ADផ្ទាំងផ្សព្វផ្សាយពាណិជ្ជកម្ម

Picture

ភាពសាមញ្ញរបស់ភរិយាថ្នាក់ដឹកនាំទាក់ទាញបេះ​ដូងប្រជាជន

3 ខែ មុន
  • ភ្នំពេញ

នៅ​ក្នុង​នាម​ជា​ឥស្សរៈ​វ័យក្មេង​ និង​ជា​ឆ្អឹងខ្នង​របស់​ថ្នាក់ដឹកនាំ​ប្រទេស​ស្ត្រី​ទី​មួយ​កម្ពុជា លោក ជំទាវ​បណ្ឌិត ពេ​ជ ចន្ទ​មុន្នី ដែល​ជា​អគ្គស្នងការ​នៃ​សមា​គ​កាយឫទ្ធិ​កម្ពុជា បាន​កំពុង​តែ​បង្ហាញអំពី​ភាព​សាមញ្ញនៅ​តាម​កម្មវិធី​នានា ។ សកម្មភាព​ដែល​បាន​បញ្ជាក់​អំពី​ចំណុច​នេះ…

នៅ​ក្នុង​នាម​ជា​ឥស្សរៈ​វ័យក្មេង​ និង​ជា​ឆ្អឹងខ្នង​របស់​ថ្នាក់ដឹកនាំ​ប្រទេស​ស្ត្រី​ទី​មួយ​កម្ពុជា លោក ជំទាវ​បណ្ឌិត ពេ​ជ ចន្ទ​មុន្នី ដែល​ជា​អគ្គស្នងការ​នៃ​សមា​គ​កាយឫទ្ធិ​កម្ពុជា បាន​កំពុង​តែ​បង្ហាញអំពី​ភាព​សាមញ្ញនៅ​តាម​កម្មវិធី​នានា ។

សកម្មភាព​ដែល​បាន​បញ្ជាក់​អំពី​ចំណុច​នេះ ត្រូវ​បាន​មើលឃើញ​ជា​បន្តបន្ទាប់​នៅ​តាម​គ្រប់កម្មវិធី​ដែល​លោក​ជំទាវ​បាន​ចូលរួម ចាប់តាំងពី​លោក​ជំទាវ​បាន​កាន់​ដំណែង​នេះ ក្រោយ​ពេលដែល សម្តេច​ធិ​បតី ហ៊ុន ម៉ា​ណែ​ត បាន​ក្លាយជា​នាយក​រដ្ឋមន្ត្រី​ជា​ផ្លូវការ​របស់​កម្ពុជា ចាប់​តាំង ពី​ខែ
សីហា ។

សក្ខីភាព​ជាក់ស្តែង​បំផុត​នោះ គឺ​រូបភាព និង​វី​ដេ​អូ​ដែល​បាន​ផ្សព្វផ្សាយ​នៅ​លើ​បណ្តាញ​សង្គម ពាក់ព័ន្ធ​នឹង​សកម្មភាព​របស់​លោក​ជំទាវ ដែល​គេ​ដឹង​ថា សកម្មភាព​នេះ​ទំនង ជា​កើតឡើង នៅ​ក្នុង​ខេត្តកំពង់ធំ​ចន្លោះ​ពី​ថ្ងៃ​ទី ២០ ដល់​ថ្ងៃ​ទី ២៣ ខែវិច្ឆិកា ឆ្នាំ​២០២៣ នា​ព្រឹត្តិការណ៍​បោះ ជំរំ​ប្រចាំឆ្នាំ​២០២៣​នៃ​សមាគម​កាយឫទ្ធិ​នារី​កម្ពុជា ក្រោម​ប្រធានបទ «​រួម​គ្នា​យើង​អាច​ធ្វើ បាន​» នៅ​វិទ្យាស្ថាន​បច្ចេកវិទ្យា​កំពង់​ឈើទាល ខេត្តកំពង់ធំ​។

សក្ខីភាព​ដែល​ត្រូវ​បាន​ផ្សព្វផ្សាយ​បាន​បង្ហាញ​នូវ​សកម្មភាព​ដែល​លោក​ជំទាវ​បាន​ចូលរួម លេង លោត​កៅស៊ូ​ជាមួយ​ប្អូន​ៗ​និស្សិត​មួយ​ក្រុម នៅ​ក្នុង​កាយវិការ​និង​សកម្មភាព​ដែល​រហ័ស រហូន ដែល​ស្ត្រី​នៅ​ក្នុង​ឋានៈ​កំពូល​ពិបាក​នឹង​ធ្វើ​បាន ។ ក្រៅពី​លេង​លោត​កៅស៊ូ ហើយ​នោះ លោក​ជំទាវ​នៅ​បាន​ចូលរួម​លេង លោតមឹក ។

កៅស៊ូ និង មឹក នេះ គឺជា​ទូទៅ​ជា​ល្បែង​លេង​កំសាន្ត​របស់​កុមារី​និង​យុវតី​សម័យ​មុន ហើយ​នៅ ពេល​ប​ច្ចប្ប​ន្ន​នេះ ពពួក​ល្បែង​កំសាន្ត​នេះ​នៅ​តែ​ពេញ​និយម​សម្រាប់ កុមារី​និង​យុវតី​ដែល​មាន ជីវភាព​មធ្យម​នៅ​តាម​ជនបទ ខណៈ​ដែល​នៅ​ទីក្រុង​ដូច​ជា​កម្រ​ឃើញ​ក្មេង​ៗ និយម​លេង ទៀត​ណាស់​។

