ADផ្ទាំងផ្សព្វផ្សាយពាណិជ្ជកម្ម

Picture

អភិបាល​រាជធានី​ភ្នំពេញ ណែនាំ​កងកម្លាំង​គ្រប់​ប្រភេទ ត្រូវ​ពង្រឹង​សន្តិសុខ សណ្តាប់ធ្នាប់ និង​សុវត្ថិភាព ជូន​ពលរដ្ឋ​ក្នុង​ឱកាស​បុណ្យអុំទូក

7 ខែ មុន

រាជធានី​ភ្នំពេញ ៖ អភិបាល​រាជធានី​ភ្នំពេញ បាន​ណែនាំ​ដល់​កងកម្លាំងប្រដាប់អាវុធ​គ្រប់​ប្រភេទ ត្រូវ​យក​ស្មារតី​ទទួលខុសត្រូវ ការពារ នូវ​សុវត្ថិភាព សន្តិសុខ សណ្តាប់ធ្នាប់ ថ្វាយ​អង្គ​ព្រះ​មហាក្សត្រ…

រាជធានី​ភ្នំពេញ ៖ អភិបាល​រាជធានី​ភ្នំពេញ បាន​ណែនាំ​ដល់​កងកម្លាំងប្រដាប់អាវុធ​គ្រប់​ប្រភេទ ត្រូវ​យក​ស្មារតី​ទទួលខុសត្រូវ ការពារ នូវ​សុវត្ថិភាព សន្តិសុខ សណ្តាប់ធ្នាប់ ថ្វាយ​អង្គ​ព្រះ​មហាក្សត្រ ថ្នាក់ដឹកនាំ​ជាតិ​កំពូល​ៗ ភ្ញៀវ​ជាតិ និង​អន្តរជាតិ ជា​ពិស​សេស​ប្រជាពលរដ្ឋ ក្នុង​ព្រះរាជ​ពិធីបុណ្យ​អុំទូក បណ្ដែតប្រទីប និង​សំពះ​ព្រះ​ខែ អកអំបុក ដើម្បី​ឱ្យ​ព្រះរាជ​ពិធី​នេះ ប្រព្រឹត្ត​ទៅ​ប្រកបដោយ​ភាព​សប្បាយ​រីករាយ ។

លោក ឃួ​ង ស្រេង អភិបាល​រាជធានី​ភ្នំពេញ បាន​លើក​ឡើង​ថា អគ្គស្នងការដ្ឋាន​នគរបាល​រាជធានី​ភ្នំពេញ បាន​ដាក់​កងកម្លាំងប្រដាប់អាវុធ​ចម្រុះ ចំនួន​ជាង​១​ម៉ឺន​នាក់ នៅ​តាម​គោលដៅ​សំខាន់​ៗ ខណៈ​ព្រះរាជ​ពិធីបុណ្យ​អុំទូក បណ្តែតប្រទីប និង​សំពះ​ព្រះ​ខែ អកអំបុក​នៅ​ឆ្នាំ​នេះ គឺ​ចំនួន​ទូក និង​កីឡា​អុំទូក មានការ​កើនឡើង និង​ស្រប​ពេល​រាជរដ្ឋាភិបាល​កម្ពុជា អាណត្តិ​ទី​៧ បាន​រៀបចំ​ព្រះរាជ​ពិធីបុណ្យ​នេះ បាន​អធិកអធម ជាង​ឆ្នាំ​កន្លង​ទៅ បន្ទាប់​ពិធីបុណ្យ​នេះ ត្រូវ​បាន​ខកខាន​ចំនួន​៣​ឆ្នាំ​មក​ហើយ ដោយសារ​វិបត្តិ​ជំងឺឆ្លង​កូ​វី​ដ​-១៩ ។

ថ្លែង​នៅ​ក្នុង​ពិធី ចុះ​ត្រួតពិនិត្យ​ទីតាំង​គណៈ​បញ្ជាការ​ស្រាល នៅ​មុខ​វាល​ព្រះ​មេរុ​ហ៍ នៅ​ព្រឹក​ថ្ងៃ​ទី​២៥ ខែវិច្ឆិកា​នេះ អភិបាល​រាជធានី​ភ្នំពេញ បាន​ណែនាំ​ដល់​កងកម្លាំងប្រដាប់អាវុធ​គ្រប់​ប្រភេទ ត្រូវ​ត្រៀមលក្ខណៈ បំពេញ​តួនាទី​ភារកិច្ច ដោយ​ការ​ទទួលខុសត្រូវ ដើម្បី​ទទួល​ស្វាគមន៍ និង​ធានា​ការពារ​សុខ​សុវត្ថិភាព និង​សន្តិសុខ ជូន​ប្រជាពលរដ្ឋ ដែល​បាន​មក​លេង​កម្សាន្ត​ប្រកបដោយ​ភាព​សប្បាយ​រីករាយ ។

