ខេត្តកំពង់ឆ្នាំង ៖ នារីក្រមុំស្រស់សោភាម្នាក់បានទទួលរងទារុណកម្ម និងការចាប់រំលោ.ភយ៉ាងព្រៃផ្សៃពីជនម្នាក់បណ្តាលឱ្យរងរបួសធ្ងន់ធ្ងរ។ នាងត្រូវជនល្មើសវាយដំ ច្របាច់ក និងវាយភ្នែកបំណងសម្លា.ប់បំបិទមាត់។ រឿងរ៉ាវនេះកើតឡើងតាំងពីថ្ងៃទី១៥ ឧសភា ម្ល៉េះ ហើយជនល្មើសត្រូវសមត្ថកិច្ចចាប់ខ្លួនដាក់ពន្ធនាគារ រួចហើយ ប៉ុន្តែទើបតែបែកធ្លាយ
ខេត្តកំពង់ឆ្នាំង ៖ នារីក្រមុំស្រស់សោភាម្នាក់បានទទួលរងទារុណកម្ម និងការចាប់រំលោភយ៉ាងព្រៃផ្សៃពីជនម្នាក់បណ្តាលឱ្យរងរបួសធ្ងន់ធ្ងរ។ នាងត្រូវជនល្មើសវាយដំ ច្របាច់ក និងវាយភ្នែកបំណងសម្លាប់បំបិទមាត់។ រឿងរ៉ាវនេះកើតឡើងតាំងពីថ្ងៃទី១៥ ឧសភា ម្ល៉េះ ហើយជនល្មើសត្រូវសមត្ថកិច្ចចាប់ខ្លួនដាក់ពន្ធនាគារ រួចហើយ ប៉ុន្តែទើបតែបែកធ្លាយនៅល្ងាចថ្ងៃទី២០ ឧសភា ខណៈដែលឪពុកនារីរងគ្រោះព្យាយាមរកអង្គការក្រៅរដ្ឋាភិបាលដើម្បីជាជំនួយក្នុងការប្តឹងដាក់បន្ទុកបន្ថែមទៅលើជនល្មើស ។
នៅចំពោះមុខមន្ត្រីសិទ្ធិមនុស្សអាដហុក និងលីកាដូបុរសជាឪពុករៀបរាប់ថា រូបគាត់រស់នៅស្រុកមួយតាមដងទន្លេខេត្តកំពង់ឆ្នាំង។ កូនស្រីរបស់គាត់មានអាយុ១៨ឆ្នាំ បានទទួលរងទារុណកម្ម និងចាប់រំលោភកាលពីថ្ងៃទី១៥ ខែឧសភា វេលាម៉ោង៦ល្ងាច ខណៈនាងដើរទៅបត់ជើងចម្ងាយប្រមាណ១០០ម៉ែត្រខាងក្រោយផ្ទះ ។ចំណែកឯជនដៃដល់មានផ្ទះស្ថិតនៅចម្ងាយប្រហែល១០០ម៉ែត្រពីផ្ទះរបស់គាត់។ គាត់មិនបានឃើញព្រឹត្តិការណ៍នៃការចាប់រំលោភនោះទេ តែកូនស្រីបាននិយាយប្រាប់។
ថ្វីបើហេតុការណ៍កន្លងហួស៦ថ្ងៃហើយក្តី ប៉ុន្តែលើផ្ទៃមុខផ្នែកខាងឆ្វេងរបស់នារីរងគ្រោះនៅតែហើមប៉ោងដដែល ភ្នែកទាំងពីររបស់នាងនៅតែបន្សល់ទុកស្នាមជាំទាំងសងខាង រង្វង់ភ្នែកខាងឆ្វេងជាំខ្មៅ ដោយការវាយនឹងកណ្តាប់ដៃ ឯបំពង់ករបស់នាងមានស្នាមក្រចក និងស្នាមរបួសដោយការច្របាច់កប៉ងសម្លាប់បំបិតមាត់ ស្មាខាង ស្តាំរបស់នាងរបួសដោយសារធ្មេញខាំរបស់ជនដៃដល់។ ក្រៅពីនោះលើខ្លួនប្រាណរបស់នាងត្រង់ ណាក៏មានរបួសស្នាម ដោយការអូសកាត់ព្រៃបន្លា ដែរ ។ ទាំងនេះបញ្ជាក់ថា មុនពេលចាប់រំលោភបានសម្រេចជនដៃដល់បានវាយដំ ទាត់ធាក់ និងចាប់អូសរហូតនាងអស់កម្លាំងរើលែងរួច។
