សម្តេចធិបតី ៖ រាជរដ្ឋាភិបាល តែងតែគិតពីតុល្យភាពរវាងអ្នកផលិត និងអ្នកប្រើប្រាស់
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា រាជរដ្ឋាភិបាល តែងតែគិតពីតុល្យភាពរវាងអ្នកប្រើប្រាស់ និងអ្នកផលិត…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា រាជរដ្ឋាភិបាល តែងតែគិតពីតុល្យភាពរវាងអ្នកប្រើប្រាស់ និងអ្នកផលិត…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា រាជរដ្ឋាភិបាល តែងតែគិតពីតុល្យភាពរវាងអ្នកប្រើប្រាស់ និងអ្នកផលិត ចំពោះការផលិតកម្មកសិកម្ម នៅក្នុងប្រទេស ។
សម្តេចធិបតី បានលើកឡើងនៅក្នុងកម្មវិធីគោលនយោបាយ អាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា នាព្រឹកថ្ងៃទី២០ ខែវិច្ឆិកា ឆ្នាំ២០២៣ នៅទីស្តីការក្រសួងកសិកម្មថា នៅពេលតម្លៃស្រូវមានតម្លៃ ហើយផ្គួបផ្សំ នៃតម្លៃវត្ថុធាតុ ដើមធ្លាក់ចុះដូចជា ជី ថ្នាំកសិកម្ម មួយចំនួននោះ អ៊ីចឹង គឺធ្វើឲ្យកសិកររកចំណូលបាន ។
សម្តេចបានគូសបញ្ជាក់ថា ៖ «អ៊ីចឹង រាជរដ្ឋាភិបាលតែងតែគិតពីតុល្យភាពរវាងអ្នកប្រើប្រាស់ និងអ្នកផលិត។ បើអ្នកផលិតតម្លៃខ្ពស់ល្អហើយ ប៉ុន្តែនៅពេលលក់អ្នកប្រើប្រាស់ ថាថ្លៃក៏មិនកើត អ៊ីចឹងត្រូវគិតពីអតិផរណា ចឹងយើងត្រូវគិតពីគម្លាតថា ផលទី១ ចូលទៅកសិករឲ្យបានច្រើន។ និងទី២ រក្សាលំនឹងតម្លៃនៅក្នុងទីផ្សារ សម្រាប់ផលិតផល» ។
សម្តេចធិបតី បានបន្តថា វាមិនសំខាន់លើកតម្លៃលក់នោះទេ ប៉ុន្តែវាសំខាន់ថា តើកសិករនៅលក់គ្រប់ ឬទេ ។
សម្តេចធិបតី បានបន្តទៀតថា រាជរដ្ឋាភិបាល តែងតែយកចិត្តទុកដាក់ ក្នុងការដាក់ចេញ នូវគោលនយោបាយអនុគ្រោះ គឺធ្វើយ៉ាងណាកាត់បន្ថយតម្លៃ ដើម្បីមានការប្រកួតប្រជែងហើយ រក្សាតម្លៃ ។
សម្តេចបញ្ជាក់ថា ៖ «បើសិនតម្លៃលក់ កាន់តែច្រើន ចំណូលកាន់តែច្រើន ហើយតម្លៃទាបក្នុងការផលិតរួមនឹងការខិតខំក្នុងការកាត់បន្ថយ តម្លៃដឹកជញ្ជូនរបស់យើង ខ្ញុំគិតថា អាចធ្វើឲ្យតម្លៃកសិផលរបស់យើង កាន់តែប្រកួតប្រជែង នឹងផលទទួលបានលើកសិករ» ។
ជាមួយគ្នានោះដែរ ទាក់ទងនឹងតម្លៃកសិកម្មនេះដែរ សម្តេចធិបតី បានលើកឡើងថា រាជរដ្ឋាភិបាលតែងតែគិតដល់ប្រជាកសិករ គឺធ្វើយ៉ាងណាឲ្យប្រជាកសិក ទទួលបានផលទាំងអស់។ ក្នុងនោះ គោលដៅអាទិភាព គឺធ្វើយ៉ាងណា ចែកផលលាបទៅដល់ប្រជាពលរដ្ឋ ក្នុងវិស័យកសិកម្ម គឺដល់ប្រជាកសិករ តែម្តង ។
សម្តេចធិបតី ក៏បានបន្ថែមថា ប្រជាកសិករសុទ្ធ តែចង់បានតម្លៃអង្កខ្ពស់(ថ្លៃ) ចំណែកអ្នកហូបវិញ ថាកុំឲ្យថ្លៃពេក អ៊ីចឹងតុល្យភាពនេះបានខិតខំណាស់ក្នុងការធ្វើឲ្យមានការធានាឲ្យមានតុល្យភាពគ្នា ។
សម្តេចធិបតី បន្ថែមទៀតថា ចំពោះអតិផរណា នៃតម្លៃទំនិញ គឺជារឿងសំខាន់ណាស់ ដោយតម្លៃបានឲ្យរដ្ឋមន្ត្រីក្រសួងពាណិជ្ជកម្ម ត្រូវតែធ្វើការរាយការណ៍ ទៅសម្តេចជារៀងរាល់ថ្ងៃ ថាឡើយ ឬចុះយ៉ាងដូចម្តេច ?
សម្តេចនាយករដ្ឋមន្ត្រី ក៏បានលើកឡើង បើសិនប្រាក់ខែកម្មករ មន្ត្រីរាជការឡើង តែបើទំនិញឡើងថ្លៃទៀត គឺដដែល ដូច្នេះសុខចិត្តកុំឡើងល្អជាង ដោយទុកឲ្យនៅដដែល ៕
ចែករំលែកព័តមាននេះ