ឃាត់ទុក សាច់បង្កកជិត ៥តោន នៅខណ្ឌមានជ័យ ក្រោយរកឃើញគ្មានឯកសារនាំចូលត្រឹមត្រូវ
រាជធានីភ្នំពេញ ៖ ក្រោមការចង្អុលបង្ហាញរបស់លោក ផាន អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប. ថ្ងៃទី១៦…
រាជធានីភ្នំពេញ ៖ ក្រោមការចង្អុលបង្ហាញរបស់លោក ផាន អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប. ថ្ងៃទី១៦ ខែវិច្ឆិកា ឆ្នាំ២០២៣នេះ លោក ប៊ុន ចំរើន អគ្គនាយរង នៃអគ្គនាយកដ្ឋាន ក.ប.ប. បានដឹកនាំកម្លាំងជំនាញ នៃអគ្គនាយកដ្ឋាន ក.ប.ប. សហការជាមួយតំណាងសមាគមអ្នកចិញ្ចឹមសត្វកម្ពុជា និងអាជ្ញាធរដែនដី បានចុះឆែកឆេរទីតាំងឃ្លាំងស្ដុកទុក និងចែកចាយផលិតផលសាច់បង្កក មួយកន្លែងនៅខណ្ឌមានជ័យ មន្ត្រីជំនាញរកឃើញថា ពុំមានប្រភពច្បាស់លាស់ និងឯកសារត្រឹមត្រូវ លើសាច់បង្កកចំនួន ៤,៧១០គីឡូក្រាម ។
ផលិតផលសាច់បង្កក ជិត០៥តោននេះ ត្រូវបានមន្ត្រីជំនាញឃាត់ទុក នៅនឹងកន្លែង ដោយតម្រូវឲ្យម្ចាស់ចូលខ្លួនមកបំភ្លឺ នៅអគ្គនាយកដ្ឋាន ក.ប.ប. ជាមួយនឹងឯកសារបញ្ជាក់ ភាពត្រឹមត្រូវ ផងដែរ ។
អគ្គនាយកដ្ឋាន ក.ប.ប. សូមលើកទឹកចិត្តបងប្អូនប្រជាពលរដ្ឋខ្មែរទាំងអស់ ចូលរួមសហការផ្ដល់ដំណឹងមកអគ្គនាយកដ្ឋាន នៅពេលណា ដែលឃើញ និងដឹងថា មានករណីចរាចរលក់ទំនិញ ម្ហូបអាហារ ដែលពុំមានអនុលោមភាព និងមានហានិភ័យខ្ពស់ ទៅលើសុខភាពបងប្អូនប្រជាពលរដ្ឋ ៕
ចែករំលែកព័តមាននេះ