យុវជន២ក្រុម ក្នុងដៃប្រដាប់ដោយដុំថ្ម ដំបងទីប និងកាំបិ.ត បាននាំគ្នាបើកឆាកប្រយុទ្ធគ្នាពេញដងផ្លូវយ៉ាងអនាធិបតេយ្យ បណ្តាលឲ្យយុវជន២នាក់រងរបួស ហើយត្រូវបញ្ជូនទៅសង្គ្រោះនៅមន្ទីរពេទ្យ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជន២ក្រុម ក្នុងដៃប្រដាប់ដោយដុំថ្ម ដំបងទីប និងកាំបិ.ត បាននាំគ្នាបើកឆាកប្រយុទ្ធគ្នាពេញដងផ្លូវយ៉ាងអនាធិបតេយ្យ បណ្តាលឲ្យយុវជន២នាក់រងរបួស ហើយត្រូវបញ្ជូនទៅសង្គ្រោះនៅមន្ទីរពេទ្យ បង្កឱ្យមានការភ្ញាក់ផ្អើលកាលពីវេលាម៉ោង៩និង៥០នាទីយប់ ថ្ងៃទី៨ ខែធ្នូ ឆ្នាំ២០២៣ នៅត្រង់ចំណុចច្រកចូលផ្សារសំណង់១២ តាមបណ្ដោយផ្លូវ១៨៦កែងនឹងផ្លូវ២៦៥ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក។
បើតាមប្រភពព័ត៌មានពីកន្លែងកើតហេតុ បានប្រាប់ឲ្យដឹងថា នៅមុនពេលកើតហេតុ មានយុវជនមួយក្រុមមានគ្នា៨ទៅ៩នាក់ កំពុងនាំគ្នាអង្គុយផឹកស៊ីនៅតាមដងផ្លូវ ក្បែរកន្លែងកើតហេតុយ៉ាងសប្បាយរីករាយ។ លុះរហូតដល់វេលាកើតហេតុ ក៏ស្រាប់តែមានយុវជនមួយក្រុមទៀត មានគ្នា៧ទៅ៨នាក់ នាំគ្នាជិះម៉ូតូ៣ទៅ៤គ្រឿង ក្នុងដៃប្រដាប់ដោយកាំបិ.ត ដុំថ្ម ដំបងទីប បានទៅធ្វើសកម្មភាពគប់ដុំថ្មទៅលើក្រុមយុវជនដែលកំពុងអង្គុយផឹកស៊ីនោះ បន្ទាប់មកក្រុមយុវវនអង្គុយផឹកស៊ីក៏បានគប់តបតទៅវិញ។ ភាគីទាំងពីរ ក៏បើកឆាកប្រយុទ្ធគ្នា ដោយដេ.ញកា.ប់ និងគប់ដុំថ្មដាក់គ្នាទៅវិញទៅមក រត់យ៉ាងប្រសាចពេញដងផ្លូវ។
ប្រភពដដែលបន្តទៀតថា អំឡុងពេលដែលប្រយុទ្ធគ្នានោះ គឺបណ្តាលឲ្យយុវជនចំនួន២នាក់ ក្នុងចំណោមគ្នីគ្នាដែលអង្គុយផឹកនោះរងរបួស ដោយម្នាក់ត្រូវគេកា.ប់រយះចង្កេះ និងម្នាក់ទៀតគេគប់ បណ្តាលឲ្យបែកក្បាល។ បន្ទាប់មក ភាគីម្ខាងទៀតក៏នាំគ្នាជិះម៉ូតូរត់គេចខ្លួនបាត់ស្រមោលតែម្ដង។
តាមប្រភពពីជនរងគ្រោះដែលត្រូវគេកា.ប់រយះចង្កេះ បានរៀបរាប់ប្រាប់ឲ្យដឹងថា ពួកគេមិនដែលមានបញ្ហា ឬជម្លោះអ្វីជាមួយនឹងយុវជនទាំងនោះពីមុនមកទេ។ ហើយក៏មិនស្គាល់គ្នាពីមុខមកដែរ គ្រាន់តែដឹងថា យុវជនទាំងនេះធ្វើការនៅហ្គារ៉ាសរថយន្តនៅក្បែរនោះ។ ហើយនៅមុនពេលកើតហេតុ ក្រោយពីបញ្ចប់ការងារ ពួកគេក៏នាំគ្នាអង្គុយផឹកស៊ីក្បែរកន្លែងដែលខ្លួនស្នាក់នៅ។
ប្រភពដដែលបន្តថា បន្ទាប់មក រូបគេ និងគ្នីគ្នាម្នាក់ទៀតនាំគ្នាជិះម៉ូតូមួយគ្រឿងទៅទិញសាច់ក្លែមនៅក្បែរនោះ ពេលពេលជិះទៅ ក៏បានឃើញក្រុមយុវជនទាំងនោះ កំពុងអង្គុយផឹកនៅតាមផ្លូវដែរ។ ពេលនោះ ក្រុមយុវជនទាំងនោះបានស្រែកជេរពួកគេទាំង២នាក់ ប៉ុន្តែពួកគេមិនបានតបតនោះទេ ក៏ជិះហួសទៅ។
ប្រភពដដែលបន្តទៀតថា លុះពេលទិញសាច់ក្លែមរួច ក៏ជិះត្រឡប់មកវិញ ស្រាប់តែយុវជនទាំងនោះ ជិះដេញតាមកា.ប់ពួកគេទាំង២នាក់ ហើយពួកគេក៏ជិះរត់មកដល់កន្លែងគ្នីគ្នារបស់ពួកគេ បន្ទាប់ទាំងអស់គ្នាក៏បានវា.យតបតទៅវិញទៅមកតែម្ដងទៅ។
ក្រោយពេលកើតហេតុ ជនរងគ្រោះទាំង២នាក់ខាងលើ ត្រូវបានសមត្ថកិច្ចនាំខ្លួនមកព្យាបាលនៅមន្ទីរពេទ្យព្រះកុសមៈ ដើម្បីរង់ចាំទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលទឹកល្អក់ទី៣ នៅពេលក្រោយជាបន្តទៀត៕
ចែករំលែកព័តមាននេះ