ការប្រយុទ្ធគ្នាខ្លាំងក្លានៅភាគខាងត្បូងជ្រោយហ្គាហ្សា
សង្គ្រាមអ៊ីស្រាអែលនិងហាម៉ាស់ ៖ ការប្រយុទ្ធគ្នាពិតជាខ្លាំក្លាកាលពីថ្ងៃទី៨ ធ្នូ នៅក្នុងនិងនៅជុំវិញ
សង្គ្រាមអ៊ីស្រាអែលនិងហាម៉ាស់ ៖ ការប្រយុទ្ធគ្នាពិតជាខ្លាំក្លាកាលពីថ្ងៃទី៨ ធ្នូ នៅក្នុងនិងនៅជុំវិញទីក្រុងធំៗនៅជ្រោយហ្គាហ្សា២ខែ ក្រោយការវាយប្រហារដ៏បង្ហូរឈាមរបស់ពួកហាម៉ាស់ប៉ាឡេស្ទីនលើអ៊ីស្រាអែលពីថ្ងៃទី៧តុលាមក និងការចាប់ផ្ដើមសង្គ្រាមដែលតុល្យការជនរងគ្រោះកើនឡើងជាប់ជានិច្ច។
បន្ទាប់ពីដំណាក់កាលទីមួយនៃការវាយលុកតាមជើងគោកប្រឆាំងពួកហាម៉ាស់ ដែលផ្ដោតលើភាគខាងជើងជ្រោយហ្គាហ្សា ជាមួយការវាយប្រហារខ្លាំងក្លាតាមអាកាស ក្នុងសប្ដាហ៍នេះកងទ័ពអីុស្រាអែលបានពង្រីកប្រតិបត្តិការ ដល់ភាគខាងត្បូងហ្គាហ្សាកន្លែងប្រមូលផ្ដុំជនភៀសខ្លួនជិត២លាននាក់។ កងទាហានអីុស្រាអែលគាំទ្រដោយការវាយប្រហារតាមអាកាស នាថ្ងៃទី៧ធ្នូបានប៉ះទង្គិចគ្នាខ្លាំងក្លា នៅក្រុងខាន់យូនេសភាគខាងត្បូងហ្គាហ្សាជាមួយពួកយុទ្ធជនក្រុមហាម៉ាស់ ក៏ដូចជានៅភាគខាងជើងនិងក្នុងទីក្រុងហ្គាហ្សា ព្រមទាំងនៅតំបន់ជិតក្រុងហ្សាប៊ីលីយ៉ា។
ចំនួនជនប៉ាឡេស្តីនស្លាប់នៅជ្រោយហ្គាហ្សាមកដល់ថ្ងៃទី៧ធ្នូ កើនដល់១៧.១៧៧នាក់ក្នុងនោះ៧០%ជានារីនិងក្មេងមានអាយុក្រោម១៨ឆ្នាំ ដោយសារការទម្លាក់គ្រាប់បែករបស់អីុស្រាអែល។ នេះបើតាមក្រសួងសុខាភិបាលរបស់ក្រុមហាម៉ាស់។ នាព្រឹកថ្ងៃទី៨ធ្នូក្រសួងនេះរៀបរាប់ពីមនុស្សស្លាប់៤០នាក់ ក្នុងការវាយប្រហារនៅជិតក្រុងហ្គាហ្សា និងច្រើនសិបនាក់ទៀតស្លាប់នៅហ្សាបាលីយ៉ានិងនិងនៅខាន់យូនេស។
នាយប់ថ្ងៃទី៧ធ្នូបណ្ដាទូរទស្សន៍អ៊ីស្រាអែលបង្ហាញរូបភាពវីដេអូដែលគេឃើញជនប៉ាឡេស្ទីនច្រើនសិបនាក់ នៅសល់តែអាវក្នុងនិងភ្នែកត្រូវបិទ ស្ថិតក្រោមក្រសែភ្នែករបស់ពួកទាហានអ៊ីស្រាអែលនៅជ្រោយហ្គាហ្សា ដែលបែបនេះបណ្ដាលឲ្យមានសង្គ្រាមប៉ាកាតាមបណ្ដាញសង្គម។ ក្នុងកិច្ចសន្ទនាតាមទូរស័ព្ទមួយ ជាមួយនាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូ ប្រធានាធិបតីអាមេរិកលោកចូបៃដិន បានទទូចលើភាពចាំបាច់ដាច់ខាតការពារបណ្ដាជនស៊ីវិលហើយញែកគ្នាឲ្យដាច់ រវាងជនស៊ីវិលនិងក្រុមហាម៉ាស់។
សរុបទាហានអ៊ីស្រាអែល៨៩នាក់ស្លាប់ ក្នុងការប្រយុទ្ថនៅហ្គាហ្សាក្នុងនោះមានកូនប្រុស របស់លោកហ្គាឌីអៃស៊ិនកូត អតីតនាយសេនាធិការកងទ័ពអីុស្រាអែលនិងជាជំនួយការរបស់លោកនេតាន់យ៉ាហ៊ូ៕
ចែករំលែកព័តមាននេះ