ADផ្ទាំងផ្សព្វផ្សាយពាណិជ្ជកម្ម

Picture

វិធីសាស្ត្រ​មួយ​ចំនួន​ជួយ​ឱ្យ​កុមារ​ឡើង​កម្ពស់​ខ្ពស់ !

8 ខែ មុន
  • ភ្នំពេញ

រាជធានី​ភ្នំពេញ ៖ កម្ពស់​របស់​កូន​ជាប់​ទាក់ទង​ទៅ​នឹង​សមាសភាព​ហ្សែ​ន​របស់​ឪពុក​ម្តាយ ។ ក្រៅពី​នេះ អ្វី​នៅ​សល់​ដែល​កំណត់​កម្ពស់ និង​ការ​លូតលាស់​របស់​ក្មេង​ៗ គឺ​អាស្រ័យ​លើ​កត្តាបរិស្ថាន​ខាងក្រៅ ដែល​នេះ​គឺ​រួម​បញ្ចូល​ទាំង​អាហារ​ដែល​ពួក​គេ​ញ៉ាំ និង​សកម្មភាព​រាង​កាយ​ដែល​ពួក​គេ​ធ្វើ​រាល់ថ្ងៃ…

រាជធានី​ភ្នំពេញ ៖ កម្ពស់​របស់​កូន​ជាប់​ទាក់ទង​ទៅ​នឹង​សមាសភាព​ហ្សែ​ន​របស់​ឪពុក​ម្តាយ ។ ក្រៅពី​នេះ អ្វី​នៅ​សល់​ដែល​កំណត់​កម្ពស់ និង​ការ​លូតលាស់​របស់​ក្មេង​ៗ គឺ​អាស្រ័យ​លើ​កត្តាបរិស្ថាន​ខាងក្រៅ ដែល​នេះ​គឺ​រួម​បញ្ចូល​ទាំង​អាហារ​ដែល​ពួក​គេ​ញ៉ាំ និង​សកម្មភាព​រាង​កាយ​ដែល​ពួក​គេ​ធ្វើ​រាល់ថ្ងៃ ។ នេះ​ក៏​ជា​មូលហេតុ​ចំបង​ដែល​ធ្វើ​ឱ្យ​កីឡាករ​កីឡាការិនី​ជា​ច្រើន​នាក់​មាន​រូបរាង​កាយ​ខ្ពស់ បើ​ប្រៀបធៀប​ទៅ​នឹង​មនុស្ស​ពេញវ័យ​ជា​មធ្យម ។ ដូច្នេះ​ហើយ មនុស្ស​ជា​ច្រើន​ជឿ​ថា អាហារ និង​លំ​ហាត់ប្រាណ​មួយ​ចំនួន​អាច​ធ្វើ​ឱ្យ​កុមារ​មាន​ភាព​ខុស​ប្លែក​គ្នា ជា​ពិសេស​ទាក់ទង​ទៅ​នឹង​កម្ពស់ និង​សុខភាព​ទូទៅ ។

១. របប​អាហារ​មាន​សុខភាព​ល្អ ៖ ការ​ទទួលទាន​របប​អាហារ​ល្អ គឺ​មាន​សារៈសំខាន់​សម្រាប់​ការ​លូតលាស់​ល្អ ។ ត្រូវ​ប្រាកដ​ថា កូន​របស់​អ្នក​ទទួល​បាន​សារធាតុចិញ្ចឹម​សំខាន់​ៗ​ជា​ច្រើន​ដូច​ជា ៖ កាល់ស្យូម វីតាមីន B12 និង​វីតាមីន D តាម​រយៈ​របប​អាហារ​របស់​អ្នក ។ ប្រូតេអ៊ីន​ក៏​ជា​សារធាតុ​រ៉ែ​សម្រាប់​ការ​លូតលាស់​មួយទៀត​ដែល​ត្រូវការ​ក្នុងអំឡុងពេល​ចេញ​ផ្កា ។

២. លំ​ហាត់ប្រាណ និង​ការ​លេង​កីឡា ៖ ក្មេង​ជំទង់​ក៏​គួរតែ​ផ្តោត​លើ​ការ​ធ្វើ​សកម្មភាព​រាង​កាយ​ឱ្យ​បាន​ច្រើន ។ កីឡា ការ​ហាត់ប្រាណ ឬ​សកម្មភាព aerobic សាមញ្ញ ដោយ​ការ​ធ្វើ ៤៥ នាទី​ក្នុង​មួយ​ថ្ងៃ​នឹង​ធ្វើ​ឱ្យ​ក្មេង​ៗ​មាន​សុខភាព​ល្អ ឡើង​កម្ពស់ និង​ផ្តល់​អត្ថប្រយោជន៍​បន្ថែម​ដល់​សុខភាព​ផង​ដែរ ។

៣. ការ​គេង​ឱ្យ​បាន​គ្រប់គ្រាន់ ៖ អ្នក​ស្រាវជ្រាវ​បាន​បង្ហាញ​ថា ក្នុងអំឡុងពេល​គេង យើង​ឃើញ​មុខងារ​ជា​ច្រើន​ដែល​ជួយ​ដល់​ការ​លូតលាស់​កើតឡើង ។ ក្មេង​ដែល​មាន​បញ្ហា​គេង​មិន​ដកដង្ហើម គេង​មិន​គ្រប់​អាច​មានការ​លូតលាស់​ក្រិន ឬ​កម្រិត​អ័រម៉ូន​ខ្សោយ​ដែល​ត្រូវការ​សម្រាប់​ការ​អភិវឌ្ឍ​រាង​កាយ​ត្រឹមត្រូវ ។

