ខេត្តបន្ទាយមានជ័យ ៖ ប្រជាពលរដ្ឋ២ភូមិមានចំនួន១០០គ្រួសារ នាំគ្នាផ្តិតមេដៃស្នើសុំឯកឧត្តមអភិសន្តិបណ្ឌិត ស សុខា ផ្លាស់ប្តូរលោក អ៊ុំ រាត្រី និងលោក…
ខេត្តបន្ទាយមានជ័យ ៖ ប្រជាពលរដ្ឋ២ភូមិមានចំនួន១០០គ្រួសារ នាំគ្នាផ្តិតមេដៃស្នើសុំឯកឧត្តមអភិសន្តិបណ្ឌិត ស សុខា ផ្លាស់ប្តូរលោក អ៊ុំ រាត្រី និងលោក ង៉ោ ម៉េងជ្រួន រឿងដោះស្រាយវិវាទដីធ្លី ក្រោយទទួលភាពអយុត្តិធម៌នៅក្នុងសង្កាត់ប៉ោយប៉ែត ក្រុងប៉ោយប៉ែត ។
តំណាងប្រជាពលរដ្ឋបានប្រាប់ឱ្យដឹងថា មូលហេតុដែលប្រជាពលរដ្ឋ២ភូមិជាង១០០គ្រួសារ បានផ្តិតមេដៃស្នើសុំឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីសុំផ្លាស់ប្តូរ លោក អ៊ុំ រាត្រី អភិបាលខេត្តបន្ទាយមានជ័យ និងលោក ង៉ោ ម៉េងជ្រួន អភិបាលរងខេត្តបន្ទាយមានជ័យ ក្រោយរឿងដោះស្រាយវិវាទដីធ្លីទទួលបានភាពអយុត្តិធម៌សម្រាប់ប្រជាពលរដ្ឋ។
តំណាងប្រជាពលរដ្ឋបានបញ្ជាក់ថា ទំនាស់ដីធ្លីដែលកើតឡើងរយៈពេលជិត២០ឆ្នាំ រវាងប្រជាពលរដ្ឋជាង១០០គ្រួសារចំនួន២ភូមិ មានភូមិចាន់គីរី និងភូមិទួលប្រាសាទ ជាមួយសមាគមអភិ
វឌ្ឍន៍កសិកម្មជាតិ ដែលមានផ្ទៃដី១៧២ហិកតា ដែលស្ថិតក្នុងសង្កាត់.ក្រុងប៉ោយប៉ែត ខេត្តបន្ទាយមានជ័យ ។
ប្រជាពលរដ្ឋបានបញ្ជាក់ថា ការដោះស្រាយវិវាទដីធ្លីដែលលោក អ៊ុំ រាត្រី អភិបាលខេត្តបន្ទាយមានជ័យ និងលោក ង៉ោ ម៉េងជ្រួន អភិបាលរងខេត្តបបន្ទាយមានជ័យ និងមន្ត្រីក្រោមឱវាទ បានដោះស្រាយទំនាស់ដីធ្លីមានផ្ទៃដីទំហំ១៧២ហិកតា រវាងប្រជាពលរដ្ឋជាង១០០គ្រួសារ ដែលទំនាស់ជាមួយសមាគមអភិវឌ្ឍន៍កសិកម្មជាតិ ដែលត្រូវបានដោះស្រាយដោយអោយប្រជាពលរដ្ឋរស់នៅ ជាក់ស្តែងបែងដីជាពីរចំណែកជាមួយសមាគមអភិវឌ្ឍន៍កសិកម្មជាតិការដោះស្រាយពុំទទួលបានភាពយុត្តិធម៌ទេ ។
ប្រជាពលរដ្ឋបានបញ្ជាក់ថា ការដោះស្រាយវិវាទដីធ្លីទទួលបានភាពអយុត្តិធម៌ ហើយតម្រូវអោយប្រជាពលរដ្ឋដែលបានបែងចែកជាពីរចំណែកហើយតម្រូវអោយបង់លុយទៅសមាគមអភិវឌ្ឍន៍កសិកម្មជាតិ១ម៉ែត្រការ៉េតម្លៃ១០ ទៅ១២ដុល្លារ ដែលដីកាន់កាប់ជាក់ស្តែងដោយសន្យាធ្វើប័ណ្ណកម្មសិទ្ធិជូន មានបងប្អូនមួយចំនួនបានបង់លុយ១គ្រួសារ មានរាប់ពាន់ និងម៉ឺនដុល្លារ តែពុំទាន់ទទួលបានប័ណ្ណកម្មសិទ្ធិនៅឡើយ ។
អ្នកនាំពាក្យសាលាខេត្តបន្ទាយមានជ័យលោក សេក សុខុម ប្រធានមន្ទីព័ត៌មានខេត្តបានប្រាប់ថា ប្រជាពលរដ្ឋជាង១០០គ្រួសារចំនួន២ភូមិមានភូមិចាន់គីរី និងភូមិទួលប្រាសាទ ស្ថិតសង្កាត់ប៉ោយប៉ែត ក្រុងប៉ោយប៉ែត គឺមានទំនាស់រយៈពេលជិត២០ឆ្នាំជាមួយសមាគមអភិវឌ្ឍន៍កសិកម្មជាតិ ដែលតែងតែតវ៉ាសុំឱ្យអាជ្ញាធរក្រុងប៉ោយប៉ែត និងខេត្តបន្ទាយមានជ័យ ជួយរកដំណោះស្រាយដើម្បីទទួលបានប្លង់កម្មសិទ្ធិ ជាការខិតខំប្រែងពីឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងឯកឧត្តម ង៉ោ ម៉េងជ្រួន អភិបាលរងខេត្ត និងមន្ត្រីក្រោមឱវាទ បានធ្វើការសម្របសម្រួល និងដោះស្រាយរហូតត្រូវបានបញ្ចប់ ហើយបែរជាប្រជាពលរដ្ឋស្រែកថា អយុត្តិធម៌ទៅវិញ ហើយរហូតស្នើសុំឯកឧត្តមអភិសន្តិបណ្ឌិត ស សុខា ផ្លាស់ប្តូរឯកឧត្តម អ៊ុំ រាត្រី និងឯកឧត្តម ង៉ោ ម៉េងជ្រួន បែរជាទទួលបានភាពអយុត្តិធម៌សម្រាប់ថ្នាក់ដឹកនាំខេត្តដែលខិតខំបម្រើប្រជាពលរដ្ឋដោយមិនគឹតពីការនឿយហត់ ។
មានព័ត៌មានបន្ថែម កោះសន្តិភាពផ្សាយជូនបន្ត ។
ចែករំលែកព័តមាននេះ