លុយដុងរបស់វៀតណាមថោកបំផុតទី២លើពិភពលោក
- ភ្នំពេញ
នៅលើពិភពលោកនៅពេលនេះ គេដឹងថា លុយដុងវៀតណាម គឺជារូបិយប័ណ្ណដែលមានតម្លៃថោកបំផុតលំដាប់ទី២ នៅលើពិភពលោក ដោយមួយដុង គឺស្មើនឹង ០,០០០០៤៣ ដុល្លារ ឬ ១ ដុល្លារ ស្មើនឹង
លុយដុងរបស់ប្រទេសវៀតណាម ត្រូវបានចាត់ទុកថា គឺជាលុយថោកជាងគេបំផុតទី២ នៅលើពិភពលោក បន្ទាប់ពីលុយរីយ៉ាល់របស់អ៊ីរ៉ង់។ នេះបើតាមការផ្សាយរបស់សារព័ត៌មាន The Forbes ។
នៅលើពិភពលោកនៅពេលនេះ គេដឹងថា លុយដុងវៀតណាម គឺជារូបិយប័ណ្ណដែលមានតម្លៃថោកបំផុតលំដាប់ទី២ នៅលើពិភពលោក ដោយមួយដុង គឺស្មើនឹង ០,០០០០៤៣ ដុល្លារ ឬ ១ ដុល្លារ ស្មើនឹង ២៣.៤៨៥ ដុង ។
លុយដុងសំដៅលើរូបិយប័ណ្ណផ្លូវការរបស់វៀតណាម ហើយត្រូវបានគេដឹង និងស្គាល់តាមរយៈលេខកូដ VND ដើម្បីជំនួសឲ្យរូបិយប័ណ្ណចាស់ដែលគេស្គាល់ ហាវ (hao) នៅក្នុងរង្វង់ឆ្នាំ ១៩៧៨។
ធនាគាររដ្ឋវៀតណាម បានប្រកាសទទួលស្គាល់លុយដុងជារូបិយប័ណ្ណផ្លូវការរបស់ខ្លួនចាប់តាំងពីថ្ងៃទី ០៣ ខែ ឧសភា ឆ្នាំ១៩៧៨ ។
តាមពិតទៅ ដុង នេះ ត្រូវបានរដ្ឋាភិបាលវៀតមិញ ដែលគេស្គាល់ថា គឺវៀតណាមខាងជើង នៅក្នុងសម័យសង្គ្រាមនៅឥណ្ឌូចិន ឬសង្គ្រាមវៀតណាម តាំងពីឆ្នាំ១៩៤៦ ដើម្បីជំនួសលុយ ឥណ្ឌូចិន ដែលចាយរួមគ្នារវាងកម្ពុជា វៀតណាម និងឡាវ បោះពុម្ពដោយបារាំង ។
នៅក្នុងសម័យសង្គ្រាមវៀតណាម រដ្ឋាភិបាលវៀតណាមខាងជើង និងខាងត្បូងនេះ គឺប្រើប្រាស់លុយដុងដូចគ្នា ប៉ុន្តែតម្លៃ និងសន្លឹកលុយដុង អាចខុសគ្នា ប៉ុន្តែវាបានក្លាយទៅជាលុយដុងតែមួយ ក្រោយកាលបរិច្ឆេទដែលប្រកាសដោយធនាគាររដ្ឋវៀតណាម បន្ទាប់ពីរដ្ឋាភិបាលវៀតណាមខាងត្បូងដួលរលំ ។
មកដល់ពេលនេះ លុយដុង ត្រូវបានបោះពុម្ភចំនួនជាង១០ក្រដាសប្រាក់ ដោយគេដឹងថា មានក្រដាសពី១០០, ក្រដាស២០០, ក្រដាស៥០០, ក្រដាស ១០០០, ក្រដាស ២០០០, ក្រដាស៥០០០, ក្រដាស១០០០០, ក្រដាស២០០០០, ក្រដាស៥០០០០, ក្រដាស១០០០០០, ក្រដាស ២០០០០០, និង ក្រដាស ៥០០០០០។
អត្ថបទដោយ ៖ ស ផាត់
ចែករំលែកព័តមាននេះ