បន្ទាប់​ពី​បង្ហោះ​នូវ​រូបភាព​ទាំងនេះ​នៅ​ក្នុង​បណ្តាញ​សង្គម​ហ្វេ​ស​បុក​ផ្ទាល់​ខ្លូ​ន លោក​ជំទាវ​ក៏បាន​សរសេរ​ចែករំលែក​ខ្លី​ៗ​ថា ល្បែង​នេះ​គឺជា​ល្បែង​ដែល​លោក​ជំទាវ​បាន​ធ្លាប់​លេង កាលពី​៣០ឆ្នាំ​មុន ហើយ​នៅ​ពេល​ដែល​លេង​ជា​ថ្មី គឺ​នៅ​តែ​អាច​លេង​បាន​ល្អ​ដដែល​។

​ក្នុង​សារ​នេះ លោក​ជំទាវ​ក៏​បាន​ថ្លែងអំណរគុណ​ដល់​អ្នក​ដែល​បាន​ថតរូប​ភាព​និង វី​ដេ​អូ​ជូន ខណៈ​ដែល​បាន​ចូលរួម​រំលឹក​វិជ្ជា​គុណ​ចាស់​ៗដែល​មាន​ន័យ​ថា រំលឹក​នូវ​សមត្ថភាពដែលលោក​ជំទាវ​ធ្លាប់​លេង​កាលពី ៣០​ឆ្នាំ​មុន​នេះ ។

ក្រៅពី​សកម្មភាព​នេះ នៅ​ក្នុង​សកម្មភាព​និង​ការងារ​សង្គម​ទូទៅ ដោយ​រួម​ទាំង​នៅ​ក្នុង អំឡុង ពេល​ប្រយុទ្ធ​ប្រឆាំង​នឹង​ការ​រីក​រាលដាល​មេរោគ​កូ​វី​ដ១៩ រយៈពេល៣ឆ្នាំ ក៏​លោក​ជំទាវ បង្ហាញ​អំពី​សាមញ្ញ​ភាពនេះ​ផង​ដែរ ហើយ​រាល់​សកម្មភាព​ទាំងនោះ​ហើយ នៅ​លើ​បណ្តាញសង្គម លោក​ជំទាវ​តែងតែ​ឈ្នះ​បេះដូង​អ្នកគាំទ្រ ។

ដោយឡែក ​នៅ​ក្នុង​សកម្មភាព​នៅ​វេទិកា​ធំ​ៗ រាល់​ការ​តុបតែង​ខ្លួន និង​ឥរិយា​បទ​ក៏​មាន លក្ខណៈ​សម​សួន និងបង្ហាញ​នូវ​របៀប​រៀបចំ​ខ្លួន​តាម​លក្ខណៈ ជានា​រី​ខ្មែរ​រហូត​ដល់ទទួល​ការ​គាំទ្រ និង ការ​កោតសរសើរ​ជា​បន្តបន្ទាប់​ពី​សំណាក់​ស្រទាប់​បញ្ញា​ជន ផង​ដែរ ។

សកម្មភាព​របស់​លោក​ជំទាវ​គឺ​បាន​បង្ហាញ បង្ហាញ​ពី​គុណធម៌ អាកប្បកិរិយា ការ​រៀបចំ និងការ​បំពេញ​កាតព្វកិច្ច ក្នុង​នាម​ជា​មនុស្ស ជា​ពលរដ្ឋ ជា​អ្នក​ផ្តល់​អោយ​នូវ​អត្តសញ្ញាណ សម្រាប់ជាតិ​របស់​ខ្លួន​។

លោក​ជំទាវ​ត្រូវ​បាន​គេ​កត់​សំគាល់ថា រាល់​កម្មវិធី​ទាំងអស់​ទាំង​នៅ​ថ្នាក់​ជាតិ និង អន្តរជាតិ តែងតែ​បង្ហាញ​នូវ​គុណ​តម្លៃ​ដែល​ជា​លក្ខណៈ​សំគាល់​របស់​ជាតិ​សាសន៍​កម្ពុជា ដែល​ជា​គំរូ សុច្ចរិត​ពិត​ប្រាកដ សម្រាប់​ការ​អភិ​វ​ឌ្ឈ​ន៍​របស់​ប្រទេស​ជាតិ លើ​វិស័យ​វប្បធម៌ ទំនៀមទម្លាប់ ។

សរុប​មក​វិញ​ប្រសិនបើ​ភរិយា​របស់​បណ្តា​ថ្នាក់ដឹកនាំ​អាច​បង្ហាញ​នូវ​សាមញ្ញ​ភាព ភាព​មិន​ឆ្មើង មិន​ឆ្មៃ ទាំងអស់​គ្នា​ពិតជា​មិន​លំបាក​ឡើយ​នៅ​ក្នុង​ការ​ទទួល​បានការ​គាំទ្រ​ពី​ប្រជាពលរដ្ឋ និយាយ​ឲ្យ​ចំ​ទៅ​មិន​ពិបាក​យកឈ្នះ​លើ​បេះដូង​រាស្ត្រ​ឡើយ ។ ដោយៈ ហេង ចេស្តារ

អត្ថបទសរសេរ ដោយ