ទោះ​យ៉ាងណា​ក៏​ដោយ វា​អាច​មាន​វិធី​ដោះស្រាយ​មួយ​ចំនួន​ដើម្បី​ជួយ​ឱ្យ​កូន​អ្នក​ឡើង​កម្ពស់​ខ្ពស់ ៖
ក​. ថែរក្សា​ឥរិយាបថ ៖ កុំឱ្យ​កូន​ចំណាយពេល​អង្គុយ​ច្រើន​ម៉ោង​ពេក ។ ណែនាំ​ឱ្យ​កូន​អង្គុយ​ឱ្យ​ត្រង់ ពីព្រោះ​ឥរិយាបថ​មិនល្អ​ធ្វើ​ឱ្យ​ពួក​គេ​មើលទៅ​ខ្លី ហើយ​សំខាន់​បំផុត គឺ​ប៉ះពាល់​ដល់​ខ្សែកោង​ធម្មជាតិ និង​សុខភាព​ឆ្អឹងខ្នង​របស់​អ្នក ។ ដោយ​ការ​កែ​លម្អ​ឥរិយាបថ​របស់​ក្មេង​ៗ ការ​ធ្វើ​លំ​ហាត់​លាតសន្ធឹង លំ​ហាត់ប្រាណ​ឆ្អឹងខ្នង ពួក​គេ​អាច​ពង្រីក​ឆ្អឹងខ្នង ហើយ​មើលទៅ​ខ្ពស់​ជាង​មុន​បន្តិច ។

ខ​. ការ​ធ្វើ​យូ​ហ្គា​អាច​ជួយ​បាន ៖ យូ​ហ្គា​ផ្តល់​អត្ថប្រយោជន៍​ជា​ច្រើន​សម្រាប់​ចិត្ត និង​រាង​កាយ ។ វា​ប្រហែលជា​មិន​ធ្វើ​ឱ្យ​ក្មេង​ខ្ពស់​នោះ​ទេ ប៉ុន្តែ​ការ​អនុវត្ត​ជា​ទៀងទាត់​អាច​បង្កើត​កម្លាំង​សាច់ដុំ​ដែល​គាំទ្រ​ឥរិយាបថ​ដ៏​ល្អ ។ លំ​ហាត់​ដកដង្ហើម​ក៏​ជួយ​តាម​របៀប​ស្រ​ដៀង​គ្នា​ដែរ ។

គ​. ផ្តោត​លើ​ការ​លូតលាស់​សាច់ដុំ ៖ ការ​កសាង​សាច់ដុំ​ដ៏​រឹង​មាំ គឺជា​ស្នូល​ដើម្បី​ទទួល​បាន​កម្ពស់​ដែល​ពួក​គេ​ចង់បាន​នៅ​ក្នុង​ឆ្នាំ​លូតលាស់ ។ ក្នុងអំឡុងពេល​ពេញវ័យ​ផង​ដែរ វា​ជា​រឿង​សំខាន់​ដែល​ក្មេង​ៗ​ត្រូវ​ផ្តោត​លើ​ការ​ទទួល​បាន​ម៉ាស​សាច់ដុំ និង​ធ្វើ​ឱ្យ​សាច់ដុំ​មាន​ភាព​រហ័សរហួន ដែល​ជួយ​ឱ្យ​អ្នក​ទ្រទ្រង់​រាង​កាយ​បាន​ប្រសើរ​ជាង​មុន ។

ឃ​. ធ្វើ​ឱ្យ​សម្លៀក​បំពាក់​មើលទៅ​ប្រសើរ​ជាង​មុន ៖ វា​ប្រហែលជា​មិនមែន​ជា​វេជ្ជសាស្ត្រ ឬ​វិទ្យាសាស្ត្រ​ដែល​អាច​ផ្លាស់​ប្តូរ​កម្ពស់​របស់​អ្នក​បាន​ទេ ប៉ុន្តែ​ពួក​គេ​អាច​ប្រើ​សម្លៀក​បំពាក់ ដើម្បី​មើលទៅ​ខ្ពស់​បន្តិច ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សាលារៀន​ផ្តល់​ជូន​នូវ​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស កម្មវិធី​ភាសា​ចិន និង​កម្មវិធី​ចំណេះ​ទូទៅ​ខ្មែរ ពី​ថ្នាក់​ទី ១ ដល់ទី ១២ វគ្គ​សិក្សា​ថ្មី ចូល​រៀន​ថ្ងៃ​ទី ៣០ ខែតុលា ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​អាហារូបករណ៍​ពិសេស​រហូត​ដល់ ៤០% លើ​តម្លៃ​សិក្សា សម្រាប់​កា​ចុះ​ឈ្មោះ​ជា​ក្រុម លក្ខណៈ​គ្រួសារ ឬ​ពីរ​កម្មវិធី ព្រមទាំង​ផ្តល់​ជូន​ការ​ធានា​រ៉ាប់រង​គ្រោះថ្នាក់ និង​ការពារ​ការ​សិក្សា​បុត្រ​ធីតា​រហូត​ដល់ ៥ ឆ្នាំ ។ ការ​ផ្តល់​ជូន​ខាងលើ​នេះ​មាន

សុពលភាព​សម្រាប់​ការ​ចុះ​ឈ្មោះ​ចូល​រៀន​ត្រឹម​ថ្ងៃ​ទី ៤ ខែវិច្ឆិកា ឆ្នាំ ២០២៣ ។ សាលារៀន​ផ្តល់​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