ប្រធានាធិបតីអ៊ីរ៉ង់ មកកាន់ក្រុងមូស្គូ ជួបលោកពូទីន
ប្រទេសរុស្ស៊ី ៖ បន្ទាប់ពីទៅបំពេញទស្សនកិច្ចនៅមជ្ឈឹមបូព៌ា ប្រធានាធិបតីរុស្ស៊ីលោកវ្ល៉ាឌីមៀរ ពូទីន
ប្រទេសរុស្ស៊ី ៖ បន្ទាប់ពីទៅបំពេញទស្សនកិច្ចនៅមជ្ឈឹមបូព៌ា ប្រធានាធិបតីរុស្ស៊ីលោកវ្ល៉ាឌីមៀរ ពូទីន នាថ្ងៃទី៧ ធ្នូ បានទទួលប្រធានាធិបតីអ៊ីរ៉ង់ លោកអ៊ីប្រាហ៊ីមរ៉ាស់អ៊ីស៊ី។ អ្នកនាំពាក្យវិមានក្រឹមឡាំងលោកឌីមីឌ្រីប៉េស្កូវ គូសបញ្ជាក់ថា មានការចរចាគ្នារវាងមេដឹកនាំទាំងគ្នានាថៃ្ងទី៧ធ្នូនោះ។
តាមទីភ្នាក់ងារព័ត៌មានអ៊ីរ៉ង់IRNAថា អំឡុងពេលទស្សនកិច្ចនោះ មេដឹកនាំអ៊ីរ៉ង់និងរុស្ស៊ី ពិភាក្សាគ្នាពីបញ្ហាទ្វេភាគីនានាពិសេសការផ្លាស់ប្ដូរពាណិជ្ជកម្មព្រមទាំងពិភាក្សាពីបណ្ដាបញ្ហាតំបន់និងអន្តរជាតិ និងផ្ដោតសំខាន់លើសង្គ្រាមនៅហ្គាហ្សា។ ពួកលោកខាងលិចចោទប្រកាន់អ៊ីរ៉ង់ថា ចូលរួមក្នុងការខិតខំប្រឹងប្រែង ជួយរុស្ស៊ីក្នុងការធ្វើសង្គ្រាមនៅអ៊ុយក្រែន ដោយផ្ដល់ដ្រូនវាយប្រហារគ្រឿងផ្ទុះក្នុងចំនួនដ៏ច្រើននិងគ្រឿងសព្វាវុធដទៃៗទៀត៕
ចែករំលែកព័តមាននេះ