ខេត្តរតនគិរី ៖ ឃុំចំនួនពីរដែលសកម្មភាពគណៈកម្មការលទ្ធកម្មឃុំ ក្នុងការបើកសំណើដេញថ្លៃសាងសង់ផ្លូវមួយចំនួននៅក្នុងខេត្តរតនគីរី ត្រូវគេសង្កេតឃើញថា មានភាពមិនប្រក្រតីជាច្រើនបង្កដល់ការកកស្ទះដំណើរការអភិវឌ្ឍន៍គម្រោងសាងសង់ផ្លូវឃុំ ដោយលើកផែនការដេញថ្លៃបរាជ័យជាបន្តបន្ទាប់ បែរជាលេចឮថា គម្រោងនោះបានចរចាឱ្យទៅក្រុមហ៊ុនមួយចុះកិច្ចសន្យាអនុវត្តដោយមិនឆ្លងកាត់ការប្រកាសដេញថ្លៃនោះទេ ។
ទាក់ទិនករណីនេះដែរ មាននៅឃុំសាមគ្គី ស្រុកអូរជុំ ខេត្តរតនគីរី បានបើកប្រជុំដេញថ្លៃ កាលពីថ្ងៃទី១៣ ខែវិច្ឆិកា ឆ្នាំ២០២៣ លើកទី១ បានបរាជ័យដោយមានក្រុមហ៊ុនតែមួយប៉ុណ្ណោះ បានទៅដាក់សំណើហើយដំណើរការប្រកាសដេញថ្លៃគណៈកម្មការមិនអាចទទួលបើកសំណើបានក៏បានប្រគល់សំណើជូនក្រុមហ៊ុននោះវិញ ដោយគណៈកម្មការប្រកាសក្នុងអង្គប្រជុំថា គម្រោងនោះនិងប្រកាសនៅលើកក្រោយទៀត ដោយសារតែមូលហេតុសំណើមានតែមួយ ដូច្នេះ គណៈកម្មការមិនអាចបើកសំណើបានទេ លុះត្រាមានសំណើចំនួនបីទើបមានសុពលភាពបើកសំណើបានស្របតាមនីតិវិធីលក្ខខណ្ឌរបស់គ.ជ.អ.បថ្នាក់ក្រោមជាតិ ។
កាលពីនៅថ្ងៃទី៣០ ខែវិច្ឆិកា ឆ្នាំ២០២៣ គណៈកម្មការលទ្ធកម្មឃុំបានបើកប្រជុំប្រកាសដេញថ្លៃជាលើកទី២ នៅពេលដល់ម៉ោងប្រកាសដេញថ្លៃ មានក្រុមហ៊ុនជាច្រើនចូលរួមទៅដាក់សំណើដេញថ្លៃ តែពុំទាន់មានក្រុមហ៊ុនណាមួយដាក់សំណើដេញថ្លៃទៅក្នុងប្រអប់ទទួលសំណើនោះទេ។
ហើយស្រាប់តែលោកមេឃុំសាមគ្គី ប្រកាសថា ខ្វះគណៈកម្មការម្នាក់ ។ គម្រោងនោះក៏បាន
ប្រកាសទៅលើកក្រោយទៀត ដែលជាលើកទីបី ។ តើនេះជាកំហុសរបស់គណៈកម្មាការលទ្ធកម្មឃុំ ដែលជាម្ចាស់គម្រោង ឬគម្រោងនោះ ត្រូវបានផ្អិបទុក ដើម្បីទម្លាក់ទៅឲ្យក្រុមហ៊ុនមួយណាដែលម្ចាស់គម្រោងពេញចិត្ត ។
តែរហូតមកដល់បច្ចុប្បន្ន គម្រោងនោះមិនត្រូវបានប្រកាសនោះឡើយ តែបែរលេចឮថា គម្រោងនោះបានចរចាឲ្យទៅក្រុមហ៊ុនមួយចុះកិច្ចសន្យាអនុវត្តតែម្ដង។ គម្រោងសាងសង់ផ្លូវក្រាលក្រួសក្រហមមានប្រវែង ៥គីឡូម៉ែត្រទទឹង៦ម៉ែត្រ និងសាងសង់លូទោលមុខកាត់៨០សង់ទីម៉ែត្រ ប្រវែង ១២ម៉ែត្រ បីកន្លែង សាងសង់លូភ្លោះមុខកាត់ 80សង់ទីម៉ែត្រ ប្រវែង១២ម៉ែត្រ មួយកន្លែងសាងសង់លូភ្កោះមុខកាត់ ១ម៉ែត្រ ប្រវែង១២ម៉ែត្រចំនួនមួយកន្លែង ទីតាំងសាងសង់ស្ថិតនៅភូមិបរញ៉ុកឃុំសាមគ្គីស្រុកអូរជុំ តម្លៃប៉ាន់ស្មានសរុប១៦៨.៤៦៨.៨៥៣រៀល។
ដោយឡែក នៅឃុំការឡែង ស្រុកលំផាត់ ក៏មានសកម្មភាពស្រដៀងគ្នា និងឃុំសាមគ្គីនោះដែរ គឺគម្រោងសាងសង់ផ្លូវក្រួសក្រហមប្រវែង៣គីឡូម៉ែត្រ ទទឹង៦ម៉ែត្រ សាងសង់លូកាត់ផ្លូវ លូទោលមុខ0.8មមប្រវែង 10 ម៉ែត្រ មួយកន្លែង សាងសង់លូជ្រុងភ្លោះមុខកាត់ ២x៣ ម៉ែត្រ ទទឹង៦ម កំពស់ ២ម៉ែត្រមួយកន្លែង ទីតាំងស្ថិតនៅភូមិសាយ៉ស់ ឃុំកាឡែង ស្រុកលំផាត់ ក្នុងតម្លៃប៉ាន់ស្មានសរុប២០២.៤១០.២៥៨រៀលគត់ ។
ប្រភពពីអ្នកដេញថ្លៃ នៅព្រឹកថ្ងៃទី១២ ខែធ្នូ នេះថា បានទាក់ទងតាមទូរស័ព្ទទៅស្មៀនឃុំសាមគ្គី ដែរ តែលោកស្មៀនបានឆ្លើយថា កំពុងធ្វើលិខិតស.ជ.ណ ស្នើទៅខេត្ត ។ ករណីនេះ បើធ្វើលិខិត
ស.ជ.ណស្នើទៅខេត្ត ចាំបាច់អីត្រូវប្រកាសលើវ៉េនសាយ និងប្រកាសដេញថ្លៃធ្វើអ្វីទៅ…..?
មានព័ត៌មានបន្ថែម កោះសន្តិភាពផ្សាយជូបន្ត ។
ចែករំលែកព័តមាននេះ