អាជ្ញាធរចិនកម្ទេចទំនិញក្លែងក្លាយម៉ាកល្បីៗទ្រង់ទ្រាយធំមានតម្លៃ៧០លានដុល្លារ
ប្រទេសចិន ៖ ទូរទស្សន៍រដ្ឋ CCTV របស់ប្រទេសចិនបានរាយការណ៍ថា អាជ្ញាធរចិនបានកម្ទេច
ប្រទេសចិន ៖ ទូរទស្សន៍រដ្ឋ CCTV របស់ប្រទេសចិនបានរាយការណ៍ថា អាជ្ញាធរចិនបានកម្ទេចចោលនូវផលិតផលក្លែងក្លាយដ៏ធំសម្បើមមួយ ដែលអះអាងថាមកពីម៉ាកល្បីៗដូចជា Nike និង Louis Vuitton ជាដើម ដែលធ្វើឡើងនៅទូទាំង១៧ខេត្ត និងទីក្រុងរបស់ខ្លួន។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយនៅថ្ងៃទី៤ ខែធ្នូ ឆ្នាំ ២០២៣។
របាយការណ៍ពី CCTV បានឱ្យដឹងថា សរុបទាំងអស់ផលិតផលក្លែងក្លាយចំនួន ៣ពាន់តោន ដែលមានតម្លៃ ៥០០លានយន់ ដែលស្មើនឹង ៦៩លានដុល្លារអាមេរិកត្រូវបានដុតកម្ទេច ឬបោះចោលទៅក្នុងកន្លែងចាក់សំរាម។
សេចក្តីថ្លែងការណ៍របស់រដ្ឋបាលរដ្ឋសម្រាប់បទប្បញ្ញត្តិទីផ្សារ ដែលមិនបញ្ចេញឈ្មោះម៉ាកណាមួយ បានដកស្រង់សម្តីមន្ត្រីខេត្តស៊ីឈួន លោក Yang Xingping ដោយអះអាងថា រដ្ឋាភិបាលបានផ្តល់អាទិភាពលើការបង្ក្រាបលើការរំលោភបំពាន ហើយកំពុងកែតម្រូវដោយបង្ខំនូវសកម្មភាពខុសច្បាប់ និងចលាចល ក្រោមបញ្ជាកណ្តាប់ដៃដែក ហើយប្រតិបត្តិការកម្ទេចនេះ គឺជាផ្នែកមួយនៃសប្តាហ៍ផ្សព្វផ្សាយគោលនយោបាយប្រកួតប្រជែងដោយយុត្តិធម៌របស់ប្រទេសចិនឆ្នាំ ២០២២ ។
ការបង្ហាញជាសាធារណៈបែបនេះមិនមែនជារឿងចម្លែកទេ នៅក្នុងប្រទេសពោរពេញទៅផលិតក្លែងក្លាយ ដែលនៅតែជាឧស្សាហកម្មដ៏ធំមួយ ទោះបីជាមានការព្យាយាមលុបបំបាត់យ៉ាងណាក៏ដោយ។
អង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍន៍បានប៉ាន់ប្រមាណថា ពាណិជ្ជកម្មសកលលើផលិតផលក្លែងក្លាយមានចំនួនដល់ទៅ ៤៦៤ពាន់លានដុល្លារនៅក្នុងឆ្នាំ ២០១៩ ហើយការរីកដុះដាលនៃពាណិជ្ជកម្មអេឡិចត្រូនិកនៅឆ្នាំ ២០២០-២១ បាននាំឱ្យមានកំណើនដ៏ធំនៃការផ្គត់ផ្គង់ទំនិញក្លែងក្លាយបែបនេះ៕
ចែករំលែកព័តមាននេះ