កូរ៉េខាងជើងបដិសេធសេចក្ដីថ្លែងការណ៍របស់ G7
ប្រទេសកូរ៉េខាងជើង ៖ ប្រទេសកូរ៉េខាងជើងកាលពីថ្ងៃទី១៤វិច្ឆិកា បានបដិសេធ សេចក្ដីថ្លែងការណ៍
ប្រទេសកូរ៉េខាងជើង ៖ ប្រទេសកូរ៉េខាងជើងកាលពីថ្ងៃទី១៤វិច្ឆិកា បានបដិសេធ សេចក្ដីថ្លែងការណ៍រួមមួយរបស់រដ្ឋមន្ត្រីការបរទេសនៃក្រុមប្រទេសG7 ដែលថ្កោលទោសកម្មវិធីនុយក្លេអ៊ែររបស់ខ្លួន។
ក្នុងសេចក្ដីថ្លែងការណ៍មួយចេញផ្សាយកាលពីសប្ដាហ៍មុន រដ្ឋមន្ត្រីការបរទេស កាណាដា ជប៉ុន បារាំង អង់គ្លេស អីុតាលី អាល្លឺម៉ង់និងសហរដ្ឋអាមេរិកព្រមទាំង សហភាពអឺរ៉ុប បានលើកជាថ្មីការអំពាវនាវឲ្យរំសាយនុយក្លេអ៊ែរទាំងស្រុងនៅឧបទ្វីបកូុរ៉េ។ រដ្ឋមន្ត្រីការបរទេសទាំងនេះទាមទារឲ្យក្រុងព្យុងយ៉ាង បោះបង់ចោលអាវុធនុយក្លេអ៊ែរ ហើយថ្កោលទោសយ៉ាងមឺុងម៉ាត់ការផ្ទេរនាពេលថ្មីៗនេះ អាវុធកូរ៉េខាងជើងទៅកាន់រុស្ស៊ី ដោយស្នើដល់ប្រទេសទាំង២ ឲ្យបញ្ឈប់ជាបន្ទាន់រាល់សកម្មភាពទាំងនោះ។
លោកJO CHOL SU អ្នកទទួលខុសត្រូវជាន់ខ្ពស់ម្នាក់ នៃក្រសួងការបរទេសកូរ៉េខាងជើងលើកឡើងថា យើងបដិសេធនិងថ្កោលទោសម៉ឺងម៉ាត់សេចក្ដីថ្លែងការណ៍នោះរបស់G7 ។ លោកថាបណ្ដាប្រទេសG7ពិសេសអាមេរិកមានតុល្យការគួរឲ្យអៀនខ្មាស់មួយ ដោយបង្កការបំផ្លាញធ្ងន់ធ្ងរដល់សន្តិភាពនិងសន្តិសុខអន្តរជាតិ៕
ចែករំលែកព័តមាននេះ