេសចរបរទេសសរុប ៤,៤ លាននាក់ ហើយអ្នកទេសចរវៀតណាម ឈរនៅលំដាប់ទី២ ដែលមានអ្នកទេសចរមកលេងកម្ពុជា ចំនួនជាង ៨២៦.០០០ នាក់ ។ ដូច្នេះ ប្រសិនបើជើងហោះហើរត្រង់ពីហាណូយ មកខេត្តសៀមរាបទៀត រំពឹងថា ភ្ញៀវទេសចរវៀតណាមនឹងក្លាយជាទីផ្សារទេសចរបរទេសដ៏ធំជាថ្មីរបស់កម្ពុជា ។
នៅក្នុងរយៈពេល១០ខែដើមឆ្នាំនេះ ភ្ញៀវទេសចរថៃ ចូលមកកាន់ប្រទេសកម្ពុជា មានចំនួនសរុប ១,៥ លាននាក់ ដោយថៃនៅពេលនេះ មានជើងហោះហើរភ្ជាប់មកកាន់កម្ពុជាច្រើនជាង វៀតណាម ប៉ុន្តែទោះបីជាយ៉ាងណាក៏ដោយ កាលពីឆ្នាំ២០១៩ នៅមុនពេលកូវីដ រីករាលដាល ភ្ញៀវទេសចរវៀតណាមនៅលំដាប់ទី២ដដែល។ ទេសចរចិនមាន ២,៣ លាននាក់ វៀតណាម មានជាង ៩ សែននាក់ ខណៈពេលដែលថៃមានត្រឹមតែជាង ៤ សែននាក់តែប៉ុណ្ណោះ ។
នៅក្នុងរយៈពេលដដែលនេះ ភ្ញៀវទេសចរកំពូលទាំង១០ ដែលចូលមកកម្ពុជា គឺ ថៃ វៀតណាម ចិន ឡាវ អាមេរិក កូរ៉េខាងត្បូង ឥណ្ឌូនេស៊ី បារាំង អង់គ្លេស និងម៉ាឡេស៊ី ។
អត្ថដោយ ៖ ហេង ចេស្តារ
ចែករំលែកព័តមាននេះ