លោក​បាន​បញ្ជាក់​ថា «​ខ្ញុំ​សូម ឱ្យ​កងកម្លាំង​យើង​ទាំងអស់​យក​ស្មារតី​ទទួលខុសត្រូវ​ខ្ពស់ ដោយ​ត្រូវ​គិត​ថា ភារៈកិច្ច​របស់​យើង​គឺជា​ការ​ចាំបាច់ ដែល​ប្រជាពលរដ្ឋ​ទូ​ទាំង​ប្រទេស មាន​ទំនុកចិត្ត និង​ជឿជាក់ មក​លើ​កងកម្លាំង​របស់​យើង ជា​រៀង​រហូត​មក និង​សូម​កម្លាំង​ទាំងអស់​គ្នា យក​ស្មារតី និង​ទំនុកចិត្ត​របស់​ពួក​គាត់​(​ប្រជាពលរដ្ឋ​)​នេះ ខិតខំ​ប្រឹងប្រែង​ធ្វើ​យ៉ាងណា ការពារ​ពួក​គាត់​ឱ្យ​បាន​ល្អ​ប្រសើរ ទៅ​តាម​ទុកចិត្ត​របស់​ពួក​គាត់​មក​លើ​ពួក​យើង​។ ហើយ​បងប្អូន​កងកម្លាំង​ទាំងអស់ យក​ស្មារតី​នេះ ទទួលខុសត្រូវ និង​ធ្វើ​កិច្ច​ការងារ​ឱ្យ​ចំ​ជា​កងកម្លាំង នៃ​ព្រះរាជាណាចក្រ​កម្ពុជា​» ។

បើ​តាម​លោក​វរសេនីយ៍ឯក សែ​ម រតនា ស្នងការ​រង នៃ​ស្នងការដ្ឋាន​នគរបាល​រាជធានី​ភ្នំពេញ បានឱ្យ​ដឹង​ថា ក្នុង​ព្រះរាជ​ពិធីបុណ្យ​អុំទូក ស្នងការដ្ឋាន​នគរបាល​រាជធានី​ភ្នំពេញ បាន​ដាក់​ពង្រាយ​កងកម្លាំង​ការពារ ចាប់ពី​ថ្ងៃ​ទី​២៤ ដល់​ថ្ងៃ​ទី​២៩ ខែវិច្ឆិកា ដែល​មក​ដល់​ពេល​នេះ កង​ម្លាំ​ង​គ្រប់​ជាន់ថ្នាក់ បាន​ត្រៀមខ្លួន រួច​ជា​ស្រេច ទាំង​កម្លាំង​សរុប និង​មធ្យោបាយ​សរុប ដើម្បី​ធានា​សុខ សុវត្ថិភាព ជូន​ថ្នាក់ដឹកនាំ និង​ប្រជាពលរដ្ឋ​មក​លេង​កម្សាន្ត ឲ្យ​កាន់តែ​សប្បាយ​រីករាយ ។

អភិបាល​រាជធានី​ភ្នំពេញ ក៏​បាន​ថ្លែងអំណរគុណ​នូវ​ស្មារតី​ទទួលខុសត្រូវ​របស់​កងកម្លាំង​ប្រដាប់​អាវុធ​គ្រប់​ប្រភេទ ដែល​បាន​ខិតខំ​ប្រឹងប្រែង ធ្វើ​កិច្ច​ការងារ​រក្សា ជូន​ប្រជាពលរដ្ឋ​សន្តិសុខ សណ្តាប់ធ្នាប់​ជូន ប្រជាពលរដ្ឋ ។

លោក​បន្ថែម​ថា ដោយ​មានការ​យកចិត្តទុកដាក់​ពី​សម្ដេច​មហា​បវរ​ធិ​បតី ហ៊ុន ម៉ា​ណែ​ត​នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា សម្តេច​បាន​ឧបត្ថម្ភ​ថវិកា​មួយ​ចំនួន​ជូន​ដល់​កងកម្លាំង​គ្រប់​ប្រភេទ ដែល​ឈរជើង​នៅ​តាម​គោលដៅ​នានា ក្នុង​កិច្ច​ការងារ​ការពារ សន្តិសុខ​សណ្ដាប់ធ្នាប់ ក្នុង​ព្រះរាជ​ពិធីបុណ្យ​អុំទូក​។ ជាង​នេះ​ទៅ​ទៀត គណៈ​បញ្ជាការ​ឯកភាព​រដ្ឋបាល​រាជធានី​ភ្នំពេញ ការ​បាន​ត្រៀមលក្ខណៈ ក្នុង​ការ​រៀបចំ​ទំនុកបម្រុង​ជា​ទឹក ដើម្បី​ជូន​កងកម្លាំងប្រដាប់អាវុធ​គ្រប់​ប្រភេទ បំពេញ​តួនាទី​ភារៈកិច្ច​ឱ្យ​កាន់តែ​ប្រសើរ ៕

អត្ថបទសរសេរ ដោយ