ADផ្ទាំងផ្សព្វផ្សាយពាណិជ្ជកម្ម

Picture

បាក់​ឌុ​ប​ឆ្នាំ​នេះ បេក្ខជន​ប្រឡង​ជាប់​ជិត​៧៣​ភាគរយ ហើយ​និ​ន្ទេ​ស A ចំនួន​១,៦៧៣​នាក់

2 ខែ មុន

រាជធានី​ភ្នំពេញ ៖ ក្រសួង​អប់រំ យុវជន និង​កីឡា បាន​ប្រកាស​លទ្ធផល​ប្រឡង​សញ្ញាបត្រ​ទុតិយភូមិ (​បាក់​ឌុ​ប​) ឆ្នាំ​២០២៣ មាន​អ្នក​ជាប់​សរុប ៧២.៨៩​ភាគរយ…

រាជធានី​ភ្នំពេញ ៖ ក្រសួង​អប់រំ យុវជន និង​កីឡា បាន​ប្រកាស​លទ្ធផល​ប្រឡង​សញ្ញាបត្រ​ទុតិយភូមិ (​បាក់​ឌុ​ប​) ឆ្នាំ​២០២៣ មាន​អ្នក​ជាប់​សរុប ៧២.៨៩​ភាគរយ ក្នុង​នោះ​បេក្ខជន​ជាប់​និ​ន្ទេ​ស A ចំនួន ១,៦៧៣​នាក់​, និទ្ទេស B ចំនួន ៦,៩៦៤​នាក់​, និទ្ទេស C ចំនួន ១៨,៣០៨​នាក់ ។

យោង​តាម​សេចក្តី​ប្រកាស​ព័ត៌មាន ស្តី​ពី លទ្ធផល នៃ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ សម័យ​ប្រឡង ០៦ វិច្ឆិកា ២០២៣ ក្រសួង​អប់រំ យុវជន និង​កីឡា បាន​ឲ្យ​ដឹង​ថា លទ្ធផល​ប្រឡង​សញ្ញាបត្រ​មធ្យមសិក្សា​ទុតិយភូមិ សម័យ​ប្រឡង ០៦ វិច្ឆិកា ២០២៣ នឹង​ប្រព្រឹត្ត​ទៅ​នៅ​ថ្ងៃ​ទី​២៣ ខែវិច្ឆិកា ឆ្នាំ​២០២៣ សម្រាប់​រាជធានី​ភ្នំពេញ និង​ខេត្តកណ្តាល និង​ថ្ងៃ​ទី​២៤ ខែវិច្ឆិកា ឆ្នាំ​២០២៣ សម្រាប់​ខេត្ត​ដទៃ​ទៀត ។

ក្រសួង​បាន​បញ្ជាក់​ថា ជា​លទ្ធផល បេក្ខជន​ប្រឡង​ជាប់​សរុប ៩៨,៤៦០​នាក់ ត្រូវជា ៧២.៨៩​ភាគរយ នៃ​ចំនួន បេក្ខជន​មក​ប្រឡង ។ បេក្ខជន​ជាប់​និទ្ទេស A ចំនួន ១,៦៧៣​នាក់​, និទ្ទេស B ចំនួន ៦,៩៦៤​នាក់​, និទ្ទេស C ចំនួន ១៨,៣០៨​នាក់​, និទ្ទេស D ចំនួន ៣៤,២៤៦​នាក់​, និង និទ្ទេស E ចំនួន ៣៧,២៦៩​នាក់ ។

សូម​ជម្រាប​ថា សម្រាប់​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ សម័យ​ប្រឡង ៖ ០៦ វិច្ឆិកា ២០២៣ មាន​បេក្ខជន​ចុះ​ឈ្មោះ​ប្រឡង​សរុប ១៣៧,៤១២​នាក់ ស្រី ៧៣,២៧៨​នាក់ មណ្ឌល ប្រឡង​សរុប ២២៧ ស្មើនឹង ៥,៥៤៣​បន្ទប់ ៕

អត្ថបទសរសេរ ដោយ

កែសម្រួលដោយ