ខេត្តកណ្តាល ៖ ប្រជាពលរដ្ឋរស់នៅភូមិចុងកោះ ស្ថិតក្នុងសង្កាត់-ក្រុងតាខ្មៅ បានខ្សឹបប្រាប់កោះសន្តិភាពឱ្យដឹងថា ពួកគាត់មិនបានស្គាល់ម្ចាស់សំណង់ដ៏ធំមហិមានេះទេ តែពួកគាត់បានត្រឹមតែដឹងថា សំណង់នេះសង់រំលោ.ភយកដីទន្លេបាសាក់រាប់សិបម៉ែត្រយ៉ាងរំភើយអត់មានអ្នកណាហ៊ានក្អកដាក់ទេ។
![](https://kohsantepheapdaily.com.kh/wp-content/uploads/2023/11/66f041e16a60928b05a7e228a89c3799-17.jpg)
ក្រុមប្រជាពលរដ្ឋ បានប្រាប់ឱ្យដឹងបន្តទៀតថា សំណង់រឹងមាំខាងលើនេះ គឺសាងសង់រាប់ខែមកហើយ គេពុំដែលឃើញមានក្រុមអាជ្ញាធរពាក់ព័ន្ធណាចុះមកត្រួតពិនិត្យនោះទេ ហើយសម្រាប់ពួកគាត់ជារាស្ត្រតូចតាចវិញ ហ៊ានតែសង់អីប្លែកបន្តិច គឺមានក្រុមមន្ត្រីពាក់ព័ន្ធចុះមកត្រួតពិនិត្យ និងសូត្រច្បាប់អោយស្ដាប់យ៉ាងស្ទាត់ជំនាញ ព្រមទាំងដេញឱ្យរុះរើយ៉ាងតក់ក្រហល់។
![](https://kohsantepheapdaily.com.kh/wp-content/uploads/2023/11/093f65e080a295f8076b1c5722a46aa2-16.jpg)
ពាក់ព័ន្ធករណីខាងលើនេះ កាសែតកោះសន្តិភាពមិនទាន់បានស្គាល់អត្តសញ្ញាណម្ចាស់សំណង់នេះនៅឡើយទេ ខណៈក្រុមអាជ្ញាធរព្យាយាមលាក់បាំង។
ពាក់ព័ន្ធករណីនេះ ចៅសង្កាត់កោះអន្លង់ចិន បានប្រាប់អោយដឹងថា «គេសុំច្បាប់ពីគាត់ លោកក៏អោយច្បាប់គេទៅ តែលោកមិនស្គាល់ឈ្មោះម្ចាស់សំណង់នោះទេ…» គឺចប់ប៉ាដោយ… ហេ! ហេ!
![](https://kohsantepheapdaily.com.kh/wp-content/uploads/2023/11/03afdbd66e7929b125f8597834fa83a4-15.jpg)
ចំណែកលោក ឃឹម សំភារ ចៅហ្វាយក្រុងតាខ្មៅ ក៏បានប្រាប់អោយដឹងដែរថា «ពាក់ព័ន្ធសំណង់ធំៗអ៊ីចឹង ម្ចាស់សំណង់គេមិនដែលរត់មកសុំច្បាប់ពីគាត់ទេ គឺគេរត់ទៅសុំខាងខេត្ត» គឺនិយាយកំបុ.តខ្លីមានន័យអស់ទាស់។
កាសែតកោះសន្តិភាព និងព្យាយាមទំនាក់ទំនងសុំការបំភ្លឺពីអ្នកពាក់ព័ន្ធបន្តនៅពេលក្រោយទៀត ព្រោះចង់ដឹងថា តើលោកម្ចាស់ណាអីក៏មានអំណាចម្ល៉េះ សង់លយចូលទន្លេ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព ។
![](https://kohsantepheapdaily.com.kh/wp-content/uploads/2023/11/072b030ba126b2f4b2374f342be9ed44-15.jpg)
![](https://kohsantepheapdaily.com.kh/wp-content/uploads/2023/11/7f39f8317fbdb1988ef4c628eba02591-16.jpg)
ចែករំលែកព័តមាននេះ