ADផ្ទាំងផ្សព្វផ្សាយពាណិជ្ជកម្ម

Picture

បុរស​ម្នាក់​ជិះ​ម៉ូតូ​ដួល​របួសធ្ងន់ លុះ​សមត្ថកិច្ច​សួរនាំ​បែរជា​ប្រាប់​ថា «មាន​គេ​វា​.​យ​»

7 ខែ មុន
  • ភ្នំពេញ

បុរស​ម្នាក់​សង្ស័យ​ថា ស្រវឹងស្រា​ជិះ​ម៉ូតូ​ដួល​ខ្លួនឯង បណ្ដាល​ឱ្យ​រង​របួសធ្ងន់ ប៉ុន្តែ​ខណៈ​ពេល​សមត្ថកិច្ច​ចុះ​ទៅ​សួរនាំ បែរជា​បុរស​រូប​នេះ​ប្រាប់​ថា ត្រូវ​គេ​វា​.​យ​ទៅ​វិញ បង្ក​អោយ​មានការ​ភ្ញាក់ផ្អើល​កាលពី

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា បុរស​ម្នាក់​សង្ស័យ​ថា ស្រវឹងស្រា​ជិះ​ម៉ូតូ​ដួល​ខ្លួនឯង បណ្ដាល​ឱ្យ​រង​របួសធ្ងន់ ប៉ុន្តែ​ខណៈ​ពេល​សមត្ថកិច្ច​ចុះ​ទៅ​សួរនាំ បែរជា​បុរស​រូប​នេះ​ប្រាប់​ថា ត្រូវ​គេ​វា​.​យ​ទៅ​វិញ បង្ក​អោយ​មានការ​ភ្ញាក់ផ្អើល​កាលពី​វេលា​ម៉ោង​៨​និង​២០​នាទី​យប់ ថ្ងៃ​ទី​១៩ ខែ​វិច្ឆិកា ឆ្នាំ​២០២៣ នៅ​តាម​បណ្ដោយ​ផ្លូវ​វេ​ង​ស្រេង ស្ថិត​ក្នុងភូមិ​ត្រពាំង​ថ្លឹង សង្កាត់​ចោម​ចៅ​ទី​១ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

សេចក្តីរាយការណ៍​បន្ត​ថា ជន​រង​គ្រោះ​ខាងលើ​មានឈ្មោះ យ៉​ន ស៊ិ​ន​ហៃ ភេទ​ប្រុស អាយុ​២២​ឆ្នាំ មុខ​របរ​កម្មករ​សំណង់ ស្នាក់​នៅ​ភូមិ​អូរ​ដឹ​ម ស្ថិត​ក្នុង​សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ នឹង​មានស្រុក​កំណើត​ភូមិ​ពងទឹក ឃុំ​ក្រាំង​ត្រ​យ៉ង ស្រុក​ពាម​ជរ ខេត្តព្រៃវែង ។

តាម​ប្រភព​ព័ត៌មាន​ពី​កន្លែង​កើតហេតុ បាន​និយាយ​ប្រាប់​ឱ្យ​ដឹង​ថា នៅ​មុន​ពេល​កើតហេតុ គេ​ឃើញ​ជន​រង​គ្រោះ​ជិះ​ម៉ូតូ​ម៉ាក​ហុងដា​ឌ្រី​ម ស៊េរី​២០១៦ ពណ៌​ខ្មៅ ពាក់​ស្លាក​លេខ ភ្នំពេញ​2FP-9727 បើកបរ​តាម​បណ្ដោយ​ផ្លូវ​វេ​ង​ស្រេង ទិស​ដៅ​ពី​លិចទៅ​កើត ក្នុង​ស្ថានភាព​ស្រវឹង​។ លុះ​បើក​មក​ដល់​ចំណុច​កើតហេតុ ក៏​បាន​រ៉េ​ចង្កូត​ទៅ​ផ្នែក​ខាងស្តាំ​ចិញ្ចើម​ផ្លូវ ហើយ​ដួល​ម៉ូតូ​បោ​.​ក​ទៅ​នឹង​ឃឿ​ន​ចិញ្ចើម​ផ្លូវ​តែ​ម្ដង បណ្តាល​ឲ្យ​រង​របួស​យ៉ាងធ្ងន់ធ្ងរ និង​ក្អួត​ប្រឡាក់​សម្លៀក​បំពាក់​ផង​ដែរ​។

