រាជធានីភ្នំពេញ ៖ ក្នុងគោលបំណងផ្សព្វផ្សាយនូវវិធីថែរក្សា និងតុបតែងម៉ូដសក់បែបអន្តរជាតិកាលពីពេលថ្មីៗនេះ ក្រុមហ៊ុនមីដាស (Midas) បានរៀបចំនូវកម្មវិធី Hair Party ឬរាត្រីសក់ពណ៌ស្វាយនៅរាជធានីភ្នំពេញ ដោយមានការចូលរួមពីភ្ញៀវអាជីវករ ពាណិជ្ជករជាតិ និងអន្តរជាតិជាច្រើនកុះករ។ កញ្ញាផលគុណ តំណាងក្រុមហ៊ុន Midas បាននិយាយថា ដោយសារកម្រិតជីវភាពរបស់ប្រជាពលរដ្ឋកម្ពុជាកាន់តែមានភាពល្អប្រសើរនោះ តម្រូវការនៃការថែរក្សា និងតុបតែងសក់ជាពិសេសការព្យាបាលសក់ក៏កាន់តែមានការកើនឡើងគួរឱ្យកត់សម្គាល់ផងដែរ ។
ដូច្នេះហើយទើបក្រុមហ៊ុន Midas បានធ្វើការជ្រើសរើសនូវការនាំចូលផលិតផលម៉ាក Bioline ដែលមានគុណភាពខ្ពស់ ដើម្បីឆ្លើយតបនឹងតម្រូវការរបស់អតិថិជន ។ ព្រមទាំងធ្វើការបង្ហាញផលិតផល Bioline នោះតាមរយៈកម្មវិធីរាត្រីសក់ពណ៌ស្វាយតែម្តង ។ កម្មវិធីនោះបានការអញ្ជើញចូលរួមពីលោក Kelvin Chan ដែលជាអ្នកជំនាញផ្នែកសក់ដ៏ល្បីនៅប្រទេសតៃវ៉ាន់ មកបង្ហាញអំពីបទពិសោធន៍ការថែទាំសក់ និងការរចនាម៉ូដសក់ផងដែរ ។
នាងបញ្ជាក់ថា ផលិតផល Bioline កំពុងទទួលបានការគាំទ្រ និងចរាចរនៅតាមបណ្តាប្រទេសចំនួន៣២ និងទទួលបានវិញ្ញាបនបត្រ GMP បញ្ជាក់គុណភាព។ Bioline ជាផលិតផលនៃប្រទេសម៉ាឡេស៊ី ហើយត្រូវបាននាំចូលមកចែកចាយក្នុងព្រះរាជាណាចក្រកម្ពុជាដោយក្រុមហ៊ុន Midas ។
គេគិតថា ផលិតផល Bioline អាចជាមុខទំនិញដែលនឹងធ្វើការប្រកួតប្រជែងជាមួយផលិតផលជាច្រើនទៀតដែលកំពុងវត្តមានលើទីផ្សារកម្ពុជា ៕
ចែករំលែកព័តមាននេះ