ខេត្តព្រះវិហារ៖ ទារកតូច​ៗជាច្រើននាក់ ទទួលបានគ្រឿងឧបភោគ នៅជំរំភៀសសឹក ស្ថិតក្នុងភូមិសាស្ដ្រខេត្តព្រះវិហារ។

យោងតាមមន្ទីរព័ត៌មានខេត្តព្រះវិហារ បានឱ្យដឹងថាលោកជំទាវ សុខា គងពិសី គីម រិទ្ធី នៅរសៀលថ្ងៃទី០៨ ខែកក្កដា ឆ្នាំ២០២៥នេះ បានអញ្ជើញចុះសាកសួរសុខទុក្ខ និងនាំយកឈុតពូកសម្រាប់កូនក្មេង ដែលជាអំណោយរបស់លោកជំទាវផ្ទាល់ ជូនដល់គ្រួសារដែលមានកូនតូចអាយុចាប់ពី ៦ខែ ចុះក្រោម កំពុងស្នាក់នៅបណ្ដោះអាសន្ននៅមណ្ឌលសុវត្ថិភាពវត្តឧត្តរគិរីទួលអណ្តែត (ហៅវត្តថ្នល់បែក) ស្ថិតនៅឃុំថ្មី ស្រុកគូលែន ខេត្តព្រះវិហារ៕