អាមេរិកថាកាន់តែខើចប្រាក់សម្រាប់ជួយអ៊ុយក្រែន
សង្គ្រាមអ៊ុយក្រែន ៖ ប្រធានាធិបតីអាមេរិកលោកចូបៃដិនបានស្នើកញ្ចប់ប្រាក់១០០ពាន់លានដុល្លារ
សង្គ្រាមអ៊ុយក្រែន ៖ ប្រធានាធិបតីអាមេរិកលោកចូបៃដិនបានស្នើកញ្ចប់ប្រាក់១០០ពាន់លានដុល្លារ សម្រាប់ជួយអ៊ុយក្រែននិងអីុស្រាអែល ប៉ុន្តែពួកអ្នកសាធារណរដ្ឋក្នុងសភា ទាមទារជាថ្នូរវិញការពង្រឹងនយោបាយអន្តោប្រវេសន៍។
តាមសេតវិមានថា យើងកំពុងតែខើចប្រាក់ក្នុងពេលឆាប់ៗ។ ជំនួយយោធាអាមេរិកដល់អ៊ុយក្រែន អាចត្រូវកាត់ផ្ដាច់ក្នុងបណ្ដាសប្ដាហ៍ខាងមុខ បើគ្មានការព្រមព្រៀងគ្នាលើថវិកាជាមួយពួកអ្នកសាធារណរដ្ឋទេនោះ។ ក្នុងសារលិខិតមួយជូនដល់លោកMIKE JOHNSON ប្រធានសភាជាអ្នកសាធារណរដ្ឋ លោកស្រីSHALANDA YOUNG នាយិកាខាងថវិការបស់សេតវិមានសរសេរថា ប្រសិនបើសភាមិនបញ្ចេញប្រតិកម្មទេ នោះដល់ចុងឆ្នាំនេះយើងកាន់តែខើចប្រាក់ សម្រាប់ជំនួយអាវុធនិងឧបករណ៍យោធា ដល់អ៊ុយក្រែន និងការផ្ដល់សម្ភារមកពីស្តុកយោធាអាមេរិក។
លោកJAKE SULLIVAN ទីប្រឹក្សាសន្តិជាតិរបស់លោកបៃដិនអះអាង ក្នុងសន្និសីតសារព័ត៌មានមួយថា គេត្រូវសម្រេចថាតើេត្រូវបន្តជួយទ្រទ្រង់ដល់ការប្រយុទ្ធ សម្រាប់សេរីភាពនៅអ៊ុយក្រែនឬត្រូវធ្វើមិនដឹងមិនឮ ចំពោះបណ្ដាមេរៀនដែលយើងធ្លាប់ទទួលក្នុងប្រវត្តិសាស្ត្រ ហើយអនុញ្ញាតឲ្យលោកពូទីនឈ្នះសង្គ្រាមនៅអ៊ុយក្រែន៕
ចែករំលែកព័តមាននេះ