ក្រុមឧទ្ទាមរួមគ្នាវា.យប្រហាររដ្ឋាភិបាលមីយ៉ាន់ម៉ា ប្រកាសអាជ្ញាសឹកក្នុងតំបន់ជាច្រើន
ប្រទេសមីយ៉ាន់ម៉ា ៖ កាលពីថ្ងៃទី១៨វិច្ឆិកា ការប្រយុទ្ធកើតមានខ្លាំងក្លានៅភាគខាងជើងមីយ៉ាន់ម៉ា
ប្រទេសមីយ៉ាន់ម៉ា ៖ កាលពីថ្ងៃទី១៨វិច្ឆិកា ការប្រយុទ្ធកើតមានខ្លាំងក្លានៅភាគខាងជើងមីយ៉ាន់ម៉ាគឺក្នុងរដ្ឋសាន រដ្ឋកាជីននិងរដ្ឋជីនព្រមទាំងក្នុងរដ្ឋរ៉ាឃីនភាគខាងលិចប្រទេស ដែលនៅទីនោះបទឈប់បាញ់គ្នានៅមានជាធរមាន ចាប់តាំងពីជិត១ឆ្នាំមកហើយ។ ទន្ទឹមនឹងនេះដែរការប្រយុទ្ធក៏កើតមាននៅតាដម៉ាដាវក្នុងរដ្ឋកាយ៉ាហ៍ភាគកណ្ដាលប្រទេស។
ការវាយលុករបស់ពួកឧទ្ទាមតាមពិត បង្កើនចាប់ពីថ្ងៃទី២៧តុលាមក នៅភាគខាងជើងរដ្ឋសានជាប់ព្រំដែនជាមួយចិន ក្រោមឈ្មោះថាប្រតិបត្តិការ១០២៧ក្រោមលេសវាយប្រហារបង្ក្រាបបណ្ដាក្រុមឧក្រិដ្ឋជន។ តាមការផ្ដួចផ្ដើមគំនិតក្រុមប្រដាប់អាវុធដល់៣ក្រុម គឺក្រុមកងទ័ពរំដោះជាតិតាអាង ក្រុមកងទ័ពអារ៉ាកាននិងក្រុមកងទ័ពសម្ព័ន្ធភាពប្រជាធិបតេយ្យជាតិមីយ៉ាន់ម៉ា បានរួបរួមគ្នាក្រោមឈ្មោះសម្ព័ន្ធភាពភាតរៈ។
ការរួបរួមគ្នានោះអាចឲ្យយុទ្ធជនពួកគេច្រើនរយនាក់ដែលមានបទពិសោធន៍ និងមានអាវុធគ្រប់គ្រាន់ វាយប្រហារព្រមៗគ្នា ដណ្ដើមបានទីតាំងគន្លឹះទាំងឡាយរបស់កងទ័ពនិងដណ្ដើមកាន់កាប់ទីក្រុងនិងភូមិជាច្រើន ព្រមទាំងផ្លូវសំខាន់ភ្ជាប់ទៅប្រទេសចិន នាំឲ្យកងទ័ពរបបយោធាវិលក្បុង។ នេះជាការវាយបកដ៏ធំពុំធ្លាបមាន់ពីមុនមកលើកងយោធា។
របបយោធាទទួលស្គាល់ថាខ្លួនបានបាត់បង់ទីតាំងឈរជើងមួយចំនួន តែចាត់ទុកជាការឃោសនា ការអះអាងរបស់ពួកឧទ្ទាមដែលថា ដណ្ដើមបានទីក្រុងទាំងឡាយនៅភាគខាងជើងរដ្ឋសាន។ ក្នុងរដ្ឋនោះភាគីទាំង២បានបង្កើតចំណុចត្រួតពិនិត្យនានា តាមបណ្ដាផ្លូវថ្នល់ដែលពួកគេត្រួតត្រា។ ម្យ៉ាងវិញទៀតរបបយោធាបានដាក់ច្បាប់អាជ្ញាសឹក ក្នុងទីក្រុងជាច្រើនដែលកាន់តែធ្វើស្ទះថែមទៀតដល់ការងាររបស់ពួកអ្នកជួយសង្គ្រោះ ដល់ពួកអ្នករត់ភៀសខ្លួនច្រើនពាន់នាក់ចេញពីតំបន់មានការប្រយុទ្ធគ្នា៕
ចែករំលែកព័តមាននេះ