អ្នកកាសែតជាង៦០នាក់ស្លា.ប់នៅហ្គាហ្សា តាំងពីថ្ងៃទី៧ តុលា មក
សង្គ្រាមអ៊ីស្រាអែលនឹងហាម៉ាស់ ៖ កងទ័ពអ៊ីស្រាអែលនាថ្ងៃទី៤ ធ្នូ បានពង្រីកប្រតិបត្តិការរបស់ខ្លួន
សង្គ្រាមអ៊ីស្រាអែលនឹងហាម៉ាស់ ៖ កងទ័ពអ៊ីស្រាអែលនាថ្ងៃទី៤ ធ្នូ បានពង្រីកប្រតិបត្តិការរបស់ខ្លួននៅហ្គាហ្សា ខណៈជនស៊ីវិលប៉ាឡេស្ទីនដែលស្លា.ប់ កើនកាន់តែច្រើនឡើងហើយសូម្បីចំនួនអ្នកកាសែតដែលស្លា.ប់ នៅជ្រោយហ្គាហ្សា ចាប់តាំងពីថ្ងៃទី៧ តុលាមក ក៏ឡើងដល់ជាង៦០នាក់ដែរ។
ក្រសួងសុខាភិបាលក្រុមហាម៉ាស់អះអាងនាថ្ងៃទី៣ ធ្នូ ថា ជនប៉ាឡេស្ទីនយ៉ាងតិច១៥.៥២៣នាក់ ក្នុងនោះ៧០%ជានារីនិងកុមារបានត្រូវស្លា.ប់តាំងពីការវាយប្រហាររបស់អ៊ីស្រាអែលលើជ្រោយហ្គាហ្សាពីថ្ងៃទី៧តុលាមក។ ក្នុងសង្គ្រាមនេះចំនួនអ្នកកាសែតក៏ស្លា.ប់ច្រើនដែរ ដោយគណៈកម្មាធិការការពារអ្នកកាសែតCPJ របស់អាមេរិកលើកឡើងថា អ្នកកាសែតនិងអ្នកមានវិជ្ជាជីវៈខាងសារព័ត៌មានយ៉ាងតិច៦១នាក់បានត្រូវស្លា.ប់។
តាមCPJ ថា ក្នុងចំណោមអ្នកកាសែតដែលស្លា.ប់ មានអ្នកកាសែតប៉ាឡេស្ទីន៥៤នាក់ អ្នកកាសែតអ៊ីស្រាអែល៤នាក់ និងអ្នកកាសែតលីបង់៣នាក់។ ដោយឡែកអ្នកកាសែត៣នាក់បាត់ខ្លួន ១១នាក់រងរបួសនិង១៩នាក់ចាប់ខ្លួន ៕
ចែករំលែកព័តមាននេះ