ថៃនឹងដំឡើងប្រាក់បៀវត្ស៥% ក្នុងឆ្នាំ២០២៤
ប្រទេសថៃ ៖ ប្រាក់បៀវត្សនៅថៃត្រូវតម្លើង៥% នាឆ្នាំខាងមុខនេះ តែការតម្លើងនោះពិតណាស់នៅ
ប្រទេសថៃ ៖ ប្រាក់បៀវត្សនៅថៃត្រូវតម្លើង៥% នាឆ្នាំខាងមុខនេះ តែការតម្លើងនោះពិតណាស់នៅទាបបើប្រៀបធៀបទៅនឹងក្នុងបណ្ដាប្រទេសអាស៊ីដទៃៗទៀត។ ក្នុងឆាំ្ន២០២៣ប្រាក់បៀវត្សនៅថៃបង្កើន៤,៨%។
ការព្យាករណ៍នេះសម្រាប់ឆ្នាំខាងមុខគឹផ្អែកលើការសិក្សា រវាងខែមេសានិងខែមិថុនា ចំពោះសហគ្រាសថៃនិងបរទេសចំនួន៦១៧ ដែលកំពុងមានប្រតិបត្តិការក្នុងប្រទេស។ ការបង្កើនប្រាក់បៀវត្សនោះមកពីផែនការរបស់រដ្ឋាភិបាល ដើម្បីលើកស្ទួយសេដ្ឋកិច្ច និងនយោបាយរបស់ខ្លួន ដែលសំដៅពង្រឹងទំនុកចិត្តរបស់បណ្ដាសហគ្រាស ព្រមទាំងឲ្យមានការងើបឡើងវិញនៃទេសចរណ៍។ នេះបើតាមសម្ដីរបស់លោកឈូកឆៃបូនយ៉ាវ៉ាតប្រធានរបស់MERCER ថៃ ដែលជាក្រុមហ៊ុនប្រឹក្សាខាងធនធានមនុស្សមានមូលដ្ឋាននៅអាមេរិក ដែលជាអ្នកធ្វើការព្យាករណ៍នេះ។
ការសិក្សាផ្ដោតលើផ្នែក៧ដែលក្នុងនោះផ្នែក៣ដែលនិយោជិតនឹងមានប្រាក់បៀវត្សខ្ព្ស់ជាងគេក្នុងឆ្នាំ២០២៤ គឹក្រុមហ៊ុនរថយន្ត ក្រុមហ៊ុនវីទ្យាសាស្ត្រនិងក្រុមបច្ចេកវិត្យាជាន់ខ្ព្ស់។ ផ្នែកទាំង៣នោះប្រើបុគ្គលិកដែលមាន ទេពកោសល្យខ្ពស់ ដើម្បីធ្វើការក្នុងទីផ្សារដែលមានការប្រកួតប្រជែងខ្លាំង។
ការបង្កើនប្រាក់បៀវត្សក្នុងឆ្នាំ២០២៤ នៅឥណ្ឌាមានដល់៩,៣% ទល់នឹង៧%នៅវៀតណាម ៦,៥%នៅឥណ្ឌូណេស៊ី៥,៧%នៅហ្វ៊ីលិពីន ៥,១%នៅម៉ាឡេសីុ ៤,២%នៅសិង្ហបុរី ៥,២%នៅចិន ៤,៤%នៅកូរ៉េខាងត្បូង៕
ចែករំលែកព័តមាននេះ