រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹកទ្ធសភា និងជាអតីតនាយករដ្ឋមន្ត្រី បានគូសបញ្ជាក់ថា សញ្ញាបត្ររបស់សកលវិទ្យាល័យនៅក្នុងប្រទេសថៃមួយនោះ ត្រូវបានបោះវាចោលតាំងពីឆ្នាំ២០០៨…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹកទ្ធសភា និងជាអតីតនាយករដ្ឋមន្ត្រី បានគូសបញ្ជាក់ថា សញ្ញាបត្ររបស់សកលវិទ្យាល័យនៅក្នុងប្រទេសថៃមួយនោះ ត្រូវបានបោះវាចោលតាំងពីឆ្នាំ២០០៨ នៅពេលដែលថៃលើកកងទ័ព ចូលឈ្លានពានប្រាសាទព្រះវិហាររបស់ខ្មែរមកម្ល៉េះ ។
សម្តេចតេជោ បានសរសេរលើបណ្តាញសង្គមនៅយប់ថ្ងៃទី០៨ ខែសីហា ឆ្នាំ២០២៥ យ៉ាងដូច្នេះថា ៖ “គួរអស់សំណើចណាស់ ថ្ងៃនេះខ្ញុំលឺថា សាកលវិទ្យាល័យថៃមួយនោះ ដែលខ្ញុំមិនចាំឈ្មោះផង បានបោះឆ្នោតដកហូតសញ្ញាបត្រពីខ្ញុំ! ។ ខ្ញុំសូមបញ្ជាក់ប្រាប់អ្នកវិញថា អ្នកមិនបាច់ដកចេញសញ្ញាបត្រពីខ្ញុំនោះទេ ព្រោះខ្ញុំ បានបោះវាចោលចូលក្នុងបង្គន់តាំងពីឆ្នាំ២០០៨ នៅពេល ដែលថៃលើកកងទ័ព ចូលឈ្លានពានប្រាសាទព្រះវិហាររបស់ខ្មែរមកម្ល៉េះ ! សញ្ញាបត្ររបស់អ្នក គ្មានតម្លៃណាមួយសម្រាប់ខ្ញុំរក្សាទុកនោះទេ” ។
ជាមួយគ្នានោះដែរសម្តេចតេជោ បានបញ្ជាក់បន្ថែមថា ៖ ខ្ញុំមិនមានមោទនភាពណាមួយ ចំពោះក្រដាសសញ្ញាបត្រមួយសន្លឹករបស់អ្នកនោះឡើយ។ ខួរក្បាលរបស់ ហ៊ុន សែន មិនមែនកើតចេញពីសាលារបស់អ្នកឯងនោះទេ ខួរក្បាលរបស់ ហ៊ុន សែន គឺកើតចេញពីការបង្រៀនរបស់ប្រជាជនខែ្មរ និងសាលារៀនរបស់កម្ពុជា ៕
ចែករំលែកព័តមាននេះ