ខេត្តបាត់ដំបង ៖ ក្រុមក្មេងទំនើងចំនួន៣នាក់ស្រវឹងធ្លាក់ភ្នែកជិះម៉ូតូជ្រែពេញផ្លូវធ្វើឱ្យអ្នកស្រុក និងអ្នកដំណើរភ្ញាក់ផ្អើលយ៉ាងខ្លាំងតាមដងផ្លូវជាតិលេខ៥ ខាងជើងរង្វង់មូលរូបសំណាកលោកតាដំបងគ្រញូងក្នុងសង្កាត់រតនៈ ក្រុងបាត់ដំបង កាលពីវេលាម៉ោង៥ និង៣០នាទីល្ងាច ថ្ងៃទី១៩ ឧសភា ហើយត្រូវសមត្ថកិច្ចនៃស្នងការដ្ឋានខេត្តចាប់បាននាំ
ខេត្តបាត់ដំបង ៖ ក្រុមក្មេងទំនើងចំនួន៣នាក់ស្រវឹងធ្លាក់ភ្នែកជិះម៉ូតូជ្រែពេញផ្លូវធ្វើឱ្យអ្នកស្រុក និងអ្នកដំណើរភ្ញាក់ផ្អើលយ៉ាងខ្លាំងតាមដងផ្លូវជាតិលេខ៥ ខាងជើងរង្វង់មូលរូបសំណាកលោកតាដំបងគ្រញូងក្នុងសង្កាត់រតនៈ ក្រុងបាត់ដំបង កាលពីវេលាម៉ោង៥ និង៣០នាទីល្ងាច ថ្ងៃទី១៩ ឧសភា ហើយត្រូវសមត្ថកិច្ចនៃស្នងការដ្ឋានខេត្តចាប់បាននាំទៅអប់រំ។
លោកគឹម ពន្លក ដែលដឹកនាំកំលាំងនគរបាលទៅបង្ក្រាបករណីនេះនិយាយថា ក្រុមក្មេងប្រមឹក៣នាក់នេះធ្វើឱ្យមនុស្សជាច្រើនភ្ញាក់ផ្អើលពេលឃើញពួកគេជិះម៉ូតូជ្រែកាត់មុខម៉ូតូ រថយន្តគេលើដងផ្លូវ។ កំលាំងរបស់លោកបានជិះតាមពីក្រោយរហូត ហើយពួកក្មេងទំនើងនោះស្តោះទឹកមាត់បែបបញ្ឈឺដាក់ទៀតផងពេលពួកគេងាកមកឃើញលោកដេញតាមពីក្រោយយ៉ាងប្រកិត ។ លុះទៅដល់ក្បែរសាលាគរុកោសល្យអ៊ាបឃុតខាងលិចរូបសំណាកលោកតាដំបងគ្រញូងទើបចាប់ពួកគេបាន។ យុវជនទាំង៣នាក់នោះ ១-ឈ្មោះចង់ ជិនហ៊ាង អាយុ១៩ឆ្នាំ ២-ឈ្មោះភី សុផាត អាយុ១៦ឆ្នាំ និង៣-ឈ្មោះហៃ មករា ហៅតឿ អាយុ១៧ឆ្នាំ ពួកគេជិះម៉ូតូវីវ៉ាពណ៌ខ្មៅ ពាក់ស្លាកលេខបាត់ដំបង១G៨៨២០ សេ៊រីឆ្នាំ២០១១។
យុវជនទាំង៣នាក់និយាយថា ពួកគេបានផឹកស៊ីនៅហាងមួយម្តុំខាងក្រោយស្នងការដ្ឋានខេត្តអស់ស្រាបៀរចំនួន៨ថូ មុនពេលជិះម៉ូតូជ្រែលេងតាមផ្លូវជាតិលេខ៥។ ពួកគេស្រវឹង ហើយហាក់ដូចជាមិនបានដឹងថាជិះម៉ូតូជ្រែទេ។ ការជិះម៉ូតូបង្ហោះ ជិះហ៊ោកញ្ជ្រៀវតាមដងផ្លូវ ឬជិះម៉ូតូជ្រែធ្វើឱ្យភ្ញាក់ផ្អើលដល់អ្នកដំណើរត្រូវបានហាមឃាត់ ហើយចាត់ទុកថា ល្មើសច្បាប់។ ស្នងការដ្ឋានខេត្តបាត់ដំបងប្រឹងប្រែងទប់ស្កាត់ និងបង្ក្រាបក្រុមក្មេងទំនើង ប៉ុន្តែក្រុមយុវជនប្រភេទនេះហាក់ដូចជាមិនថមថយទេ។
មន្ត្រីខ្លះនិយាយថា បញ្ហានេះបណ្តាលមកពីការដាក់ទោសទណ្ឌ ឬការពិន័យនៅមានកំរិត ទាប ជាពិសេសវប្បធម៌នៃការអន្តរាគមន៍ ព្រោះកន្លងមកក្រោយពេលសមត្ថកិច្ចបង្ក្រាបបានពួកក្មេងទំនើងម្តងៗគេតែងឃើញមានអ្នកអន្តរាគមន៍មិនឈប់ឈររហូតការអន្តរាគមន៍នេះធ្វើឱ្យសមត្ថកិច្ចអាក់អន់ចិត្តទៀតផង ព្រោះពេលខ្លះពួកគេអ្នកធ្វើការបែរជាមានកំហុសទៅវិញ ៕
ចែករំលែកព័តមាននេះ