ADផ្ទាំងផ្សព្វផ្សាយពាណិជ្ជកម្ម

Picture

ចាប់បាន​​យុវជន​ម្នាក់​ដែល​ចូលរួម​ក្នុង​សង្គ្រា.ម​ក្រុម​ក្មេង​ទំនើង​កាលពី​កន្លះ​ខែ​មុន

3 ខែ មុន
  • បាត់ដំបង

ខេត្តបាត់ដំបង ​៖ ក្រោយ​ចូល​ប្រឡូក​ក្នុង​សង្គ្រាម​ក្មេង​ទំនើង​យ៉ាង​ឃោរ​ឃៅ ​បណ្ដាល​ឲ្យ​ភាគី​ម្ខាង​ស្លាប់​ម្នាក់ ក្រុម​ជន​ដៃដល់​ដែល​សមត្ថកិច្ច​កំណត់​បាន​មាន​ចំនួន​០៤​នាក់ បាន​ព្យាយាម​រត់គេច​ខ្លួន តែ​ពេល​នេះ​ ត្រូវ​កម្លាំង​សមត្ថកិច្ច​តាម​ចាប់ខ្លួន​បាន​ម្នាក់​ហើយ កាលពី​រសៀល​ថ្ងៃ​ទី២៣ វិច្ឆិកា…

ខេត្តបាត់ដំបង ​៖ ក្រោយ​ចូល​ប្រឡូក​ក្នុង​សង្គ្រាម​ក្មេង​ទំនើង​យ៉ាង​ឃោរ​ឃៅ ​បណ្ដាល​ឲ្យ​ភាគី​ម្ខាង​ស្លាប់​ម្នាក់ ក្រុម​ជន​ដៃដល់​ដែល​សមត្ថកិច្ច​កំណត់​បាន​មាន​ចំនួន​០៤​នាក់ បាន​ព្យាយាម​រត់គេច​ខ្លួន តែ​ពេល​នេះ​ ត្រូវ​កម្លាំង​សមត្ថកិច្ច​តាម​ចាប់ខ្លួន​បាន​ម្នាក់​ហើយ កាលពី​រសៀល​ថ្ងៃ​ទី២៣ វិច្ឆិកា ដែល​ជន​ម្នាក់​នេះរ​ត់ទៅ​សំងំ​លាក់ខ្លួន នៅ​ភូមិ​កំ​ប្រ៉​ង់ ឃុំ​តា​ក្រី ស្រុក​កំ​រៀង ​។

របាយ​ការ​ណ៍​សមត្ថកិច្ច​បាន​ឲ្យ​ដឹង​ថា ជនសង្ស័យ​ឈ្មោះ គឹ​ម សុ​វ៉ា​ត់ ហៅតូច អាយុ​១៦​ឆ្នាំ រស់នៅ​ភូមិ​ភ្នំ​សំពៅ​កើត ឃុំ​ភ្នំ​សំពៅ ស្រុក​បាណ​ន់​ ។ ជន​នេះ ​ត្រូវ​បាន​កម្លាំង​នគរបាល​ស្រុក​បាណ​ន់ ស្រុក​ប​វេ​ល និងស្រុក​កំ​រៀង ដែល​មាន​កិច្ចសហការ​ពី​កម្លាំង​បង្ការបង្ក្រាបនៃ​ស្នងការ​ផង ក្រោម​ការ​បញ្ជា​ផ្ទាល់​ពី​លោកស្នងការ​ខេត្ត ធ្វើការ​ស្រាវជ្រាវ​រហូត​បង្ក្រាប​បាន រីឯ​បក្សពួក​ក្រុម​នេះ​ចំនួន​០៣​នាក់​ទៀត​កំពុង​រត់ចោលស្រុក​ ។

លោក ឈឿ​ង គឹ​ម​សុង ស្នងការ​រង ដែល​ដឹកនាំ​កិច្ច​ប្រតិបត្តិការ​នេះ​ផ្ទាល់ បាន​ឲ្យ​ដឹង​ថា ជន​សង្ស័យ​​វ័យ​១៦​ឆ្នាំ​រូប​នេះ ស្ថិត​ក្នុង​ចំណោម​បក្ខពួក​ចំនួន​០៣​នាក់​ទៀត ដែល​កំពុង​រត់គេច​ខ្លួន ដែល​ខ្លះ​រត់​ចូល​ទឹកដី​ថៃ​បាត់​ទៅ​ហើយ ​។ ក្រុម​នេះ បាន​ធ្វើ​សកម្មភាព​តាម​ស្ទាក់​កាប់​ទៅ​លើ​ភាគី​ម្ខាង​ទៀត ដែល​មាន​បក្ខពួក​ចំនួន បណ្ដាល​ឲ្យ​ស្លាប់​ម្នាក់​នៅ​ក្នុង​ហេតុ​ការ​ណ៏​នោះ ​។

