ការសិក្សា ៖ ការងារជិត៤លាននៅកូរ៉េខាងត្បូង រងការគំរា.មកំហែងដោយបច្ចេកវិទ្យា AI
កូរ៉េខាងត្បូង ៖ ការសិក្សារបស់ធនាគារកណ្តាលកូរ៉េខាងត្បូង ចេញផ្សាយកាលពីថ្ងៃទី១៦ ខែវិច្ឆិកា
កូរ៉េខាងត្បូង ៖ ការសិក្សារបស់ធនាគារកណ្តាលកូរ៉េខាងត្បូង ចេញផ្សាយកាលពីថ្ងៃទី១៦ ខែវិច្ឆិកា កន្លងទៅ បានឱ្យដឹងថា ការងារជិត៤លានក្នុងប្រទេសកូរ៉េខាងត្បូងមានហានិភ័យក្នុងការជំនួសដោយបច្ចេកវិទ្យាបញ្ញាសិប្បនិម្មិត ឬ AI នៅក្នុងរយៈពេល២ទសវត្សខាងមុខ។
ការជឿនលឿននៃបច្ចេកវិទ្យា AI យ៉ាងឆាប់រហ័ស បានបង្កការព្រួយបារម្ភជាសកលលើអ្វីៗទាំងអស់ ចាប់ពីការបាត់បង់ការងារ និងការវាយប្រហារតាមប្រព័ន្ធអ៊ីនធឺណិត រហូតដល់មនុស្សបាត់បង់ការគ្រប់គ្រងលើប្រព័ន្ធដែលពួកគេបានបង្កើតឡើងថែមទៀតផង។
ការសិក្សាថ្មីរបស់ធនាគារកណ្តាលកូរ៉េបានបង្ហាញថា ការងារប្រហែល៣.៩លាននៅប្រទេសកូរ៉េខាងត្បូងមានហានិភ័យ នៅពេលដែលការអនុម័ត AI កើនឡើង ហើយជាមួយនឹងវេជ្ជបណ្ឌិត មេធាវី គណនេយ្យករ និងគីមីវិទ្យាក្នុងចំណោមវិជ្ជាជីវៈជាច្រើនផ្សេងទៀត ដែលរងការគំរាមកំហែងខ្លាំងបំផុត។
ការសិក្សាអះអាងថា បុគ្គលិកដែលមានប្រាក់ចំណូលខ្ពស់ ជាមួយនឹងប្រវត្តិសិក្សាខ្ពស់ប្រឈមមុខនឹងការប៉ះពាល់កាន់តែខ្លាំងទៅនឹងប្រព័ន្ធ AI ។ ការងារអាវសទាំងនេះ ត្រូវបានគំរាមកំហែងបំផុតដោយសារតែ AI អាចអនុវត្តបានយ៉ាងងាយស្រួលនូវកិច្ចការវិភាគ និងការយល់ដឹង។ សម្រាប់អ្នកដែលទំនងជាបាត់បង់ការងារតិចតួចបំផុតដោយសារតែបច្ចេកវិទ្យាជឿនលឿន AI គឺអ្នកស្ថិតនៅក្នុងវិស័យសាសនា សេវាម្ហូបអាហារ និងការបង្រៀន។
របាយការណ៍របស់ធនាគារកណ្តាលកូរ៉េ ក៏បានកត់សម្គាល់ផងដែរថា ខណៈពេលដែលបច្ចេកវិទ្យា AI គឺជាការគំរាមកំហែងដល់ការងារដែលមានស្រាប់ ប៉ុន្តែវាក៏បង្កើតឱកាសការងារថ្មីៗផងដែរ រួមទាំងសម្រាប់វិស្វករដែលបង្កើត និងថែទាំប្រព័ន្ធ AI ក៏ដូចជាក្នុងការចាប់ផ្តើមអាជីវកម្មដែលទាក់ទងខ្លាំងជាមួយបច្ចេកវិទ្យា AI ផងដែរ៕ (ប្រភពពី AFP)
ចែករំលែកព័តមាននេះ