ADផ្ទាំងផ្សព្វផ្សាយពាណិជ្ជកម្ម

Picture

ឮ​សម្លេង​ផ្ទុះ ក៏​រត់​ស្ទុះ​ទៅ​មើល ស្រាប់តែ​ឃើញ​អណ្តាតភ្លើង​ឆាបឆេះ ផ្អើល​អស់​បុគ្គលិក

2 ខែ មុន
  • ភ្នំពេញ

អណ្ដាតភ្លើង​បាន​ឆាបឆេះ​ក្លិប​ស្នូកឃ័រ​មួយ​កន្លែង បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​០៣​និង​៣០​នាទី​រសៀល

រាជធានី​ភ្នំពេញ ៖ អណ្ដាតភ្លើង​បាន​ឆាបឆេះ​ក្លិប​ស្នូកឃ័រ​ ប៊ីយ៉ា មួយ​កន្លែង បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​០៣​និង​៣០​នាទី​រសៀល ថ្ងៃ​ទី​០៩ ខែធ្នូ ឆ្នាំ​២០២៣ នៅ​ចំណុច​ខាងក្នុង​ផ្សារ​ចិន​ទល់មុខ​អគារ ឌឹ​ក​ប្រ៊ី​ត ស្ថិត​ក្នុង​សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ ។

បើ​តាម​ប្រភព​ព័ត៌មាន​បាន​ពី​បុគ្គលិក​ធ្វើការ​នៅ​ខាងក្នុង​ហាង​ខាងលើ ប្រាប់​អោយ​ដឹង​ថា នៅ​មុន​ពេល​កើតហេតុ គាត់​កំពុង​តែ​ឈរ​នៅ​ខាង​មុខ​ហាង ខណៈ​ពេល​នោះ គាត់​បានឮ​សម្លេង​ផ្ទុះ​ចេញពី​ខាងក្នុង រួច​ក៏​ស្ទុះ​ទៅ​មើល ស្រាប់តែ​ឃើញ​មាន​ផ្សែង​ហ៊ុយ​យ៉ាង​ខ្មួលខ្មាញ់ កើតជា​អណ្តាតភ្លើង​ឆាប​ឆេះ​តែ​ម្តង​។

បុគ្គលិក​ខាងលើ​បន្ត​ថា ភ្លាម​ៗ​នោះ បុគ្គលិក​ក្នុង​ហាង​ទាំងអស់​បាន​នាំ​គ្នា​យក​បំពង់​បា​.​ញ់​ពន្លត់​ដែរ តែ​ដោយសារ​មាន​ផ្សែង រួម​នឹង​អណ្តាតភ្លើង​ខ្លាំង​ពេក មិន​អាច​គ្រប់គ្រង​បាន ទើប​គាត់​សម្រេចចិត្ត​រាយការណ៍​ទៅ​កាន់​មន្ត្រី​មូលដ្ឋាន ដើម្បី​អោយ​ជួយ​បន្ត​ទាក់ទង​ទៅ​កម្លាំង​ជំនាញ​បង្ការ​ពន្លត់​អគ្គិភ័យ មក​អន្តរាគមន៍​បា​.​ញ់​ទឹក​ពន្លត់ ចៀសវាង​អណ្ដាតភ្លើង​ឆេះ​រាលដាល​កាន់តែ​ខ្លាំង​ឡើង​។

លោក​វរសេនីយ៍ឯក ព្រហ្ម យ៉​ន ក្រោយ​ពី​ទទួល​បាន​ដំណឹង​ខាងលើ​ភ្លាម លោក​បាន​បញ្ជា​កម្លាំង​ចេញ​រថយន្ត​ជា​ច្រើន​គ្រឿង​មក​ដល់ទី​តាំង​កើតហេតុ ដើម្បី​ធ្វើការ​បា​.​ញ់​ទឹក​ពន្លត់​ទប់ស្កាត់​ភ្លាម​ៗ​។

គួរ​បញ្ជាក់​ថា គ្រោះ​អគ្គិភ័យ​ខាងលើ​នេះ​ដែរ បាន​ឆាបឆេះ​សម្ភារៈ​អស់​មួយ​ចំនួន​ធំ និង​ប្រើប្រាស់​រថយន្ត​ពន្លត់​អគ្គិភ័យ​អស់​ជា​ច្រើន​គ្រឿង​ទៀត រួម​មាន​ដូច​ជា ៖ រថយន្ត​ពន្លត់​ស្នងការ​នគរបាល​រាជធានី​ភ្នំពេញ​, រថយន្ត OCIC, រថយន្ត​ទីក្រុង​កោះ​ពេជ្រ​, រថយន្ត​កោះន​រា រួម​នឹង​រថយន្ត​ក្រសួងមហាផ្ទៃ មក​ជួយ​អន្តរាគមន៍​។

បច្ចុប្បន្ន អគ្គិភ័យ​ខាងលើ​បាន​រលត់​ជា​ស្ថាពរ ចំណែក​មូលហេតុ​សមត្ថកិច្ច​បាន​បញ្ជាក់​ថា បណ្តាល​មក​ពី​ឆ្លង​ចរន្ត​ចេញពី​ប៉ុស្តិ៍​ផ្សារ នៅ​ទីតាំង​កើតហេតុ​ខាងលើ​៕ ដោយ ៖ រ​ដ្ឋា

អត្ថបទសរសេរ ដោយ

កែសម្រួលដោយ