រាជធានីភ្នំពេញ ៖ សម្រាប់ឪពុកម្តាយភាគច្រើន ក្នុងចិត្តចង់ធ្វើរឿងល្អជាច្រើនសម្រាប់កូនៗ តែមិនបានគិតថា វាជាការធ្វើបាបកូនទៅវិញនោះទេ ។ ខាងក្រោមនេះ គឺជារឿងមួយចំនួនដែលអ្នកគួរចៀសវាងក្នុងការព្យាយាមជំរុញកូនរបស់អ្នកឱ្យធ្វើបានល្អនៅក្នុងសាលារៀន ៖…
រាជធានីភ្នំពេញ ៖ សម្រាប់ឪពុកម្តាយភាគច្រើន ក្នុងចិត្តចង់ធ្វើរឿងល្អជាច្រើនសម្រាប់កូនៗ តែមិនបានគិតថា វាជាការធ្វើបាបកូនទៅវិញនោះទេ ។ ខាងក្រោមនេះ គឺជារឿងមួយចំនួនដែលអ្នកគួរចៀសវាងក្នុងការព្យាយាមជំរុញកូនរបស់អ្នកឱ្យធ្វើបានល្អនៅក្នុងសាលារៀន ៖
១. កុំប្រៀបធៀបកូនរបស់អ្នកជាមួយកូនផ្សេងទៀត ។ កូនម្នាក់ធ្វើបានល្អនៅក្នុងសាលារៀន មិនអាចថា កូនម្នាក់ទៀតធ្វើបានដូចគ្នានោះទេ ទោះបីជាពួកគេជាបងប្អូនបង្កើតក៏ដោយ ។ ត្រូវយល់ថា ពួកគេធ្វើអស់ពីសមត្ថភាពហើយ ។
២. កុំគិតថា ជីវិតរបស់កូនអ្នកពឹងផ្អែកតែលើចំណាត់ថ្នាក់នៅសាលា ហើយកូនរបស់អ្នកនៅអាចមានសុភមង្គល និងបំពេញជីវិតបាន ទោះបីជាពួកមិនធ្លាប់ទទួលបានលេខ ១ ឬលេខ ២ ក្នុងថ្នាក់ក៏ដោយ ។
៣. កុំដាក់កាលវិភាគជីវិតរបស់ពួកគេពេញខ្លាំងពេក ចូរទុកពេលឱ្យកូនរបស់អ្នកសម្រាប់ចំណង់ចំណូលចិត្ត ការសម្រាក និងការលេងផង ។
៤. កុំលើកទឹកចិត្តអារម្មណ៍នៃភាពអស់សង្ឃឹម ។ កូនរបស់អ្នកត្រូវតែមានអារម្មណ៍ថា មានអំណាច មានថាមពល មានភាពវិជ្ជមាន ដែលពួកគេអាចជះឥទ្ធិពលដល់ការផ្លាស់ប្តូរនៅក្នុងជីវិតរបស់ពួកគេផ្ទាល់ ។
៥. កុំស្រឡាញ់តែពិន្ទុ កុំស្រឡាញ់តែចំណាត់ថ្នាក់ ត្រូវមើលលើការប្រឹងប្រែងរបស់គេវិញ ។ កូនរបស់អ្នកគឺសំខាន់ជាងចំណាត់ថ្នាក់របស់ពួកគេ ។ អនុញ្ញាតឱ្យពួកគេមានអារម្មណ៍ថា អ្នកស្រឡាញ់ និងយកចិត្តទុកដាក់លើពួកគេ ជាជាងថា អ្នកស្រឡាញ់ពិន្ទុខ្លាំងរហូតខឹងកូន ពេលកូនធ្វើមិនបានល្អ ។ អ្នកជាឪពុកម្តាយដ៏ល្អម្នាក់ដែលចង់បានអ្វីដែលល្អបំផុតសម្រាប់កូនរបស់អ្នក ។ ប៉ុន្តែនៅពេលដែលអ្នកព្យាយាមទាញយកតែអ្វីដែលល្អបំផុតនៅក្នុងខ្លួនពួកគេ រវល់តែគិតពីចំណាត់ថ្នាក់ រវល់ចង់បានតែពិន្ទុ សូមប្រយ័ត្នថា អ្នកបានភ្លេចកូនរបស់អ្នក អ្នកមិនប្រាស្រ័យទាក់ទងគ្នា ។ ការស្រឡាញ់ និងការយកចិត្តទុកដាក់ពីអ្នក គឺជារឿងដ៏អស្ចារ្យសម្រាប់កូនរបស់អ្នក ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ សាលារៀនបន្តទទួលចុះឈ្មោះចូលរៀនរៀងរាល់ថ្ងៃ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