រាជធានីភ្នំពេញ ៖ កម្មការិនីរោងចក្រកាត់ដេរម្នាក់បានស្លា.ប់បាត់បង់ជីវិតនៅនឹងកន្លែង និង៣នាក់ទៀតបានដួលសន្លប់បាត់ស្មារតីដោយសាររន្ទះបា.ញ់ ខណៈដែលពួកនាងនាំគ្នាដើរលេង និងនិយាយទូរស័ព្ទនៅលើផ្លូវដែកពេលមេឃកំពុងធ្លាក់ភ្លៀង ។ ហេតុការណ៍នេះបានកើតឡើងកាលពីវេលាម៉ោង៦និង១០នាទីល្ងាច ថ្ងៃទី២២ ឧសភា ២០១១
រាជធានីភ្នំពេញ ៖ កម្មការិនីរោងចក្រកាត់ដេរម្នាក់បានស្លាប់បាត់បង់ជីវិតនៅនឹងកន្លែង និង៣នាក់ទៀតបានដួលសន្លប់បាត់ស្មារតីដោយសាររន្ទះបាញ់ ខណៈដែលពួកនាងនាំគ្នាដើរលេង និងនិយាយទូរស័ព្ទនៅលើផ្លូវដែកពេលមេឃកំពុងធ្លាក់ភ្លៀង ។ ហេតុការណ៍នេះបានកើតឡើងកាលពីវេលាម៉ោង៦និង១០នាទីល្ងាច ថ្ងៃទី២២ ឧសភា ២០១១ នៅលើផ្លូវរថភ្លើង ខ្សែភ្នំពេញ-កំពត ត្រង់ចំណុចភូមិត្រពាំងទា សង្កាត់ត្រពាំងក្រសាំង ខណ្ឌដង្កោ រាជធានីភ្នំពេញ ។
នារីរងគ្រោះដែលស្លាប់បាត់បង់ជីវិតនោះ ឈ្មោះសិដ្ឋ ចាយ អាយុ២១ឆ្នាំ ជាកម្មការិនីរោងចក្រកាត់ដេរស្កាយហាយ មានទីតាំងស្ថិតនៅភូមិចាក់ជ្រូក សង្កាត់សំរោងក្រោម នាងមានស្រុកកំណើតភូមិឆឹស ឃុំត្រឡាច ស្រុកទ្រាំង ខេត្តតាកែវ ស្នាក់នៅផ្ទះជួលភូមិកើតហេតុ ចំណែកឯកម្មការិនី៣នាក់ទៀត ត្រូវជាមិត្តភក្តិដើរលេងជាមួយគ្នាក៏បានដួលសន្លប់ផងដែរ ប៉ុន្តែបន្តិចក្រោយមកក៏បានដឹងខ្លួនឡើងវិញ ។
តាមប្រភពព័ត៌មានបានឱ្យដឹងថា នៅមុនពេលកើតហេតុស្ត្រីរងគ្រោះ និងមិត្តភក្តិ៣នាក់ខាងលើ បាននាំគ្នាដើរលេងនៅលើផ្លូវរថភ្លើងខ្សែភ្នំពេញ-កំពត ត្រង់ចំណុចកើតហេតុ ។ ពេលនោះមេឃបានចាប់ផ្តើមងងឹត និងមានភ្លៀងធ្លាក់តិចៗលាយឡំជាមួយនឹងផ្លេកបន្ទោរឆ្វាច់ៗ និងផ្គរលាន់គួរឱ្យខ្លាចបំផុត ចំណែកឯស្ត្រីទាំង៤នាក់ពុំបាននាំគ្នារត់រកកន្លែងជ្រកនោះទេ គឺនៅដើរលេងជាធម្មតា ហើយស្ត្រីរងគ្រោះដើរបណ្តើរនិយាយទូរស័ព្ទបណ្តើរទៀតផង ។ លុះបន្តិចក្រោយមករន្ទះក៏បានបាញ់ឆក់យកជីវិតនាងដែលកំពុងដើរនិយាយទូរស័ព្ទតែម្តង រីឯស្ត្រីដែលជាមិត្តភក្តិ៣នាក់ទៀតក៏ បានដួលសន្លប់នៅជិតនោះទាំងអស់គ្នាដែរ ៕
ចែករំលែកព័តមាននេះ