ADផ្ទាំងផ្សព្វផ្សាយពាណិជ្ជកម្ម

Picture

អគ្គិភ័យ​ឆាបឆេះ​ធុងបាស់​ក្នុង​ផាប់​មួយ​កន្លែង ផ្អើល​ពលរដ្ឋ​រស់នៅ​សង្កាត់​ផ្សារ​ថ្មី​៣

2 ខែ មុន
  • ភ្នំពេញ

អគ្គិភ័យ​បាន​ឆាបឆេះ​ធុងបាស់​នៅ​ក្នុង​ផាប់​មួយ​កន្លែង នៅ​ចំណុច​ទីប្រជុំជន បង្ក​ឱ្យ​មានការ​ភ្ញាក់ផ្អើល​ដល់​ប្រជាពលរដ្ឋ​សុំ​ជំនួយ​រថយន្ត​ពន្លត់​អគ្គិភ័យ​ភ្លាម​ៗ

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា អគ្គិភ័យ​បាន​ឆាបឆេះ​ធុងបាស់​នៅ​ក្នុង​ផាប់​មួយ​កន្លែង នៅ​ចំណុច​ទីប្រជុំជន បង្ក​ឱ្យ​មានការ​ភ្ញាក់ផ្អើល​ដល់​ប្រជាពលរដ្ឋ​សុំ​ជំនួយ​រថយន្ត​ពន្លត់​អគ្គិភ័យ​ភ្លាម​ៗ កាលពី​វេលា​ម៉ោង​៤​និង​៣០​នាទី​ទៀប​ភ្លឺ ថ្ងៃ​ទី​៩ ខែធ្នូ ឆ្នាំ​២០២៣ នៅ​ចំណុច​ផាប់​មួយ​កន្លែង មាន​ស្លាក​យីហោ «DO IT ALL PUB» ស្ថិត​ក្នុង​សង្កាត់​ផ្សារ​ថ្មី​៣ ខណ្ឌដូនពេញ រាជធានី​ភ្នំពេញ​។

យោង​តាម​ប្រភព​ព័ត៌មាន​ពី​កន្លែង​កើតហេតុ បាន​ប្រាន់​ឲ្យ​ដឹង​ថា នៅ​មុន​ពេល​កើតហេតុ គេ​ឃើញ​មាន​ផ្សែង​ហ៊ុយ​ចេញពី​ក្នុង​ផាប់​មួយ​កន្លែង ដែល​មាន​ស្លាក​យីហោ «DO IT ALL PUB» និង​មាន​អណ្តាតភ្លើង​ឆាបឆេះ​តែ​ម្ដង​។ ដោយ​ឃើញ​ដូចនេះ​ភ្លាម អ្នក​រស់នៅ​ជិត​ទីតាំង​កើតហេតុ​ខាងលើ បាន​នាំ​គ្នា​រាយការណ៍​ជូន​សមត្ថកិច្ច និង​សុំ​រថយន្ត​ពន្លត់​អគ្គិភ័យ ដើម្បី​មក​ជួយ​អន្តរាគមន៍​ជា​បន្ទាន់ ដោយសារ​តែ​នៅ​តំបន់​នោះ គឺ​មាន​មនុស្ស​រស់នៅ​ច្រើន​។

ក្រោយ​ពី​ទទួល​បាន​ដំណឹង​ខាងលើ​នេះ​ភ្លាម ការិយាល័យ​នគរបាល​បង្ការ​ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ បាន​បញ្ចេញ​រថយន្ត​ពន្លត់​អគ្គិភ័យ​ចំនួន​៤​គ្រឿង ទៅ​កាន់​ទីតាំង​កើតហេតុ និង​អន្តរាគមន៍​បា​.​ញ់​ទឹក​ពន្លត់​ភ្លាម​ៗ​ផង​ដែរ​។

គួរ​បញ្ជាក់​ផង​ដែរ​ថា ករណី​អគ្គិភ័យ​នេះ បាន​ឆាបឆេះ​ធុងបាស់​១​គ្រឿង​នៅ​ក្នុង​ផាប់​កើតហេតុ​ខាងលើ ដោយ​គេ​សន្និដ្ឋាន​ជាបឋម​ថា «​សង្ស័យ​បណ្តាល​មក​ពី​ឆ្លង​ចរន្តអគ្គិសនី​»​។ ហើយ​ករណី​អគ្គិភ័យ​នេះ​ផង​ដែរ មិន​បាន​បង្ក​អោយ​ឆេះ​រាលដាល ឬ​បង្ក​អោយ​នរណា​ម្នាក់​រង​របួស​នោះ​ឡើយ​។

ក្រោយ​ពេល​កើតហេតុ មន្ត្រី​ជំនាញ​បាន​ប្រើប្រាស់​រថយន្ត​ពន្លត់​អគ្គិភ័យ​បា​.​ញ់​ទឹក​ពន្លត់​អស់​១​គ្រឿង ទើប​ធ្វើ​អោយ​អណ្ដាតភ្លើង​រលត់​ទៅ​វិញ​ទាំងស្រុង​នៅ​ថ្ងៃខែ​ឆ្នាំ​ដដែល ព្រមទាំង​បាន​ត្រឡប់​ទៅ​កាន់​ការិយាល័យ​វិញ​ផង​ដែរ​៕

អត្ថបទសរសេរ ដោយ

កែសម្រួលដោយ