ADផ្ទាំងផ្សព្វផ្សាយពាណិជ្ជកម្ម

Picture

ព្រឹទ្ធសភា អនុម័ត​ជា​ឯកច្ឆ័ន្ទ លើ​សេចក្តីព្រាងច្បាប់ ស្តី​ពី​ហិរញ្ញវត្ថុ​សម្រាប់​ការ​គ្រប់គ្រង​ឆ្នាំ​២០២៤

3 ខែ មុន

រាជធានី​ភ្នំពេញ ៖ បន្ទាប់​ពី​មានការ​លើក​ឡើង​ពី​សមាជិក​ព្រឹទ្ធសភា ចំនួន​២​រូប​មក សមាជិក​ព្រឹទ្ធ​ភា ដែល​ចូលរួម​ប្រជុំ​បាន​លើកដៃ​អនុម័ត​ឯកច្ឆ័ន្ទ លើ​លើ​សេចក្តីព្រាងច្បាប់ ស្តី​ពី ហិរញ្ញវត្ថុ​សម្រាប់​ការ​គ្រប់គ្រង​ឆ្នាំ​២០២៤ ។…

រាជធានី​ភ្នំពេញ ៖ បន្ទាប់​ពី​មានការ​លើក​ឡើង​ពី​សមាជិក​ព្រឹទ្ធសភា ចំនួន​២​រូប​មក សមាជិក​ព្រឹទ្ធ​ភា ដែល​ចូលរួម​ប្រជុំ​បាន​លើកដៃ​អនុម័ត​ឯកច្ឆ័ន្ទ លើ​លើ​សេចក្តីព្រាងច្បាប់ ស្តី​ពី ហិរញ្ញវត្ថុ​សម្រាប់​ការ​គ្រប់គ្រង​ឆ្នាំ​២០២៤ ។

ការ​អនុម័ត​ច្បាប់​នេះ ធ្វើ​ឡើង​ក្នុង​សម័យប្រជុំ​ពេញអង្គ លើក​ទី​១១ ព្រឹទ្ធសភា នីតិកាល​ទី​៤ នា​ព្រឹក​ថ្ងៃ​ទី​២៤ ខែវិច្ឆិកា ឆ្នាំ​២០២៣ ក្រោម​ធិ​បតី​ភាព​សម្តេច​វិបុល​សេនា​ភក្តី សាយ ឈុំ ប្រធាន​ព្រឹទ្ធសភា និង​មានការ​ចូលរួម​ពី​សមាជិក​ព្រឹទ្ធសភា សរុប ៥៣​រូប ។

សេចក្តីព្រាងច្បាប់​នេះ ត្រូវ​បាន​រៀបចំ​ឡើង ដើម្បី​ទ្រទ្រង់​ដល់​ការ​ថែរក្សា នូវ​សមិទ្ធផល​នានា ដែល​សម្រេច​បាន​មក​ដោយ​លំបាក ក៏​ដូច​ជា​ការ​អនុវត្ត​អាទិភាព​គោលនយោបាយ​សំខាន់​ៗ និង​វិធានការ​កែទម្រង់​ជាក់ស្តែង​នានា ដែល​នឹង​ត្រូវ​អនុវត្ត​ចាប់ពី​ដើម នីតិកាល​ទី​៧ នៃ​រដ្ឋសភា និង​ក្នុង​ឆ្នាំ​២០២៤ ដើម្បី​ឆ្លើយ​តប​ទៅ​នឹង​បរិការណ៍​ថ្មី​របស់​កម្ពុជា ទាំង​ក្នុង​ក្របខ័ណ្ឌ​ផ្ទៃក្នុង​ប្រទេស ក្នុង​ក្របខ័ណ្ឌ​តំបន់ និង​ពិភពលោក ។

សេចក្តីព្រាងច្បាប់ ស្តី​ពី ហិរញ្ញវត្ថុ​សម្រាប់​ការ​គ្រប់គ្រង​ឆ្នាំ​២០២៤ មាន​៥​ជំពូក ១៤​មាត្រា គឺជា​ឧបករណ៍​ដ៏​មាន​ប្រសិទ្ធភាព ដែល​អាច​ជួយ​ឱ្យ​រាជរដ្ឋាភិបាល អាច​ឆ្លើយ​តប​ទៅ​នឹង​បញ្ហា​ប្រឈម និង​ហានិភ័យ​ផង​ទាំងពួង ទាំង​ក្នុង និង​ក្រៅប្រទេស ។