នារីរងគ្រោះប្រឹងនិយាយមួយៗដោយការឈឺចាប់នឹងស្នាមរបួសដែលមិនទាន់សះស្បើយថា នៅវេលាល្ងាចនោះនាងទៅបត់ជើងក្រោយផ្ទះចម្ងាយប្រមាណ១០០ម៉ែត្រ។ ពេលនោះនាងបានឃើញយុវជនឈ្មោះហុង ផានិត អាយុប្រហែលជាង២០ឆ្នាំដែលរៀនសាលាជាមួយគ្នា ប៉ុន្តែថ្នាក់ខុសគ្នាដើរមកតាមក្រោយ។ ពេលនាងប្រុងត្រឡប់ទៅផ្ទះ ត្រូវយុវជននោះសួរនាងថា «សាលាយើងចូលរៀនថ្ងៃណា នាងឆ្លើយថាថ្ងៃពុធ»។ ភ្លាមនោះគេស្ទុះចូលមកចាប់នាង តែនាងបានព្យាយាមរត់ចេញទៅទាក់ជើងដួល។ ជនដៃដល់បានចាប់នាងជាប់ ហើយដោយនាងស្រែកឱ្យគេជួយត្រូវជននោះខ្ទប់មាត់ជាប់ ព្រមទាំងវាយជាច្រើនដៃលើផ្ទៃមុខ ។ នាងប្រឹងរើបំរះប្រតាយប្រតប់ ហើយត្រូវជននោះបោកចូលប្រឡាយមានទឹកតិចៗ រួចច្របាច់ក ខ្ទប់មាត់ ខ្ទប់ច្រមុះ វាយនាងបន្ថែមរហូតដល់សន្លប់។
ប្រភពដដែលបន្តថា ពេលនាងដឹងខ្លួនឡើងក្នុងសភាពអាក្រាតកាយ គឺជននោះបានអូសនាងចេញពីប្រឡាយទឹកយកទៅរំលោភក្នុងព្រៃ។ ចំណែកជនល្មើសក៏អង្គុយក្បែរនាងទាំងអាក្រាតកាយដែរ។ បុរសជាឪពុកបន្ថែមថា ជនល្មើសមិនបានរត់ទៅណាទេ គឺពិតជាព្រហើនណាស់។ ខណៈបងស្រីគាត់ចុចពិលដើររកក្មួយស្រីដែលបាត់ខ្លួន ប្រទះឃើញពួកគេទាំងពីរនាក់នៅក្បែរគ្នាទាំងអាក្រាតកាយ ហើយជនល្មើសមិនត្រឹមតែមិនរត់ទេ ថែមទាំងងើបទៅយកខោអាវកូនស្រីគាត់បោះទៅឱ្យបងស្រីគាត់ថែមទៀត រួចទើបគេដើរទៅផ្ទះដូចគ្មានរឿងអីកើតឡើង ។
លោកស្រីប្រាក់ សៅនី ស្នងការរងនគរបាលខេត្តនិយាយទៀតថា ករណីនេះបើសិនជាម្តាយធំនារីរងគ្រោះទៅមិនទាន់ទេ អាចត្រូវជនល្មើសសម្លាប់បំបិទមាត់ពុំខាន ព្រោះតាមការពិនិត្យរបួសស្នាមលើខ្លួននាងគឺពិតជាការធ្វើទារុណកម្មសាហាវខ្លាំងណាស់។ លោកស្រីបន្តថា ជនសង្ស័យបានសារភាពគ្រប់យ៉ាងនូវសកម្មភាពដែលគេបានប្រព្រឹត្ត ហើយកំពុងស្ថិតនៅក្នុងពន្ធនាគារខេត្តរង់ចាំការកាត់ទោស។ តាមការសារភាពឱ្យដឹងថា មូលហេតុដែលនាំឱ្យគេវាយធ្វើបាបនារីរងគ្រោះព្រោះនាងតដៃមិនព្រមឱ្យរូបគេរំលោភតាមសំរួល៕
ចែករំលែកព័តមាននេះ