កាលពី​យប់​ថ្ងៃ​ទី១០ វិច្ឆិកា ក្រុម​ក្មេង​ទំនើង​ទាំង​០២​ភាគីបាន​ប៉ះ​ទ​ង្កិ​ច​គ្នា​ដោយ​ហិ​ង្សា មានកាំបិត​ផ្កា​ក់​ផង កាំបិត​ខ្វែង​ផង ដេញ​កាប់​គ្នា​យ៉ាង​សាហាវ​ឃោរ​ឃៅនៅ​ក្នុង​ស្ថានីយ​ប្រេង​មួយ​កន្លែង នៅ​ក្នុងភូមិ​កំ​ប៉ូវ ឃុំ​ភ្នំ​សំពៅ ស្រុក​បាណ​ន់​ ។ នៅ​ក្នុង​សង្គ្រាម​ រវាង​ពួក​ជន​អន្ធពាល​ទាំង​០២​ក្រុម​នេះ ត្រូវ​គេ​កំណត់​បាន​ថា ភាគី​ម្ខាង​មាន​បក្ខពួក​០៤​នាក់​(​ភាគី​ឈ្នះ​) ជិះ​ម៉ូតូ​០២​គ្រឿង រីឯ​ភាគី​ម្ខាង​ទៀត​មាន​បក្ខពួក​០៧​នាក់​ជិះ​ម៉ូតូ​០៣​គ្រឿង (​ភាគី​ចាញ់ ស្លាប់​ម្នាក់​)​។

​ពួក​គេ​បាន​ប្រើប្រាស់កាំបិត​ខ្វែង និងកាំបិត​ផ្គាក់​ដេញ​កាប់​គ្នា តែ​ត្រូវ​ភាគី​០៤​នាក់ ដែល​មានកាំបិត​ក្នុង​ដៃ ដេញ​កាប់​គ្មាន​ប្រណី​ដៃ​ទៅ​លើ​ភាគី​០៧​នាក់ បណ្ដាល​ឲ្យ​យុវជន​ម្នាក់​រង​របួសធ្ងន់ ហើយ​បាន​ស្លាប់​ពេល​បញ្ជូន​ដល់​មន្ទីរពេទ្យ​។ ជន​រង​គ្រោះ​ឈ្មោះ លក សា​វៀង ប្រុស​អាយុ​១៧​ឆ្នាំ រស់​នៅ​ភូមិ​តា​គ្រាម ឃុំ​តា​គ្រាម ស្រុក​បាណ​ន់ ដែល​គួរ​សត្រូវ​កាប់​ចំ​ក្បាល​មួយ​កាំបិត​ផុង​លលា​ដ៏​តែ​ម្ដង​។

ក្រោយ​បញ្ចប់​ការ​ប្រយុទ្ធ​គ្នា ភាគី​០៤​នាក់​ដែល​មាន​ប្រៀប បាន​នាំ​គ្នា​ជិះ​ម៉ូតូ​រត់​បាត់ ខណៈ​ភាគី​០៧​នាក់ ប្រឹងប្រែង​នាំ​គ្នា​ដឹក​ជន​រង​គ្រោះ​ទៅ​មន្ទីរពេទ្យ​។ យ៉ាងណា​ក្ដី បើ​តាម​លោក ឈឿ​ង គឹ​ម​សុង ដែល​ដឹកនាំ​កម្លាំង​តាម​ប្រមាញ់​ជនសង្ស័យ បាន​និយាយ​ថា ជនសង្ស័យ​វ័យក្មេង​ដែល​ត្រូវ​ឃាត់ខ្លួន​ខាងលើ​នេះ ជា​អ្នកចូលរួម​ផ្ទាល់​នៅ​ក្នុង​សង្គ្រាម​ក្រុម​ក្មេង​ទំនើង​នេះ តែ​ជន​ដៃដល់​កាន់​កាំបិត​កាប់​ប្រល័យ​ជីវិត​ជន​រង​គ្រោះ​បានរ​ត់ទៅ​សម្ងំ​ក្នុង​ទឹកដី​ប្រទេស​ថៃ ហើយ ខណៈ​បក្ខពួក​០២​នាក់​កំពុង​វិលវល់​សម្ងំ​លាក់ខ្លួន​នៅ​ក្នុងស្រុក​នៅឡើយ​។ នេះ​បើ​តាម​ព័​ត៏​មាន ដែល​លោក​ទ​ទូល​បាន ហើយ​កម្លាំង​ជំនាញ​កំពុង​ស្វែងរក​ចាប់ខ្លួន​៕ ​

អត្ថបទសរសេរ ដោយ