គ្រោះថ្នាក់ចរាចរណ៍ចំនួន២ករណីនៅស្រុកអូរជ្រៅ កាលពីយប់ថ្ងៃទី២៦ ខែវិច្ឆិកា ឆ្នាំ២០២៣ បណ្ដាលឱ្យមានមនុស្សម្នាក់ត្រូវស្លា.ប់បា.ត់ប.ង់ជីវិ.តនៅនឹងកន្លែង និង៣នាក់ទៀត
ខេត្តបន្ទាយមានជ័យ ៖ គ្រោះថ្នាក់ចរាចរណ៍ចំនួន២ករណីនៅស្រុកអូរជ្រៅ កាលពីយប់ថ្ងៃទី២៦ ខែវិច្ឆិកា ឆ្នាំ២០២៣ បណ្ដាលឱ្យមានមនុស្សម្នាក់ត្រូវស្លា.ប់បា.ត់ប.ង់ជីវិ.តនៅនឹងកន្លែង និង៣នាក់ទៀត រងរបួសធ្ងន់-ស្រាល ។
លោកវរសេនីយ៍ទោ អ៊ឹម សុភារៈ អធិការនគរបាលស្រុកអូរជ្រៅ បានប្រាប់ឲ្យដឹងថា ៖ ករណីទី១- នៅវេលាម៉ោង៩និង២០នាទីយប់ ថ្ងៃទី២៦ ខែវិច្ឆិកា ឆ្នាំ២០២៣ ចំណុចបង្គោលគីឡូម៉ែតលេខ ៣៨១-៣៨២ ស្ថិតក្នុងភូមិវាំមួង ឃុំកូប ស្រុកអូរជ្រៅ ខេត្តបន្ទាយមានជ័យ នៅត្រង់មុខសាលាបឋមសិក្សាវាំងមួងលើផ្លូវជាតិលេខ៥ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូបុ.កជាមួយម៉ូតូ បណ្តាលឲ្យស្លា.ប់ម្នាក់នៅនឹងកន្លែង និង២នាក់ទៀតរងរបួសស្រាល។
លោកអធិការបានបញ្ជាក់ថា មុនកើតហេតុដំបូង គឺមានម៉ូតូមួយគ្រឿង ម៉ាកហុងដាឌ្រីម C.125 ពណ៌ខ្មៅ ពាក់ស្លាកលេខ កណ្តាល1j.2507 អ្នកបើកបរឈ្មោះ ថន ចាន់ថា ភេទប្រុស អាយុ៥២ឆ្នាំ មានទីលំនៅសព្វថ្ងៃនៅភូមិវាំងមួង ឃុំកូប ស្រុកអូរជ្រៅ ខេត្តបន្ទាយមានជ័យ (ស្លា.ប់នៅនឹងកន្លែងកើតហេតុ) មិនមានពាក់មួកសុវត្ថិភាព បើកបរម្នាក់ឯង ក្នុងទិសដៅពីកើតទៅលិច លុះមកដល់ចំណុចកើតហេតុបត់ឆ្វេងក៏បុ.កប៉ះនឹងម៉ូតូមួយគ្រឿងទៀត ដែលបើកបរដោយឈ្មោះ នូ ម៉នុត ភេទប្រុស អាយុ១៧ឆ្នាំ រស់នៅភូមិបឹងគូរ ឃុំសឿ ស្រុកមង្គលបូរី ខេត្តបន្ទាយមានជ័យ រងរបួសស្រាលនិងអ្នករួមដំណើម្នាក់ឈ្មោះ ឌី ឆៃយ៉ា ភេទប្រុស អាយុ១៨ឆ្នាំ រស់នៅភូមិទឹកថ្លា ក្រុងសិរីសោភ័ណ ខេត្តបន្ទាយមានជ័យ រងរបួសស្រាល។
លោកអធិការបញ្ជាក់ទៀតថា ចំពោះមូលហេតុបង្កឲ្យកើតមានគ្រោះថ្នាក់នេះ គឺមកម៉ូតូបើកបរមកពីទិសខាងកើត បត់ ឆ្វេងដោយខ្វះការប្រុងប្រយ័ត្ន ចំណែកម៉ូតូបើកបរពីទិសខាងលិចមកខាងកើត បើកបរក្នុងល្បឿនលឿន។ ក្រោយកើតហេតុ ម៉ូតូទាំង២គ្រឿងខាងលើ ត្រូវបានយកមករក្សាទុកនៅអធិការដ្ឋាននគបាលស្រុកអូរជ្រៅ ដើម្បីរង់ចាំធ្វើការដោះស្រាយតាមនីតិវិធី។
លោកវរសេនីយ៍ទោ អ៊ឹម សុភារៈ បានបន្តថា ករណីទី២ កើតឡើងកាលពីវេលាម៉ោង១០និង៥០នាទីយប់ ថ្ងៃទី២៦ ខែវិច្ឆិកា ឆ្នាំ២០២៣ នៅចំណុចបង្គោលគីឡូម៉ែតលេខ៣៨៣-៣៨៤ ត្រង់ផ្លូវចូលទៅឃុំអូរបីជាន់ លើផ្លូវជាតិលេខ៥ ស្ថិតក្នុងភូមិយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ មានករណីគ្រោះថ្នាក់ចរាចរណ៍មួយកើតឡើងរវាងរថយន្តបុ.កជាមួយម៉ូតូ។
លោកអធិការបានបញ្ជាក់ឲ្យដឹងថា មុនកើតហេតុដំបូង មានម៉ូតូមួយគ្រឿង ម៉ាកហុងដាឌ្រីម C.125 ពណ៌ខ្មៅ ស្លាកលេខ(គ្មាន) អ្នកបើកបរដោយឈ្មោះ ពៅ សុខុន ភេទប្រុស អាយុ៦០ឆ្នាំ មានទីលំនៅសព្វថ្ងៃនៅភូមិអូរជ្រៅ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ មិនមានពាក់មួកសុវត្ថិភាព បើកបរម្នាក់ឯងពីទិសខាងជើងទៅខាងត្បូង ឡើងមកផ្លូវជាតិលេខ៥ រួចបត់មកដល់ចំណុចកើតហេតុឆ្វេង។ ស្របពេលនោះ ក៏មានរថយន្ត១គ្រឿងបើកបរដោយឈ្មោះ ថុង សំបូរ ភេទប្រុស អាយុ៤៤ឆ្នាំ រស់នៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ (មិនមានរបួសទេ)បើកបរម្នាក់ឯង មកបុ.កប៉ះម៉ូតូ បណ្តាលឲ្យអ្នកបើកម៉ូតូរងរបួសធ្ងន់។
លោកអធិការបញ្ជាក់ទៀតថា ចំពោះមូលហេតុបង្កឲ្យកើតមានគ្រោះថ្នាក់នោះ គឺម៉ូតូបើកបរមកពីទិសខាងជើងបត់ឆ្វេង ដោយខ្វះការប្រុងប្រយ័ត្ន និងមិនគោរពសិទ្ធិអាទិភាព ចំណែករថយន្តបើកបរក្នុងល្បឿនលឿន៕
ចែករំលែកព័តមាននេះ