បុរសម្នាក់ ព្រោះតែចាំងភ្លើងកែវដាក់មុខបន្តិច ក៏ទាញពូថៅកា.ប់បុរសម្នាក់ទៀតចំនួន៣ពូថៅ បណ្ដាលឱ្យជនរងគ្រោះរងរបួសដើមទ្រូង២ពូថៅ និងបាតដៃឆ្វេង១ពូថៅ ហេតុការណ៍នេះបង្កឱ្យមានការភ្ញាក់ផ្អើល
ខេត្តកំពត ៖ បើតាមសេចក្តីរាយការណ៍បានឱ្យដឹងថា បុរសម្នាក់ ព្រោះតែចាំងភ្លើងកែវដាក់មុខបន្តិច ក៏ទាញពូថៅកា.ប់បុរសម្នាក់ទៀតចំនួន៣ពូថៅ បណ្ដាលឱ្យជនរងគ្រោះរងរបួសដើមទ្រូង២ពូថៅ និងបាតដៃឆ្វេង១ពូថៅ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១និង៣០នាទីយប់ ថ្ងៃទី២៥ ខែវិច្ឆិកា ឆ្នាំ២០២៣ នៅចំណុចផ្ទះរបស់ជនរងគ្រោះ ស្ថិតក្នុងភូមិកន្លង់ ឃុំស្ដេចគង់ខាងជើង ស្រុកបន្ទាយមាស។
សេចក្តីរាយការណ៍បន្តថា បុរសរងគ្រោះខាងលើមានឈ្មោះ ង៉ែត កិល អាយុ៥៤ឆ្នាំ រស់នៅភូមិកន្លង់ ឃុំស្ដេចគង់ខាងជើង ស្រុកបន្ទាយមាស ចំណែកបុរសម្នាក់ទៀតជាជនសង្ស័យឈ្មោះ អៀម ក្រាញ់ អាយុ៥៩ឆ្នាំ រស់នៅភូមិ-ឃុំជាមួយគ្នា ជាអ្នកបង្កហិ.ង្សាបានកា.ប់ត្រូវជនរងគ្រោះចំនួន៣ពូថៅ។
បើតាមការឱ្យដឹងពីលោក ង៉ែត វឿន នាយរងនគរបាលប៉ុស្លិ៍ស្ដេចគង់ខាងជើង បានប្រាប់ឱ្យដឹងថា នៅវេលាមុនកើតហេតុ បុរសដែលជាជនសង្ស័យឈ្មោះ អៀម ក្រាញ់ អាយុ៥៩ឆ្នាំ ជិះម៉ូតូម្នាក់ឯង ដោយមិនដឹងថា តើមកពីណានោះទេ? បានមកឈប់នៅមុខផ្ទះរបស់ជនរងគ្រោះ។
លោក ង៉ែត វឿន នាយរងនគរបាលប៉ុស្លិ៍ស្ដេចគង់ខាងជើង បានប្រាប់ឱ្យដឹងថា គ្រានោះ ដោយសារឆ្កែព្រូសខ្លាំងពេក ជនរងគ្រោះឈ្មោះ ង៉ែត កិល ក៏ចេញពីក្នុងផ្ទះបត់ជើងតូច រួចក៏ស្រែកសួរជនបង្កឈ្មោះ អៀម ក្រាញ់ ថា «នរណាគេនឹង» ថែមទាំងចាំងភ្លើងកែវដាក់មុខជនបង្កផងដែរ។ ស្រាប់តែបុរសជាជនបង្ក ស្ទុះយកពូថៅកា.ប់ទៅលើជនរងគ្រោះឈ្មោះ ង៉ែត កិល ត្រូវចំនួន៣ពូថៅ (ដើមទ្រូងចំនួន២ពូថៅ និងបាតដៃឆ្វេង១ពូថៅ)។
លោកនាយរងនគរបាលប៉ុស្ដិ៍ស្ដេចគង់ខាងជើង បានប្រាប់ឱ្យដឹងទៀតថា គ្រានោះ ទោះបីជាជនរងគ្រោះត្រូវរបួសហើយក្តី ក៏ជនរងគ្រោះនៅតែដណ្ដើមពូថៅពីបុរសបង្កបាន ចំណែកបុរសជាជនបង្កវិញ បានជិះម៉ូតូរត់គេចខ្លួនចេញពីផ្ទះជនរងគ្រោះបាត់ស្រមោលតែម្ដង។
លោកនាយរងប៉ុស្តិ៍ និយាយទៀតថា បន្ទាប់ពីកើតមានអំពើហិ.ង្សាខាងលើនេះភ្លាម កម្លាំងប៉ុស្ដិ៍បានស្ទាក់គ្រប់ច្រកល្ហក រហូតដល់វេលាទៀបភ្លឺ ទើបឃាត់ខ្លួនជនបង្កបាន។
លោកនាយរងប៉ុស្ដិ៍ បញ្ជាក់ថា ការបង្កហិ.ង្សាខាងលើនេះ ផ្ដើមចេញពីមានកំហឹ.ង ដោយសារតែបុរសម្នាក់ឈ្មោះ អៀម ក្រាញ់ ស្រវឹងស្រាស្រឿងៗ ទើបលែងស្គាល់ថា ជាអ្នកភូមិ ក៏កា.ប់បុរសរងគ្រោះម្នាក់ដេកពេទ្យតែម្ដង ចំណែកជនបង្កវិញដេកក្នុងពន្ធនាគារ។
ចែករំលែកព័តមាននេះ