ខេត្តកែប៖ ប្រជាពលរដ្ឋ​ និងពលករដែលបានធ្វើចំណាកស្រុក​ ក៏ដូចជាជនភៀសសឹក​ដោយសារសង្រ្គាមឈ្លានពានរបស់យោធាថៃមកលើកម្ពុជា​ ​បានធ្វើមាតុភូមិនិវត្តន៍​ មកដល់​ក្រុងកែប​ ខេត្តកែប​ ​ប្រមាណជិត១០០នាក់។

យោងតាមរដ្ឋបាលខេត្តកែប បានឱ្យដឹងថាដើម្បីផ្តល់ភាពកក់ក្តៅជូន​ប្រជាពលរដ្ឋ និងពលករ​នៅថ្ងៃទី៨​ ខែសីហា​ ឆ្នាំ២០២៥​ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអញ្ជើញជួបសំណេះសំណាល សួរសុខទុក្ខ និងចែកអំណោយជូនបងប្អូនប្រជាពលរដ្ឋ​ និងពលករដែលបានធ្វើចំណាកស្រុក​ ក៏ដូចជាជនភៀសសឹក​ដោយសារសង្រ្គាមឈ្លានពានរបស់យោធាថៃមកលើកម្ពុជា​ ដែលបានធ្វើមាតុភូមិនិវត្តន៍​ នៅសាលាក្រុងកែប​ ខេត្តកែប​ ចំនួន​ ២៦គ្រួសារ​ ស្មើនឹង​ ៨២នាក់។ ​

នៅក្នុងឱកាសដ៏ថ្លៃថ្លានេះ ឯកឧត្តមបណ្ឌិត សោម ពិសិដ្ឋ ​អភិបាលខេត្ត ​ ក៏បានអំពាវនាវដល់ប្រជាពលរដ្ឋដែលបានធ្វើមាតុភូមិនិវត្តន៍ទាំងអស់ឱ្យស្វែងរកការងារធ្វើ និងប្រកបមុខរបរនៅស្រុកកំណើតយើងវិញ ព្រោះនៅខេត្តកែប ក៏ដូចជាខេត្តជិតខាងរបស់យើងក៏មានការងារជាច្រើនកន្លែងសម្រាប់បងប្អូនធ្វើ៕

​
​