អភិបាលខេត្តពោធិ៍សាត់ជួបសំណេះសំណាលជាមួយសិស្សនិន្ទេសA
- ពោធិ៍សាត់
ខេត្តពោធិ៍សាត់ ៖ លោក ខូយ រីដា អភិបាលនៃគណៈអភិបាលខេត្តពោធិ៍សាត់ បានផ្ដាំផ្ញើដល់ក្មួយៗ
ខេត្តពោធិ៍សាត់ ៖ លោក ខូយ រីដា អភិបាលនៃគណៈអភិបាលខេត្តពោធិ៍សាត់ បានផ្ដាំផ្ញើដល់ក្មួយៗ
ខេត្តពោធិ៍សាត់ ៖ លោក ខូយ រីដា អភិបាលនៃគណៈអភិបាលខេត្តពោធិ៍សាត់ បានផ្ដាំផ្ញើដល់ក្មួយៗសិស្សានុសិស្សដែលប្រឡងជាប់និន្ទេសAថា ទៅថ្ងៃអនាគត មិនដឹងក្មួយៗទាំងអស់បម្រើការងារអ្វីខ្លះនោះទេ ប៉ុន្តែទោះបីក្មួយៗក្លាយខ្លួនជាថ្នាក់ដឹកនាំក្នុងជួររាជរដ្ឋាភិបាល ជាប្រធានក្រុមហ៊ុន ខ្ពង់ខ្ពស់ឬស្ដុកស្ដម្ភយ៉ាងណាក៍ដោយ សូមក្មួយៗកុំភ្លេចអ្នកដែលជួយយើងកាលគ្រាលំបាក កុំភ្លេចស្រុកកំណើតរបស់ខ្លួន ពិសេសកុំភ្លេចគុណដ៍មហាធំធេងរបស់សម្ដេចតេជោ ហ៊ុន សែន ដែលបានរំដោះប្រទេសជាតិ និងអាយុជីវិតឪពុកម្ដាយរបស់ក្មួយៗ ឲ្យមានក្មួយៗទាំងអស់គ្នា។
សម្ដេចតេជោបានធ្វើឲ្យប្រទេសជាតិមានសុខសន្តិភាព មានការអភិវឌ្ឍលើគ្រប់វិស័យ ធ្វើឲ្យឪពុកម្ដាយរបស់ក្មួយៗរកទទួលទាន ចិញ្ចឹមក្មួយៗបានរៀនសូត្រ និងប្រឡងជាប់សញ្ញាបត្រមធ្យមសិក្សាទុតិយភូមិ ទទួលបាននិន្ទេសAនាពេលនេះ។ លោក ខូយ រីដា ផ្ដាំផ្ញើបែបនេះ នៅសាលាខេត្តពោធិ៍សាត់ នាថ្ងៃទី០៦ខែធ្នូឆ្នាំ២០២៣ ក្នុងឱកាសជួបសំណេះសំណាលជាមួយបេក្ខជន ប្រឡងជាប់សញ្ញាបត្រមធ្យមសិក្សាទុតិយភូមិ ដែលទទួលបាននិន្ទេសAចំនួន៣៣នាក់ទូទាំងខេត្តពោធិ៍សាត់។
លោក ខូយ រីដា បានកោតសរសើរដល់ក្មួយៗដែលបានខិតខំរៀនសូត្រទទួលបាននិន្ទេសA ហើយលទ្ធផលទាំងនេះទី១ ដោយសារការតាំងចិត្តរបស់ខ្លួនយើងផ្ទាល់ ទី២ដោយសារការគ្រប់គ្រងរបស់ឪពុកម្ដាយបានល្អ ទី៣ដោយសារគ្រូបង្រៀនមានប្រសិទ្ធភាព និងទី៤ដោយសារគោលនយោបាយដឹកនាំច្បាស់លាស់របស់រាជរដ្ឋាភិបាល ក្នុងការពង្រឹងគុណភាពអប់រំ។ ក្មួយៗបានឆ្លងខ្សែបន្ទាត់ពាក់កណ្ដាលហើយ ប៉ុន្តែមិនទាន់ដល់គោលដៅដែលយើងគិតថា ជាបំណងប្រាថ្នាអនាគតរបស់យើងនៅឡើយទេ ។ គោលដៅពេញលេញរបស់យើងគឺនៅពេលមានការងារធ្វើ ក្លាយជាកោសិកាសង្គម។
ដំណាក់កាលបន្តទៅមុខគឺជាដំណាក់កាលប្រុងប្រយ័ត្នបំផុត សូមកុំភ្លេចខ្លួនឲ្យអ្នកភ្លើតភ្លើនអូសទាញខុសផ្លូវ ប្រយ័ត្នមិនបានផ្លែផ្កា។ ក្មួយៗពិតជាមានសំណាងណាស់ ដែលកើតមកចំពេលប្រទេសជាតិមានសុខសន្តិភាព មានការអភិវឌ្ឍរីកចម្រើនលើគ្រប់វិស័យ ហើយការរៀនសូត្របានពេញលេញ ដូច្នេះក្មួយៗត្រូវតែខិតខំរៀនសូត្រឲ្យចប់ចុងចប់ដើម ដើម្បីអនាគតខ្លួនឯង គ្រួសារ និងសង្គមជាតិ។ ពេលយើងមានចំណេះដឹងពិតប្រាកដ ខ្លួនយើងមានតម្លៃណាស់គឺគេមកដណ្ដើមគ្នាឲ្យចូលធ្វើការ ដែលគេហៅថាលុយរត់មករកយើង តែបើយើងគ្មានចំណេះដឹងទេ យើងដើរសុំការងារគេធ្វើ នោះគេហៅថាយើងរត់រកលុយ ដែលបញ្ហានេះមានការលំបាកបន្តិច។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី០៦ខែវិច្ឆិកាឆ្នាំ២០២៣កន្លងទៅនេះ នៅខេត្តពោធិ៍សាត់មានបេក្ខជនប្រឡថសរុប៣៦៨២នាក់ ប្រឡងជាប់២៣៤៧នាក់ ក្នុងនោះនិន្ទេសAចំនួន៣៣នាក់ និន្ទេសBចំនួន១៤៤នាក់ និន្ទេសCចំនួន៤០៧នាក់ និន្ទេសDចំនួន៧៨១នាក់ និងនិន្ទេសEចំនួន៩៨១នាក់ ។
លោក ខូយ រីដា អភិបាលនៃគណៈអភិបាលខេត្តពោធិ៍សាត់ បានលើកទឹកចិត្តដល់សិស្សនិន្ទេសAទាំង៣៣នាក់ ក្នុងម្នាក់ៗថវិកាមួយលានរៀល ចំណែកនាយកសាលាទាំង០៨ក៍ជូនម្នាក់៤០ម៉ឺនរៀលផងដែរ ៕
ចែករំលែកព័តមាននេះ