បា.ញ់ប្រហារទៀតហើយនៅអាមេរិក ស្លា.ប់យុវជន៣នាក់
សហរដ្ឋអាមេរិក ៖ តាមប៉ូលិសមូលដ្ឋានថា យុវជន៣នាក់បានត្រូវស្លា.ប់និងម្នាក់ទៀតរងរបួស
សហរដ្ឋអាមេរិក ៖ តាមប៉ូលិសមូលដ្ឋានថា យុវជន៣នាក់បានត្រូវស្លាប់និងម្នាក់ទៀតរងរបួស ដោយសារការបាញ់ប្រហារមួយកាលពីយប់ថ្ងៃទី៩ធ្នូនៅក្រុងអត្លង់តារដ្ឋចចជៀ។
ក្នុងសេចក្ដីប្រកាសមួយស្នងការដ្ឋានប៉ូលិសក្រុងអាត្លង់តាគូសបញ្ជាក់ថា ជនរងគ្រោះ៣នាក់ជាយុវជនមានអាយុខ្ទង់២០ឆ្នាំបានស្លាប់នៅនឹងកន្លែង ហើយអ្នកទី៤រងរបួសបញ្ជូនទៅមន្ទីរពេទ្យ។
បណ្ដាសារព័ត៌មានក្នុងស្រុកដែលដកស្រង់ប្រភពប៉ុូលិសលើកឡើងថា ឧប្បត្តិហេតុបាញ់ប្រហារនោះទាក់ទិននឹងការរត់ពន្ធគ្រឿងញៀន។ អ្នកស្លាប់ទាំងអស់នៅមិនទាន់កំណត់អត្តសញ្ញាណ ហើយក៏មិនទាន់មានព័ត៌មានណាមួយទាក់ទិននឹងខ្មាន់កាំភ្លើងនៅឡើយដែរ។ គិតមកដល់ថ្ងៃទី៩ធ្នូនៃឆ្នាំនេះ នៅសហរដ្ឋអាមេរិក កើតមានការបាញ់ប្រហារដល់៦៣៤លើក បណ្ដាលឲ្យមនុស្សច្រើននាក់ស្លាប់៕
ចែករំលែកព័តមាននេះ