រាជធានីភ្នំពេញ ៖ លោកងួន ញ៉ិល អនុប្រធានទី១ រដ្ឋសភា និងជាប្រធានក្រុមសភាជាតិនិយាយភាសាបារាំងបានមានប្រសាសន៍កាលពីថ្ងៃទី២៣ ឧសភា ២០១១ ថា ប្រទេសកម្ពុជាទាំងមូលបានទទួលសុខសន្តិភាព និងស្ថិរភាពនៅទូទាំងប្រទេសអាស្រ័យគោលនយោបាយឈ្នះ=ឈ្នះរបស់សម្តេចនាយករដ្ឋមន្ត្រីហ៊ុន សែន
រាជធានីភ្នំពេញ ៖ លោកងួន ញ៉ិល អនុប្រធានទី១ រដ្ឋសភា និងជាប្រធានក្រុមសភាជាតិនិយាយភាសាបារាំងបានមានប្រសាសន៍កាលពីថ្ងៃទី២៣ ឧសភា ២០១១ ថា ប្រទេសកម្ពុជាទាំងមូលបានទទួលសុខសន្តិភាព និងស្ថិរភាពនៅទូទាំងប្រទេសអាស្រ័យគោលនយោបាយឈ្នះ=ឈ្នះរបស់សម្តេចនាយករដ្ឋមន្ត្រីហ៊ុន សែន លើកលែងតែមានជម្លោះនៅប៉ែកខាងលិចប្រទេស ដោយសារការឈ្លានពានរបស់សៀម និងជាពិសេសនៅតំបន់ប្រាសាទព្រះវិហារបង្កឡើងដោយភាគីសៀមដែលជាន់ឈ្លីច្បាប់អន្តរជាតិ ដឹកនាំនយោបាយ និងសង្គ្រាមឈ្លានពានមកលើកម្ពុជាដែលប្រាថ្នាចង់បានតែសន្តិភាពក្នុងរង្វង់នៃព្រំដែនរបស់ខ្លួនដែលទទួលស្គាល់ដោយអន្តរជាតិ ។
លោកងួន ញ៉ិល អនុប្រធានទី១ រដ្ឋសភា បន្តថា ចំពោះការឈ្លានពានជាបន្តបន្ទាប់នេះ រាជរដ្ឋាភិបាលកម្ពុជាបានបង្ហាញនូវភាពអត់ធ្មត់ ហើយស្នើឱ្យប្រទេសសៀមគោរពសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិនៅថ្ងៃទី១៤ កុម្ភៈ ២០១១ ដោយបង្កើតឱ្យមានកិច្ចឈប់បាញ់គ្នាជាអចិន្ត្រៃយ៍ ។ កាលណោះក្រុមប្រឹក្សាសន្តិសុខបានស្នើឱ្យប្រធានអាស៊ានអនុវត្តសេចក្តីសម្រេចរបស់ក្រុមប្រឹក្សានេះ និងការបញ្ជូនអ្នកសង្កេតការណ៍ឥណ្ឌូណេស៊ីមកកាន់ទីតាំងឈ្លានពានផ្ទាល់ដើម្បីពិនិត្យបទឈប់បាញ់ពិតប្រាកដ ។ ប៉ុន្តែរហូតមកដល់ពេលនេះ ការជាប់គាំងបានកើតមានឡើងដោយសារឆន្ទៈ និងនយោបាយវាតទឹកដីរបស់រដ្ឋាភិបាលសៀមមកលើកម្ពុជា ចេះតែក្រឡេចក្រឡុចគេចវេះការដោះស្រាយ ៕
ចែករំលែកព័តមាននេះ