ខេត្តបាត់ដំបង ៖ កម្លាំងសមត្ថកិច្ចចម្រុះនៃរដ្ឋបាលស្រុកមោងប្ញស្សី ដែលដឹកនាំដោយមន្ត្រីជលផលបានចុះបង្ក្រាបបទល្មើសនេសាទមួយកន្លែងនៅតំបន់ទន្លេសាប កាលពីថ្ងៃទី១៥ វិច្ឆិកា ត្រង់ចំណុចអារណ្ដៅ ស្ថិតក្នុងភូមិសាស្ត្រ ភូមិដូនទ្រី ឃុំជ្រៃ…
ខេត្តបាត់ដំបង ៖ កម្លាំងសមត្ថកិច្ចចម្រុះនៃរដ្ឋបាលស្រុកមោងប្ញស្សី ដែលដឹកនាំដោយមន្ត្រីជលផលបានចុះបង្ក្រាបបទល្មើសនេសាទមួយកន្លែងនៅតំបន់ទន្លេសាប កាលពីថ្ងៃទី១៥ វិច្ឆិកា ត្រង់ចំណុចអារណ្ដៅ ស្ថិតក្នុងភូមិសាស្ត្រ ភូមិដូនទ្រី ឃុំជ្រៃ ស្រុកមោងប្ញស្សី ដោយបានកាប់បំផ្លាញសាច់មងជាង១០០០ម៉ែត្រ និងសម្ភារពាក់ព័ន្ធមួយចំនួនទៀត។
របាយការណ៍សមត្ថកិច្ចបានឲ្យដឹងថា កម្លាំងចម្រុះប្រមាណ១៤នាក់ ដឹកនាំដោយមន្ត្រីជលផល បានចុះស្រាវជ្រាវរកឃើញទីតាំងប្រព្រឹត្តបទល្មើសមួយកន្លែងនៅតំបន់ទន្លេសាប ហើយត្រូវបានកាប់បំផ្លាញចោល តែគេមិនស្គាល់អត្តសញ្ញាណម្ចាស់បទល្មើសទេ ។
បើតាមរបាយការណ៍ឧបករណ៍ល្មើលច្បាប់ដែលត្រូវបានកម្លាំងជំនាញកាប់បំផ្លាញចោលមាន សាច់មង (បណរ៉ាវ)ប្រវែង១៦០០ម៉ែត្រ បង្គោលឈើចំនួន៤៥០ដើម ឡុកចំនួន០៤ និង ព្រលែងកូនត្រីវិញជាង១០០គីឡូក្រាម។ ប៉ុន្តែម្ចាស់បទល្មើសនេះមិនត្រូវបានគេស្គាល់អត្តសញ្ញណទេ។
គេសង្កេតឃើញកម្លាំងសមត្ថកិច្ច និងមន្ត្រីជលផល តែងចុះបង្ក្រាបបទល្មើសនេសាទខុសច្បាប់នេះជាបន្តបន្ទាប់នៅតាមបណ្ដាស្រុក ដែលជាប់តំបន់ទន្លេសាប ។ រាល់កិច្ចប្រតិបត្តិការគ្រប់លើក សុទ្ធតែទទូលបានលទ្ធផលគួឲ្យកត់សម្គាល់ តែគេមិនដែលឃើញសមត្ថកិច្ចឃាត់ខ្លួនបានជនប្រព្រឹត្តណាម្នាក់បញ្ជូនទៅតុលាការឡើយ រឹបអូសបានតែវត្ថុតាង ឬកាប់បំផ្លាញចោលវត្ថុតាងនៅនឹងកន្លែង ។ ដូច្នេះហើយ ទើបជនល្មើសមានឱកាស ប្រព្រឹត្តបទល្មើសដដែលៗនេះ ពាសពេញតំបន់ទន្លេសាបគ្មានការថមថយឡើយ ។
ចែករំលែកព័តមាននេះ