ADផ្ទាំងផ្សព្វផ្សាយពាណិជ្ជកម្ម

Picture

រាជរដ្ឋាភិបាល​សម្រេច​មិន​យកពន្ធ​ប៉ាតង់​សារព័ត៌មាន​អន​ឡាញ​ធុន​តូច​ទាំងអស់ រយៈពេល​៥​ឆ្នាំ

3 ខែ មុន

រាជធានី​ភ្នំពេញ ៖ រាជរដ្ឋាភិបាល យល់ព្រម​លើកលែង​ពន្ធ​ប៉ាតង់ សារព័ត៌មាន​តាម​ប្រព័ន្ធ​អន​ឡាញ​ប្រភេទ​ធុន​តូច​ទាំងអស់ ជា​បន្ទុក​របស់​រដ្ឋ​រយៈពេល ៥​ឆ្នាំ (២០២៣-២០២៨) និង​កាត់​បន្ថយ​កម្រៃ​ស្នើ​សុំ​អាជ្ញា​បណ្ណ បង្កើត​អង្គភាព​សារព័ត៌មាន​ថ្មី…

រាជធានី​ភ្នំពេញ ៖ រាជរដ្ឋាភិបាល យល់ព្រម​លើកលែង​ពន្ធ​ប៉ាតង់ សារព័ត៌មាន​តាម​ប្រព័ន្ធ​អន​ឡាញ​ប្រភេទ​ធុន​តូច​ទាំងអស់ ជា​បន្ទុក​របស់​រដ្ឋ​រយៈពេល ៥​ឆ្នាំ (២០២៣-២០២៨) និង​កាត់​បន្ថយ​កម្រៃ​ស្នើ​សុំ​អាជ្ញា​បណ្ណ បង្កើត​អង្គភាព​សារព័ត៌មាន​ថ្មី នៅ​ក្រសួង​ព័ត៌មាន​ចំនួន ៥០% ។

ឯកឧត្តម នេត្រ ភក្ត្រា រដ្ឋមន្ត្រីក្រសួង​ព័ត៌មាន បាន​ឲ្យ​ដឹង​តាម​ប្រព័ន្ធ​តេ​ឡេ​ក្រាម​ថា សូម​ជូនដំណឹង​ល្អ សម្រាប់​បង​បងប្អូន​សារព័ត៌មាន​អន​ឡាញ​ទាំងអស់ យោង​តាម​លិខិត​របស់​ក្រសួង​ព័ត៌មាន​នៅ​ថ្ងៃ​ទី​១ ខែវិច្ឆិកា ឆ្នាំ​២០២៣ និង​ចំណារ​ដ៏​ខ្ពង់ខ្ពស់​បំផុត​របស់​សម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា ចុះ​ថ្ងៃ​ទី​១៦ ខែវិច្ឆិកា ឆ្នាំ​២០២៣ រាជរដ្ឋាភិបាល​យល់ព្រម​លើកលែង​ពន្ធ​ប៉ាតង់​សារ ព័ត៌មាន​តាម​ប្រព័ន្ធ​អន​ឡាញ​ប្រភេទ​ធុន​តូច​ទាំងអស់ ជា​បន្ទុក​របស់​រដ្ឋ​រយៈពេល ៥​ឆ្នាំ (២០២៣-២០២៨) និង​កាត់​បន្ថយ​កម្រៃ​ស្នើ​សុំ​អាជ្ញា​បណ្ណ​បង្កើត​អង្គភាព​សារព័ត៌មាន​ថ្មី នៅ​ក្រសួង​ព័ត៌មាន​ចំនួន ៥០% ។

ឯកឧត្តម បាន​ឲ្យ​ដឹង​ទៀត​ថា បច្ចុប្បន្ន​នេះ សារព័ត៌មាន​អន​ឡាញ ដែល​បាន​ចុះបញ្ជី​នៅ​ក្រសួង​ព័ត៌មាន បាន​កើនឡើង​ដល់​ចំនួន ៩១៧ អង្គភាព ។

ជាមួយ​គ្នា​នោះ​ដែរ ឯក​ឧត​ត្ត​មន្ត្រី បាន​អំពាវនាវ​ដល់​បងប្អូន ដែល​កំពុង​ប្រកប​អាជីវកម្ម ក្នុង​វិស័យ​ព័ត៌មាន និង​សោត​ទស្សន៍ ដែល​មិន​ទាន់​បាន​ចុះបញ្ជី​ត្រឹមត្រូវ សូម​បំពេញបែបបទ និង​ចុះបញ្ជី​ឱ្យ​បាន​ត្រឹមត្រូវ ដើម្បី​ទទួល​បាន​នូវ​អត្ថប្រយោជន៍​ទាំងឡាយ ដែល​មាន ។

ឯកឧត្តម បញ្ជាក់​ថា ៖ «​នេះ​ជា​សេចក្តីជូនដំណឹង​របស់​ទីស្តីការគណៈរដ្ឋមន្ត្រី ស្តី​ពី​ការ​លើកលែង​ពន្ធ​ប៉ាតង់​សារព័ត៌មាន​អន​ឡាញ ប្រភេទ​ធុន​តូច​ជា​បន្ទុក​របស់​រដ្ឋ​រយៈពេល ៥​ឆ្នាំ (២០២៣-២០២៨) និង​កាត់​បន្ថយ​កម្រៃ​ស្នើ​សុំ​អាជ្ញា​បណ្ណ បង្កើត​អង្គភាព​សារព័ត៌មាន​ថ្មី នៅ​ក្រសួង​ព័ត៌មាន​ចំនួន ៥០%» ៕

អត្ថបទសរសេរ ដោយ

កែសម្រួលដោយ