តំណាង​រាជរដ្ឋាភិបាល បាន​លើក​ឡើង​ថា ច្បាប់​ហិរញ្ញវត្ថុ សម្រាប់​ការ​គ្រប់គ្រង​ឆ្នាំ​២០២៤​នេះ ត្រូវ​បាន​រៀបចំ​ឡើង​ដោយ​ប្រកាន់​យក​នូវ​ជំហាន​នៃ​ការ​អនុវត្ត «​គោល​ជំហរ​ព​ង្រឹ ង​ប្រសិទ្ធ ភាព​ថវិកា​» ដោយ​ផ្តោត​ការ​យកចិត្តទុកដាក់ ជា​ពិសេស​លើ​មនុស្ស និង​លើ​សមត្ថភាព​ស្ថាប័ន​គឺ ការ​កែ​-​ទម្រង់​រដ្ឋបាល​សាធារណៈ និង​ការ​កែទម្រង់​រចនាសម្ព័ន្ធ ដែល​មាន​អភិបាលកិច្ច​ជា​ស្នូល លើ​ប្រសិទ្ធភាព និង​ភាព​ធន់ នៃ​សេដ្ឋកិច្ច និង​សង្គម ហើយ​អាច​ប្រសិទ្ធ​នាម​បាន​ថា «​ជា​ថវិកា​យុទ្ធសាស្ត្រ នៃ​ការ​រក្សា​សមិទ្ធផល ដែល​សម្រេច​បាន​ដោយ​លំបាក និង​ការ​បន្ត​បុក​គ្រឹះ​ថ្មី​ៗ​ក្នុង​ការ​បោះ​ជំហាន​ឆ្ពោះទៅ​សម្រេច​គោលដៅ​សំខាន់​ៗ នៃ​កម្មវិធី​នយោបាយ និង​យុទ្ធសាស្ត្រ​បញ្ច​កោណ​ដំណាក់កាល​ទី​១ របស់​រាជរដ្ឋាភិបាល នីតិកាល​ទី​៧ នៃ​រដ្ឋសភា ដើម្បី​បន្ត​រក្សាសុខ​សន្តិភាព ស្ថិរភាព និង​ទ្រទ្រង់ ដំណើរ​វិវឌ្ឍន៍​ទៅ​មុខ​ឥត​ឈប់​ឈរ​របស់​កម្ពុជា លើ​វិ​ថី​នៃ​ការ​អភិវឌ្ឍ​ប្រកបដោយ​គុណភាព និង​ចី​រ​-​ភាព ឆ្ពោះទៅ​ចក្ខុវិស័យ​កម្ពុជា​ឆ្នាំ​២០៥០» ។

សូម​រំ​ឮ​កថា​សេចក្តីព្រាងច្បាប់​នេះ តាក់តែង​ឡើង​មាន ៥​ជំពូក ១៤​មាត្រា និង​ត្រូវ​បាន​រដ្ឋសភា នៃ​ព្រះរាជាណាចក្រ​កម្ពុជា អនុម័ត​យល់ព្រម​ជា​លើក​ដំបូង​ចំនួន ៩៥​សំឡេង នៃ​ចំនួន​សមាជិក​រដ្ឋសភា ទាំងមូល កាលពី​ថ្ងៃ​ទី​១៦ ខែវិច្ឆិកា ឆ្នាំ​២០២៣ នា​សម័យប្រជុំ​រដ្ឋសភា​លើក​ទី​១ នីតិកាល​ទី​៧ ។

ក្រោយ​ពី​សមាជិក​ព្រឹទ្ធសភា​ចំនួន ២​រូប បាន​ឡើង​មាន​យោបល់ និង​លើក​ជា​សំណួ រ​រួច​មក ឯកឧត្តម​អគ្គបណ្ឌិត​សភាចា​រ្យ អូន ព័ន្ធ​មុនី​រ័​ត្ន ឧបនាយករដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ​តំណាង​រាជរដ្ឋាភិបាល បាន​ឆ្លើយ​បំភ្លឺ ជូន​អង្គប្រជុំ​ព្រឹទ្ធសភា រួច​អង្គប្រជុំ​ព្រឹទ្ធសភា​បាន​ពិនិត្យ ហើយ​ឱ្យ​យោបល់​ឯកភាព​ទាំងស្រុង​លើ​សេចក្តីព្រាងច្បាប់​ទាំងមូល​ដោយ​ឥត​កែប្រែ ចំនួន ៥៣​សំឡេង នៃ​ចំនួន​សមាជិក​ព្រឹទ្ធសភា ទាំងមូល ៕

អត្ថបទសរសេរ ដោយ

កែសម្រួលដោយ