រដ្ឋាភិបាលថៃព្រមា.នកសិករខ្លួនពីការរត់ពន្ធ និងដាំស្រូវពូជមកពីវៀតណាម
ទីក្រុងបាងកក ៖ រដ្ឋាភិបាលថៃ បានព្រមានកសិកររបស់ខ្លួនពីការរត់ពន្ធ ឬដាំស្រូវពូជមកពី
ទីក្រុងបាងកក ៖ រដ្ឋាភិបាលថៃ បានព្រមានកសិកររបស់ខ្លួនពីការរត់ពន្ធ ឬដាំស្រូវពូជមកពីប្រទេសវៀតណាម ដែលអាជ្ញាធរថៃមិនទាន់បានបញ្ជាក់។
ប្រភពពីសារព័ត៌មានបាងកកប៉ុស្ត៍បានរាយការណ៍ថា លោក Thamanat Prompow រដ្ឋមន្ត្រីក្រសួងកសិកម្ម និងសហករណ៍ កាលពីថ្ងៃទី ៨ ខែ ធ្នូ កន្លងទៅ បានចេញការព្រមានដល់កសិករថៃដោយលើកឡើងថា ពួកគេអាចមានបញ្ហាប្រសិនបើវៀតណាមដាក់ពាក្យបណ្តឹងប្រឆាំងនឹងពួកគេ ហើយក៏អាចប៉ះពាល់ដល់កេរ្តិ៍ឈ្មោះរបស់ប្រទេស និងទំនាក់ទំនងទ្វេភាគីផងដែរ។
លោករដ្ឋមន្ត្រីទទួលស្គាល់ថា ពូជស្រូវវៀតណាមផ្តល់ទិន្នផលច្រើនជាងពូជស្រូវថៃ ដែលអាចបង្កើតប្រាក់ចំណូលច្រើនសម្រាប់កសិករ។ ប៉ុន្តែទោះយ៉ាងណា វាមិនអាចទៅរួចទេសម្រាប់នាយកដ្ឋានស្រូវ នៅក្នុងការបញ្ជាក់ពូជអង្ករ ដែលរត់ពន្ធពីប្រទេសជិតខាង។ លោកបានណែនាំឱ្យនាយកដ្ឋានស្រូវស្រាវជ្រាវ និងអភិវឌ្ឍពូជស្រូវក្នុងស្រុកថ្មី ដែលនឹងផ្តល់ទិន្នផលស្រូវកាន់តែច្រើនក្នុងមួយរ៉ៃ ជាមួយគុណភាពប្រសើរជាងមុន ដូច្នេះកសិករថៃ អាចប្រើប្រាស់វាសម្រាប់ដាំដុះនៅរដូវដាំដុះបន្ទាប់។
កាលពីថ្ងៃទី ៥ ខែ ធ្នូ កន្លងទៅ គេហទំព័រ The Rice Trader (TRT) បានប្រកាសថា អង្ករ Ong Cua ST25 របស់វៀតណាមជាប់ចំណាត់ថ្នាក់លេខ១ ក្នុងការប្រលងអង្ករល្អបំផុតពិភពលោកឆ្នាំ ២០២៣ នៅសន្និសីទអង្ករពិភពលោកទីក្រុងសេប៊ូ (Cebu) ប្រទេសហ្វីលីពីន ខណៈដែលលេខ២ បានលើប្រទេសកម្ពុជា និងលេខ៣ បានលើប្រទេសឥណ្ឌា។
លោក Chookiat Ophaswongse ប្រធានសមាគមអ្នកនាំចេញអង្ករថៃលើកឡើងថា ប្រទេសថៃមិនបានចូលរួមក្នុងការប្រលងឆ្នាំនេះទេ ទោះបីជាអង្ករថៃត្រូវបានទទួលស្គាល់យ៉ាងទូលំទូលាយអំពីគុណភាព និងស្តង់ដារយ៉ាងណាក៏ដោយ។ អង្ករ Hom Mali 105 របស់ថៃ បានឈ្នះពានរង្វាន់អង្ករល្អបំផុតរបស់ពិភពលោករយៈពេលពីរឆ្នាំជាប់គ្នា នៅក្នុងឆ្នាំ ២០២០ និង ២០២១។ ប៉ុន្តែទោះជាយ៉ាងនេះក្តី អង្ករផ្ការំដួលរបស់កម្ពុជាបានវ៉ាដាច់អង្ករ Hom Mali របស់ថៃ ដោយបានឈ្នះពានរង្វាន់អង្ករល្អបំផុតក្នុងពិភពលោកក្នុងឆ្នាំ ២០២២។
ការបរាជ័យនៃអង្ករថៃក្នុងការចូលរួមក្នុងការប្រកួតប្រជែងនេះ បានធ្វើឱ្យមានការរំជើបរំជួលក្នុងចំណោមសាធារណជនថៃ ព្រោះអង្ករថៃបានក្លាយជាជើងឯកពិភពលោកយូរមកហើយ ហើយតែងតែស្ថិតក្នុងចំណោមអង្ករល្អបំផុតទាំង៣នៅទូទាំងពិភពលោក ៕
ចែករំលែកព័តមាននេះ