ADផ្ទាំងផ្សព្វផ្សាយពាណិជ្ជកម្ម

Picture

រឹបអូស​ឈើ​ប្រមាណ​ជា​៣៥​ម៉ែត្រគូប​ទៅ​៤០​ម៉ែត្រគូប ក្នុង​ក្រុមហ៊ុន​ចំការ​ចេក (​វី​ដេ​អូ​)

3 ខែ មុន
  • ស្ទឹងត្រែង

ឈើ​អា​ចន្លោះ​ចាប់ពី​៣៥​ទៅ​៤០​ម៉ែត្រ ត្រូវ​បាន​រឹបអូស​នៅ​ក្នុង​ក្រុមហ៊ុន​ចំការ​ចេក​មួយ​កន្លែង នៅ​តាម​បណ្តោយ​ផ្លូវជាតិ​លេខ​៧ ស្ថិត​ក្នុងភូមិ​រិ​ទ្ធិ​សែន​ជ័យ ឃុំ​អូរ​ស្វាយ ស្រុក​បុរី​អូរ​ស្វាយ​

ខេត្តស្ទឹងត្រែង ៖ បើ​តាម​សេចក្តីរាយការណ៍​បានឱ្យ​ដឹង​ថា ឈើ​អា​ចន្លោះ​ចាប់ពី​៣៥​ទៅ​៤០​ម៉ែត្រ ត្រូវ​បាន​រឹបអូស​នៅ​ក្នុង​ក្រុមហ៊ុន​ចំការ​ចេក​មួយ​កន្លែង នៅ​តាម​បណ្តោយ​ផ្លូវជាតិ​លេខ​៧ ស្ថិត​ក្នុងភូមិ​រិ​ទ្ធិ​សែន​ជ័យ ឃុំ​អូរ​ស្វាយ ស្រុក​បុរី​អូរ​ស្វាយ​។

ទាក់ទិន​ករណី​ខាងលើ​នេះ ត្រូវ​បាន​កម្លាំង​កងរាជអាវុធហត្ថ​ខេត្ត ចុះ​បង្ក្រាប​កាលពី​វេលា​ល្ងាច​ថ្ងៃ​ទី​២៨ ខែវិច្ឆិកា ឆ្នាំ​២០២៣ ក្រោម​បទបញ្ជា​ពី​លោក​មេបញ្ជាការ កងរាជអាវុធហត្ថ​ខេត្ត ដឹកនាំ​ចុះ​ផ្ទាល់​ដោយ​លោក ជា សុ​ភ័ក្ក ព្រះរាជអាជ្ញា​រង​អម​សាលាដំបូង​ខេត្ត ក្រោយ​តាមដាន និង​ស្រាវជ្រាវ​អំពី​សកម្មភាព​ដឹក​ជញ្ជូន​ឈើ​ពី​ប្រភព​ខាងក្រៅ​ចូល​ទៅ​ក្នុង​ក្រុមហ៊ុន​ចំការ​ចេក​ខាងលើ​។

បើ​តាម​ប្រភព​ព័ត៌មាន​ពី​អ្នក​ច្បាប់ បាន​លើក​ឡើង​ត្រួស​ៗ​ថា ក្រុមហ៊ុន​ចំការ​ចេក​នោះ ក្រៅពី​ដាំ​ដំណាំ​កសិកម្ម គឺ​ពុំ​មាន​សិទ្ធិ​ក្នុង​ការ​ទិញ​លក់ ឬ​ដឹក​ជញ្ជូន​ផល អនុ​ផល​ព្រៃឈើ​នោះ​ទេ បើ​មាន​សិទ្ធិ ក៏​ត្រូវ​មាន​ប្រភព​ទីតាំង​ព្រៃ​សម្បទាន​ពី​រដ្ឋ​ច្បាស់លាស់ និង​ត្រូវ​មានការ​ឆ្លងកាត់​ត្រួតពិនិត្យ​ច្បាប់​អនុញ្ញាត​ពី​រដ្ឋបាល​ព្រៃឈើ និង​ច្បាប់​ដឹក​ជញ្ជូន​ផង​ដែរ​។ ប៉ុន្តែ​ក្រុមហ៊ុន​នេះ ពុំ​មាន​ឆ្លងកាត់​ច្បាប់​ណាមួយ​ទេ ទើប​កម្លាំង​កងរាជអាវុធហត្ថ​ខេត្ត សហការ​ជំនាញ​ពាក់ព័ន្ធ​ចុះ​បង្ក្រាប​តែ​ម្ដង​។

មន្ត្រី​ជំនាញ​រដ្ឋបាល​ព្រៃឈើ នា​វេលា​ថ្ងៃត្រង់ ថ្ងៃ​ទី​២៩ ខែវិច្ឆិកា ឆ្នាំ​២០២៣ នេះ​បាន​ប្រាប់​ឱ្យ​ដឹង​ថា ឈើ​ទាំងនោះ គឺជា​ប្រភេទ​ឈើ​ក្រៅ​លំដាប់ថ្នាក់​។ តាម​ការ​ប៉ាន់ស្មាន មិន​ទាន់​ជា​ផ្លូវការ​ចន្លោះ​ចាប់ពី​៣៥​ទៅ​៤០​ម៉ែត្រគូប​។

មន្ត្រី​ជំនាញ​រូប​នោះ​បន្ត​ថា ឈើ​ទាំង​អស់នោះ គឺ​ក្រុមហ៊ុន​ចំការ​ចេក បញ្ជា​ទិញ​ពី​ប្រភព​ខាងក្រៅ​ដឹក​ចូល​ក្រុមហ៊ុន ដើម្បី​សាងសង់​ផ្ទះ​កម្មករ ។ មន្ត្រី​ជំនាញ​រដ្ឋបាល​ព្រៃឈើ​ដដែល​បន្ត​ថា​បច្ចុប្បន្ន​កម្លាំង​ជំនាញ​កំពុងធ្វើការ​ត្រួតពិនិត្យ និង​ធ្វើការ​វាស់វែង​នៅឡើយ​៕

អត្ថបទសរសេរ ដោយ

កែសម្រួលដោយ