ប្រភព​ដដែល​បន្ត​ថា ខណៈ​ពេល​ជន​រង​គ្រោះ​ដួល​ម៉ូតូ​នៅ​កណ្តាលផ្លូវ​នោះ គឺ​ម៉ូតូ​ជន​រង​គ្រោះ​ត្រូវ​បាន​បងប្អូន​ប្រជាពលរដ្ឋ​លើកដាក់​អែប​ខាង ដើម្បី​ការពារ​ខ្លាច​រថយន្ត​បុ​.​ក​បន្ថែម​។ ហើយ​ពេល​ភ្លាម​ៗ​នោះ​ដែរ ក៏​មាន​កម្លាំង​សមត្ថកិច្ច​នគរបាល​ប៉ុស្តិ៍ បាន​ចុះ​មក​ដល់​ចំណុច​កើតហេតុ បន្ទាប់​មក​សមត្ថកិច្ច​ក៏​បាន​សួរនាំ​ជន​រង​គ្រោះ ដោយ​ជន​រង​គ្រោះ​និយាយ​ប្រាប់​ថា «​គាត់ ខណៈ​ពេល​ជិះ​ម៉ូតូ​នោះ​ត្រូវ​គេ​វា​.​យ​»​។ លុះ​ពេល​សមត្ថកិច្ច​សួរ​បញ្ជាក់​បន្ថែម​ទៀត ជន​រង​គ្រោះ​ក៏​និយាយ​ប្រាប់​ថា «​គាត់​អត់​ច្បាស់​ដែរ​» រួច​ក៏​សន្លប់​ស្តូ​.​ក​ស្តឹ​.​ង​តែ​ម្តង​។

បន្ទាប់​ពី​សមត្ថកិច្ច​នគរបាល​មក​ដល់​ឃើញ​ជន​រង​គ្រោះ​រង​របួសធ្ងន់​ផង​នោះ កម្លាំង​នគរបាល​ប៉ុស្តិ៍​ក៏​បាន​ទាក់ទង​ទៅ​រថយន្ត​សង្គ្រោះ ដើម្បី​យក​ជន​រង​គ្រោះ​ទៅ​ព្យាបាល ស្រាប់តែ​ឃើញ​រថយន្ដ​សង្គ្រោះ​របស់​អង្គភាព​៧១១ កងពលតូច​លេខ​៧០ បាន​ជួយ​សង្គ្រោះ​បឋម និង​ដឹក​ជន​រង​គ្រោះ​យក​ទៅ​សង្គ្រោះ​នៅ​មន្ទីរពេទ្យ​ព្រះ​កុស​មៈ​ទៅ​។ ចំណែក​ម៉ូតូ​ជន​រង​គ្រោះ​វិញ ត្រូវ​បាន​នគរបាល​ប៉ុស្តិ៍​ទាក់ទង​ទៅ​ផ្នែក​ជំនាញ ហើយ​យក​ម៉ូតូ​ជន​រង​គ្រោះ​ទៅ​រក្សា​ទុក​នៅ​ប៉ុស្តិ៍​នគរបាល​រដ្ឋបាល​ចោម​ចៅ​ទី​១ ដើម្បី​ប្រគល់​អោយ​ក្រុម​គ្រួសារ​ជន​រង​គ្រោះ​វិញ​៕

អត្ថបទសរសេរ ដោយ

កែសម្រួលដោយ